Gobara
Shaguna 100 sun ƙone a gobarar kasuwar fanteka a Kaduna
Aƙalla shaguna 100 ne suka ƙone a wata gobarar da ta tashi a tsakar dare a kasuwar fanteka da ke garin Kaduna.
Gobarar ta tashi ne kafin wayewar garin Laraba a kasuwar fanteka da ke kusa da harabar Kwalejin Kimiyya da Kere-kere (Kaduna Polytechnic).
Kasuwar fanteka wanda ke kusa da gidan gwamnatin jihar Kaduna a unguwar Tudun Wada, ta yi fice wajen kasuwancin kayan gini da karafa dangoginsu da sauransu.
Sakataren ƙungiyar ’yan kasuwar Fanteka, Ibrahim Muhammad, ya ce gobarar ta fi yin ɓarna a bangaren masu sayar katako.
KU KUMA KARANTA: Gobara ta hallaka wani magidanci, matarsa da ‘ya’yansa biyar a Kano
Ibrahim Muhammad ya ce, “masu gadin kasuwar sun shaida mana cewa ’yan mintoci kaɗan bayan karfe 12 na dare wutar ta fara ci daga ɓangaren ’yan katako.
“Sai da jami’an hukumar kashe gobara suka zo daga Jaji aka kashe gobarar da misalin kare 5 na asuba.
“Shagunanmu sama da 100 sun ƙone, amma yanzu dai ba za mu iya faɗan girman asarar da dukiyar aka yi ba,” in ji shi.
Sakataren ƙungiyar ’yan kasuwar ya ƙara da cewa ba a kai ga gano musabbabin tashin gobarar ba.
An tabbatar da mutuwar masu juna biyu a cikin harin da aka kai a Borno
An kasha aƙalla mutane 18, yayin da wasu 30 suka jikkata bayan wasu jerin hare-haren da ake zargin wasu mata ‘yan ƙunar baƙin wake ne suka kai a jihar Borno a jiya Asabar, in ji shugaban hukumar bayar da agajin gaggawa ta yankin.
Borno dai na cikin shekaru 15 na hare-haren masu iƙirarin kishin Islama wanda ya yi sanadiyar mutuwar dubban mutane tare da raba wasu miliyoyi da humallan su.
Duk da cewa sojojin Najeriya sun rage ƙarfin mayaƙan, amma har yanzu suna kai munanan hare-hare kan fararen hula da kuma wuraren tsaro.
KU KUMA KARANTA:Gobara ta tashi a matatar man Ɗangote
Barkindo Saidu, shine babban Daraktan Hukumar Ba da Agajin Gaggawa ta Jihar Borno, ya ce wasu da ake zargin ‘yan ƙunar baƙin wake ne suka kai hari daban-daban a wajen bikin aure da jana’iza da kuma asibiti, inda suka kashe mutane tare da jikkata wasu da dama a garin Gwoza.
Saidu ya ce an tabbatar da mutuwar mutum 18, adadin da ya haɗa da ƙananan yara da manya da ma mata masu juna biyu.
Sai dai babu wata ƙungiyar ko wani mutun da ya ɗauki alhakin kai wannan harin.
Boko Haram da ISWAP da ta ɓalle kanta, su ne ƙungiyoyin ‘yan bindiga da suka fi yawan gudanar da ayyukan su a jihar Borno, wani babban yanki na karkara mai girman gaske.
Tinubu ya jajantawa mutanen da gobarar kasuwar Karu ta shafa
Shugaban Najeriya Bola Tinubu ya miƙa saƙon jajensa ga ‘yan kasuwar da shaguna da dukiyoyinsu suka ƙone a gobarar da ta tashi a kasuwar Karu a daren Alhamis.
Sanarwar da hadimin shugaban ƙasar akan harkokin yaɗa labarai, Ajuri Ngilale ya fitar a ranar Juma’a ta ce, shugaban ƙasar ya yi takaicin samun labarin gobarar da ta shafi wani sashe na kasuwar.
Da yammacin ranar Alhamis, gobara ta laƙume wani yanki na kasuwar, inda ta lalata ɗimbim dukiya da sauran kayayyaki masu daraja.
KU KUMA KARANTA:Gobara ta tashi a matatar man Ɗangote
Sanarwar ta ƙara da cewar, shugaban ƙasa na miƙa saƙon jajensa ga ilahirin ‘yan kasuwar da wannan mummunan al’amari ya shafa, sannan yana ba su tabbacin samun tallafi daga gwamnatinsa.
Shugaban ƙasar ya kuma yi ƙira da a riƙa taka tsantsan da ɗaukar matakan kariya, domin kare afkuwar gobara da sauran bala’o’i a nan gaba.
Gobara ta tashi a matatar man Ɗangote
Gobara ta tashi da yammacin yau a wani sashe na matatar man Ɗangote da ke kusa da Lekki a Legas.
Jami’an agajin gaggawa sun ɗauki matakin shawo kan lamarin, kuma a cewar rahotannin farko, ba a samu raunuka ba.
Kawo yanzu dai ba a san musabbabin tashin gobarar ba, kuma ana ci gaba da gudanar da bincike don gano girman barnar da aka yi da kuma abin da ya haddasa faruwar lamarin.
Da take mayar da martani kan gobarar a cikin wata sanarwa da Ɗangote ya fitar, mai ɗauke da sa hannun Anthony Chiejina, ƙungiyar ta ce, “Mun yi gaggawar shawo kan wata ‘yar karamar gobara a masana’antar sarrafa iska (ETP), a yau Laraba 26 ga watan Yuni.
KU KUMA KARANTA: Gobara ta kashe jarirai shida a Indiya
“Babu wani dalili na tashin hankali yayin da matatar ta ke aiki kuma babu wani rauni da aka samu ko lahani ga dukkan ma’aikatanmu da ke bakin aiki.”
Matatar dangote wani katafaren aiki ne da ake ginawa wanda ake hasashen zai iya tace ganga 650,000 a kowace rana.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai10 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano