Connect with us

Labarai

Dalilin da ya sa na saka wa matata sasari – Wani magidanci a Potiskum

Published

on

Daga Ibraheem El-Tafseer

A ranar Laraba ne, labarai suka karaɗe kafafen yaɗa labarai a kan wani magidanci ya saka wa matarsa sasari (ankwa) a garin Potiskum ta jihar Yobe. Wannan labarin ya sa mutanen unguwar suka fita don bincika haƙiƙanin labarin. Bayan sun tabbatar da labarin, sai suka garzaya wajen jami’an tsaron ‘Nigerian Security and Civil Defence Corps’ (NSCDC), inda aka je gidan aka kamo shi a cikin daren, suka kwana a ofishin NSCDC na Potiskum.

Da safe aka fara yi masa tambayoyi a ofishin NSCDC da ke Potiskum. Shi wannan magidanci sunansa Malam Muhammadu mai waldar Robobi, inda ya bayyana cewa dalilin da ya sa ya saka wa matar tasa sasari shi ne, ita matar tasa tana fita bara, sannan tana da taɓin hankali. Amma ita matar ta musanta.

KU KUMA KARANTA: An kama mijin da ya saka wa matarsa sasari a Potiskum

Kwamishinar harkokin mata ta jihar Yobe ta zo musamman don binciken haƙiƙanin abin da ya faru aka saka mata sasari. Ƙungiyar ba da agaji ta SEMA, ita ma halarci gidan matar.

Ƙungiyoyin kare haƙƙin ɗan adam daga Yobe da jihar Borno duk sun halarci gidan matar da abin ya faru. Kakakin NSCDC a jihar Yobe, Bala Garba ya shaida wa manema labarai cewa, “jama’ar unguwa ne suka kawo mana kukan abin da yake faruwa na matar da aka saka mata sasari, inda muka tura jami’anmu don bincika wa. Kuma suka taho dasu duka. Zuwa yanzu ana yi masa bincike”.

Rahotanni mabambamta sun yi ta bayyana daga baya, inda aka ce, an tabbatar da cewa wannan mata tana fama da taɓin hankali, wataran ma idan ta fita ba kwana take a can, shi ya sa aka ɗaure ta. Amma kuma ita matar da kanta ta musanta wannan zargi. Ta ce idan ta fita bara ɗinma, idan ta dawo, shi mijin ne yake karɓar kuɗin.

Zuwa haɗa wannan rahoto, wannan magidanci yana hanun hukumar ‘yan sanda a garin Damaturu, ana ci gaba da yi masa bincike.

Maryam Sulaiman, ƙwararriyar ‘yar jarida ce mai kishin ƙasa, wacce ta sadaukar da kanta wajen kawo sauyi a cikin al’umma ta hanyar fahimta da daidaita rahotanni.

Click to comment

Leave a Reply

Your email address will not be published. Required fields are marked *

Labarai

Jirgin Max Air ya tsallake rijiya da baya sakamakon fashewar tayoyi a Yola

Published

on

Jirgin Max Air ya tsallake rijiya da baya sakamakon fashewar tayoyi a Yola

Jirgin Max Air ya tsallake rijiya da baya sakamakon fashewar tayoyi a Yola

Daga Idris Umar, Zariya

Wani Jirgin saman kamfanin Max Air ƙirar Max Air NGL1649, Boeing 737 mai lamba 5N-ADB ya tsallake rijiya da baya a jiya Lahadi.

Rahotanni sun nuna cewa Jirgin wanda ke ɗauke da fasinjoji 119 da ma’aikatan jirgi 6 yana tsaka da shirin tashi daga filin jirgin sama na Yola jihar Adamawa inda zai nufi Abuja sai kwatsam aka ji duka tayoyin jirgin guda huɗu sun yi bindiga sun fashe lamarin da ya jawo dole aka fasa tafiyar aka sauke fasinjojin.

KU KUMA KARANTA: Jirgi ya yi saukar gaggawa bayan fasinja ya gartsa wa ma’aikaciya cizo

Rahotanni sun nuna cewar karfe 7 na safe ya kamata matafiyan su tashi amma sakamakon Fashewar waɗannan tayoyi sai karfe biyu na dare sannan suka sami damar ɗagawarsu.

Continue Reading

Labarai

Ɗangote ya janye aniyarsa ta shiga kasuwancin sarrafa ƙarafa

Published

on

Ɗangote ya janye aniyarsa ta shiga kasuwancin sarrafa ƙarafa

Ɗangote ya janye aniyarsa ta shiga kasuwancin sarrafa ƙarafa

Shugaban kamfanin Ɗangote, Alhaji Aliko Dangote ya sanar da janye aniyarsa ta shiga kasuwancin ƙarfe a Najeriya.

Janyewar da hamshaƙin ɗan kasuwar ya yi na zuwa ne watanni biyu bayan kamfaninsa ya sanar da cewa zai zuba jari a ɓangaren sarrafa ƙarafa domin faɗaɗa tattalin arziƙin Najeriya.

A yayin da yake jawabi ga manema labarai a Legas a ranar Asabar, shahararren mai kuɗin ya bayyana cewa kamfanin nasa ya janye daga wannan kasuwancin ne domin kada a zo ana zargin kamfaninsa da babakere.

Fitaccen ɗan kasuwar ya kuma yi watsi da zargin da ake yi wa wasu kamfanoninsa na babakere a harkokin kasuwanci.

“Kun san kan batun sabon kasuwancin da muka sanar, wanda shi ne na ƙarafa, a gaskiya kamfaninmu ya yanke shawarar cewa ba za mu yi kasuwancin ƙarfe ba domin idan muka yi kasuwancin, za a rinƙa ƙiranmu da sunaye iri-iri kamar masu babakere,” in ji shi.

KU KUMA KARANTA: Matatar Ɗangote na zargin manyan kamfanonin mai na duniya da hana shi samun ɗanyen fetur

“Haka kuma za a bayar da ƙwarin gwiwar shigo da kayayyaki, ba za mu so mu shiga nan ba.”

“Idan kuka dubi duka ayyukanmu a Ɗangote (Group), muna ƙara ƙima; mukan dauki kayayyaki wanda aka samar da su a cikin ƙasa mu sarrafa su zuwa kayayyakin amfani, mu kuma sayar.

Ba mu taba hana kowa a sane ko cikin rashin sani ba daga yin irin kasuwancin da muke yi. “Lokacin da muka fara kasuwancin siminti, Lafarge ne kawai ke aiki a nan Najeriya.

Babu wanda ya taba ƙiran Lafarge a matsayin mai babakere,” in ji shi. Shugaban kamfanin na Ɗangote ya bayyana cewa ƙiran kamfaninsa da ake yi da mai babakere ba ya yi masa daɗi a ransa.

Continue Reading

Labarai

Najeriya na tunkarar wani mataki mai haɗari saboda wahalhalun tattalin arziki – CNG

Published

on

Najeriya na tunkarar wani mataki mai haɗari saboda wahalhalun tattalin arziki - CNG

 

Najeriya na tunkarar wani mataki mai haɗari saboda wahalhalun tattalin arziki – CNG

Gamayyar ƙungiyoyin arewacin Najeriya, CNG,
ta ce ba a taɓa samun gwamantin da aka sami koma-baya ba a Najeriya, kamar mulkin Bola Ahmed Tinubu ba.

A cewar CNG, maimakon a samu ci gaba sai ma koma-baya a ake ta samu, saboda manufofin da gwamantin ta ke futo da su babu wanda zai ce tana jin ƙasan talakan ƙasar.

Kwamared Jamilu Aliyu Chiranci shi ne shugaban ƙungiyar ta CNG, ya shaida wa BBC cewar Najeriya na tunkarar wani mataki mai haɗari, saboda wahalhalun tattalin arziki, da hauhawar farashi, da talauci da ya yi wa ƴan ƙasar katutu

KU KUMA KARANTA:Da ba a cire tallafin mai ba, da wahalar da za’a sha a Najeriya ta fi ta yanzu – Gwamnatin tarayya

Ya ce dole CNG ta sa daukar wannan mataki sakamakon yadda ake ci gaba da fuskantar matsin rayuwa musaman tashin farashin kayayyaki a ɗaukacin faɗin ƙasar.

Gamayar ƙungiyoyin arewacin ta Najeriya ta ce, lamarin ƙangin da ake fama da shi a ƙasar ya fi ƙamari a yankin arewacin ƙasar, saboda yanayin da al’ummar yankin ke ciki.

Duk abinda shugaban ƙasa zai yi, akwai buƙatar ya tsaya ya mayar da hankali kan ceto ƙasar nan, wanda ina da yaƙinin cewar bazai so a ce a lokacin sa Najeriya ta shiga yanayin da ƴan ƙasar za su yi mata turjiya ba”

Sannan ya ce ’mutam miliyan 133 a Najeriya na fama da talauci, sannan mutane miliyan 20 ba su da aikin yi ko ma a ce ba su da isasshen aiki”, In ji Kwamrated Chiranci.

Da hakane CNG ɗin ta bai wa shugaban ƙasar Ahmed Bola Tinubu wa’adin mako guda da ya hanzarta tare da yin nazari game da halin da al’ummar ƙasar ke ciki, tare da ɗaukar matakan gaggawa da za su kawo wa ƴan Najeriyar sauƙin rayuwa.

Continue Reading

GOCOP ACCREDITED MEMBER

You May Like