Connect with us

Siyasa

Kaduna 2023: Sani Sidi Ya Bayyana Niyarsa Na Tsayawa Takarar Gwamna A Jam’iyyar PDP

Published

on

…Ya Gargadi Magoya Bayansa Da Yin Kamfen Na Batanci

Daga; USMAN NASIDI, Kaduna.

TSOHON Shugaban Hukumar Bada Agajin Gaugawa ( NEMA), Honarabul Muhammad Sani Sidi, ya kai ziyarar neman goyon baya da bayyana ra’ayinsa bisa niyar tsayawa takarar Kujerar Gwamnan Jihar Kaduna a karkashin Jam’iyyar PDP domin darewa kan karagar Mulki na Gidan Gwamnatin Jihar ta Sir Kasim Ibrahim dake Kaduna.

Dan takarar Kujerar Gwamnan Jihar a ranar lahadi, ya fara da kai ziyara Ofishin Jam’iyyar a matakin karamar hukumar, Ofishin Shiyya ta Biyu, kana da zuwa Sakatariyar Ofishin Jam’iyyar ta PDP domin neman sa albarkarsu, kana da neman amincewarsu bisa kudirinsa na tsayawa takarar a karkashin Jam’iyyar.

Da yake jawabi a wajen taron, Alhaji Sani Sidi, ya bayyana cewa ya fara da kai ziyarar daga kasa ne saboda nuna sanin mahimmancin al’ummar dake wannan matakin, kana da bin Dokoki da ka’idodin da suka dace wanda yin hakan zai iya taimakawa wajen tabbatar masa da irin kaunar da al’ummar ke masa kamin ya runtuma izuwa sama domin bayyana niyarsa.

Tsohon Shugaban Hukumar (NEMA), ya kara da cewa ya kai wannan ziyarar ne bisa ra’ayinsa tare da magoya bayansa, tawagarsa da sauran al’umma wadanda suka aminta da cewa wannan tafiyar tasa ita ce tafiyar nasara, don haka ya je neman sa albarkar shugabannin da amincewarsu, kana da neman addu’arsu a gare shi.

Ya ce “wanda ya iya da wanda bai iya ba akwai banbanci don ita gaskiya, gaskiya ce kuma karya, karya ce, toh ni na fito wannan takara ne saboda kishi da bukatar ku na neman kwato wannan mulki daga hannun Jam’iyyar adawa ta APC izuwa PDP, don haka muke neman goyon bayan ku.”

“Mai girma Shugaban Jam’iyyarmu ta PDP mai albarka, muna so kasan cewa dukkanmu Ya’yan ka ne kuma muna son ka dauke mu a matsayin Ya’yan ka ba tare nuna wani banbanci ba ta hanyar bamu damar yin abubuwa yadda suka kamata, domin ta hanyar yin hakan ne zamu iya kawo ci gaban da ake bukata, kana da nasarar komawarmu a kan karagar Mulki.”

“Ina kira ga dukkanin magoya bayanmu musamman magoya bayana da adaina yin kamfen na batanci domin mutum daya ne zai yi Gwamna kuma wata kila ma bai ma riga ya fito ba, amma tunda Allah ne ke da mulki kuma Ya ce a nema a wajen shi, toh Allah Ya kaddara Sani Sidi ne Gwamnan, kuma Allah Yasa wannan tubalin da muka dora ya kaimu ga gidan Gwamnatin Sir Kasim Ibrahim na Jihar Kaduna.”

A nashi jawabin, Shugaban Jam’iyyar PDP na Jihar Kaduna, Honarabul Hassan Hyet, ya bayyana Jindadinsu da gamsuwa bisa ga irin yadda Dan takarar ya zo ya gabatar da kansa, kana yake da tauhidin cewa mulki na Allah ne kuma shi ne mai badawa ga wanda yaso, amma suna masu masa fatan nasara a wannan tafiyar tasa ta neman kujerar Gwamnan Jihar ta Kaduna.

Acewarsa, ya godewa Allah da ya sanya dan takarar na daya daga cikin mutanen da suka tsaya takara a shekarar 2019 kuma ya ga irin yadda Jam’iyyar ta gudanar da harkokin ta a karkashin Jagorancin na shi, domin duk abinda aka yi duk a gabansu aka yi kuma tare dasu wanda hakan zai tabbatar musu da irin adalci da ake bukata.

Ya ce “idan Jam’iyya ba ta da yan takara, toh ba Jam’iyya ba ce, kuma idan Jam’iyya ba ta yi adalci a harkokin ta ba, toh babu shakka duk yan takara zasu watse, don haka muna kira ga yan takara da su yi kokarin halartar taron da za ayi a ranar talata domin sanin matakan da za a dauka yayin gudanar da harkokin siyasar da tsare-tsaren da ake bukata, don haka duk wanda ba zai samu zuwa ba, sai ya tura wakili amadadin shi.”

A karshe, Shugaban Jam’iyyar Hassan Hyet, ya shawarci Ya’yan Jam’iyyar da su yi kokarin sabonta katinsu na Jam’iyyar wanda da shi Jam’iyyar za tayi amfani, kuma nan bada jimawa za su soma bayar da katin a matakin Unguwanni ba a Jaha ko Tarayya ba.

Click to comment

Leave a Reply

Your email address will not be published. Required fields are marked *

Siyasa

APC ta dakatar da ɗan Majalisa kan cin amana a Zamfara

Published

on

APC ta dakatar da ɗan Majalisa kan cin amana a Zamfara

Jam’iyyar APC reshen Jihar Zamfara ta dakatar da Ɗan Majalisar Wakilai, Aminu Jaji bisa wasu zarge-zargen da ake yi masa na cin amanar jam’iyyar.

Sakataren Yaɗa Labarai na Jam’iyyar APC na Jihar, Malam Yusuf Idris ne ya sanar da dakatarwar a wani taron manema labarai a Gusau a ranar Juma’a.

Kamfanin Dillancin Labaran Najeriya (NAN) ya ruwaito cewa, Jaji yana wakiltar mazaɓar Ƙaura-Namoda/Birnin-Magaji a Majalisar Wakilai a ƙarƙashin jam’iyyar APC.

Idris ya ce wasu zarge-zargen da ake yi wa Ɗan Majalisar sun haɗa da aikata rashin gaskiya da rashin zuwa tarurrukan jam’iyyar da kuma sauran ayyuka.

KU KUMA KARANTA: Kotun Najeriya ta bayar da umarnin dakatar da asusun banki fiye da dubu 1

Ya ce, matakin ya biyo bayan sanarwar dakatarwar da aka yi wa Jaji daga shugabannin jam’iyyar APC na mazaɓar Birnin-Magaji bisa zargin cin amanar jam’iyyar da dai sauran abubuwan da suka saɓa wa jam’iyyar.
Idris ya ce, “Kwamitin zartaswa na jam’iyyar APC na ƙaramar hukumar Birnin Magaji ne ya miƙa sanarwar dakatarwar zuwa hedikwatar jam’iyyar APC ta jihar.

Bayanai sun ce kwamitin zartaswar jam’iyyar APC na jihar ya gudanar da taron gaggawa a sakatariyar jam’iyyar da ke Gusau a ranar Juma’a 17 ga watan Mayu, 2024, inda aka gabatar da batun dakatar da Jaji ga ‘yan majalisar zartarwar jihar.

Continue Reading

Labarai

Tsohon gwamnan Katsina, Shema ya sauya sheƙa zuwa APC

Published

on

Tsohon gwamnan jihar Katsina, Ibrahim Shema, a hukumance ya koma jam’iyyar APC Mai mulki a jihar.

Shema, ya kasance gwamnan jihar a tsakanin shekarar 2007 zuwa 2015, a ƙarƙashin jam’iyyar PDP.

Tsohon gwamnan ya yi rajista ne a ofishin jam’iyyar na mazaɓar Shema, ƙaramar hukumar Dutsin-ma, inda shugaban jam’iyyar na jihar, Sani Aliyu-Daura ya ba shi katin zama ɗan jam’iyyar APC.

Lambar katin Shema ta zama ɗan jam’iyyar ita ce: 26551.

KU KUMA KARANTA:Gwamnatin Yobe za ta mayar da kwale-kwalen Dufuna mai shekaru 8,000 zuwa cibiyar yawon buɗe ido

Malam Aliyu-Daura ya yabawa Gwamna Dikko Raɗɗa da kuma tsohon gwamnan jihar Aminu Masari wanda ya gada, a bisa rawar da suka taka wajen ganin Shema ya sauya sheƙa.

Don haka ya tabbatar wa tsohon gwamnan cewa za a yi masa adalci kamar kowane ɗan jam’iyya.

Shugaban ma’aikata na Raɗɗa, Jabiru Abdullahi-Tasuri, shi ne ya miƙa katin zama ɗan jam’iyya ga Shema a madadin gwamnan a jiya Alhamis a Dutsin-ma.

Continue Reading

Labarai

Fusatattun matasa sun lakaɗawa kwamishina duka a wajen zaɓen fidda gwani

Published

on

Banji Ajaka, kwamishinan lafiya na jihar Ondo, ya gamu da fushin matasa a jiya Asabar yayin da ake gudanar da zaɓen fidda gwani na gwamna na jam’iyyar APC mai mulki a jihar.

Daily Trust ta gano cewa Dakta Ajaka, wanda ke Mazaɓar Ugbo 3, a ƙaramar hukumar, ana zarginsa da ɓoye takardar sakamakon zaɓen.

Shaidu sun tabbatar da faruwar lamarin a wata tattaunawa da suka yi da manema labarai, inda suka yi zargin cewa fusatattaun matasan ‘ya’yan jam’iyyar APC ne da ke adawa da tsarin da aka bi wajen gudanar da zaɓen.

Ɗaya daga cikin waɗanda suka shaida lamarin, wanda ya nemi a sakaya sunansa, ya bayyana cewa rikicin ya faro ne lokacin da ‘yan ɗaya ɓangaren na jam’iyyar suka buƙaci ganin takardar sakamakon zaɓen na fidda gwani.

KU KUMA KARANTA:An yi jana’izar tsohon gwamnan Ondo, Rotimi Akeredolu

“Sun fusata ne suka buƙaci jami’in zaɓe ya ba su takardar sakamakon zaɓen sai kuwa ya ce ta na wajen Ajaka.

“Don haka suka yi masa duka a wurin, inda kuma garinsu ne. Jama’a sun fusata sosai da lamarin, inda rigimar ta ƙare a wajen.”

Da yake tabbatar da faruwar lamarin, Dakta Ajaka ya ce an zarge shi ne da riƙe takardar sakamakon zaɓen.

Ya yi bayanin cewa a lokacin da yake ƙoƙarin bayyana kansa, ’yan daban sun auka masa inda suka yi masa mugun duka.

Continue Reading

GOCOP ACCREDITED MEMBER

You May Like