Uncategorized
Hassada, Kiyayya Da Gaba A Tsakanin Malamai Ya Yi Yawa – Dokta Hamisu Ya’u
Daga; MUSTAPHA IMRANA ABDULLAHI.
WANI sanannen Malamin mai wa’azin addinin musulunci Ustaz Dokta Hamisu Ya’u kuma dan kasuwa ya bayyana cewa akwai wadansu matsalolin da suka yi wa Jama’a yawa musamman a bangaren malamai wanda ya hada da Hassada, Kiyayya da gaba a tsakanin junansu.
Dokta Hamisu Ya’u, ya bayyana hakan ne a lokacin da yake gabatar da wa’azin watan Ramadana a masallacin ‘Chice plaza’ da ke kan titin Alkali a Kaduna.
Ya kara da cewa babbar matsalar malamai a halin da ake ciki ita ce hassada, kiyayya da ganin kyashin Juna, wanda sakamakon hakan ya sa hatta yan siyasa ke yi wa malamai yadda suka ga dama.
Dokta Hamisu Ya’u, ya ci gaba da cewa lamari ne da ke tattare da gudanar da rayuwar Jama’a inda batun fadin karya kiri-kiri ya zama wani al’amari da Yan kasuwa ke yin riko da shi.
A bangaren Mata kuma suke rungumar yin Ha’inci ya zamar masu wani abin yi da za su iya aikatawa kowa a cikin al’umma, wanda sanadiyyar wadannan abubuwan da ke cikin al’umma sai lamarin ya zama wata gagarumar matsalar da ke addabar kusan dukkannin Jama’a baki daya.
Acewarsa, ita Hassada da shedan ya buga ganga sai malamai su ce a barmasu kayansu ne.
A halin yanzu iyaye mata suna matukar murna da farin ciki idan sun haifi da Namiji domin ya samu Gadon Dukiya mai yawa tsakaninsa da yaya mata.
“Batun tara makudan kudi ya zamar wa Jama’a fitina, yan kasuwa da malamai duk sun mayar da hankalin su kan kudi kawai, Inda zaka ga Malami ya sayi mota burinsa ya zama ba kamar shi ya dai Sanya Agogo mai tsada kawai”.
Ga kuma matsalar neman cin gadon Dukiya musamman ga mata masu zaman auren jiran cin Gado ba zaman aure kamar yadda musulunci ya bayyana ba, “mun samu labarin cewa wasu masu kudi yan kasuwa ba su cin abincin gidansu domin gudun kada a Sanya masa wani abu ya ci ya mutu”.
Halin da ake ciki shi ne mutum daya a duniya ke fatan ace ya fi shi kudi, Uba ne ke son dansa ya fi shi kudi, amma kuma Uba baya son dansa ya fi shi mulki.
“Mutane na bacewa baki daya domin su samu kudi, Inda wata rana wani boka ya Sanya masa sharadin yin zina da uwarsa ya kawo maniyin uwar ayi aiki, da kuma wanda aka ba shi sharadin ya kawo wa boka yin wanka da jinin dan da ya fi so kuma haka aka yi, sai wanda ya kashe uwarsa ya kawo wa boka farjin uwarsa da ya yanke daga jikinta bayan kashe ta, wannan fa har yan Sanda sun kama shi lokacin da ya dauki farjin da ya yanke a jikin uwarsa, to jama’a mu dubi halin da muke ciki fa”, inji Ustaz Hamisu Ya’u.
“Ko makiyin ka baka fatan ya shiga cikin hannun wadannan mutane domin kazantarsa ya yi yawa, kuma wannan masifa ce domin kawai a samu kudi a nan duniya, don haka lokaci ya yi da kowa zai duba kansa shin meye laifinsa a wajen Allah domin a gyara”.
Ga kuma wata fitina ta mata a cikin gida ga kuma ta yaya da kuma matsalar mata a waje bayan mutum ya fito daga cikin gida.
“Wata fitinar ta fito wato a dandalin Sada zumunta na tiktok, inda mata ke tallar kawunansu, har wasu ma zaka gansu kamar tsirara, saboda haka harkar mata fitina ce a karshen zamani sai dai fatan Allah ya kiyaye mu baki daya”.
Sai kuma fitinar sabawa iyaye duk da Allah ya ce a kyautata, abi iyaye a kyautata masu domin wajibi ne, amma abin da ke faruwa a yanzu iyaye na cikin tsaka mai wuya, saboda iyaye ne ke kyautata wa yayansu ba su yayan ke kyautata wa iyaye ba”.
Malamin wanda ya kasance Malamin jami’a ne Dokta Hamisu Ya’u, ya bayyana hakkin Uwa da Uba da cewa Uba na da cikakken hakkin mallakar dan da suka haifa, ita kuma uwa wajen tausayawa don haka a rika kokarin kiyaye wadannan abubuwa ba kamar yadda aka Dora jama’a ba sanadiyyar hadisin da ya gabata wanda ya nuna uwa farko har sau uku.
Ranar Lahadi ce 1 ga watan Muharram – Sarkin Musulmi
Sarkin Musulmi, Alhaji Abubakar Sa’ad III, ya bayyana cewa gobe Lahadi ce za ta zama 1 ga watan Muharram na sabuwar shekarar Musulunci ta Hijira 1446.
Shugaban kwamitin da ke bai wa Sarkin Musulmi shawara kan harkokin addini, Farfesa Sambo Wali Junaid ne bayyana hakan a ranar Juma’a.
Farfesa Junaid ya ce kwamitin haɗin gwiwa da kwamitin ganin wata na Najeriya sun tabbatar ba a samu ganin watan Muharram na shekarar 1446 a ranar Juma’ar ba, abin da ke nuna ranar Asabar za ta zama 30 ga watan Zhul Hijja na shekarar 1445.
KU KUMA KARANTA: A fara duban watan sabuwar shekarar Musulunci – Sarkin Musulmi
“Sakamakon haka, Asabar [6 ga watan Yuni] ta zama 30 ga watan Zulhijja 1445…Lahadi kuma [7 ga Yuni] ta zama 1 ga watan Muharram 1446,” a cewar shugaban kwamitin ganin wata na fadar sarkin Musulmi, Farfesa Sambo Wali cikin wata sanarwa.
“Sarkin Musulmi na taya Musulmin Najeriya murna [sabuwar shekara] da kuma roƙa musu alheri da taimakon Allah,” in ji sanarwar.
Sarkin Musulmin ya roƙi jama’a su ci gaba da addu’ar zaman lafiya da samun ci gaba a ƙasa baki ɗaya.
A tsarin Musulunci, kowane wata kwana 29 ne amma idan aka kasa ganin jaririn sabon wata akan cika watan zuwa kwana 30.
Babban Limanin Masallacin Juma’a na Ƙasa, Farfesa Ibrahim Maqari ya yi tir da tsarin da wani Masallaci a Legas ya fito da shi na biyan kuɗi kafin mutum ya yi ibadar Itikafi a cikinsa.
Limamin ya bayyana ɓacin ransa na wannan sabon abu da Masallacin ya fito da shi ne tare da yin sharhi mai tsawo kan haka a yayin tafsirinsa da ya ke yi a Babban Masallacin Juma’a na Ƙasa da ke Abuja.
Shehun Malamin ya kwantanta wannan mataki da masallacin na Legas ya fito da shi a matsayin wata sabuwar fitina a addini wacce ta fi kowacce bida’a muni a wannan zamani.
Wanda a cewarsa hakan zai iya haifar da fushin Allah kan wannan al’umma saboda kasuwantar da ɗakinSa ne wanda wasu addinai ke yi.
“Masallaci ɗakin Allah ne kuma da zarar mutum ya shiga, duk wani girma da ɗaukaka da muƙami da matsayi ya kare bakin kofa inda ya ajiye takalminsa.
“Duk wanda ke cikinsa daidai yake da kowa ba tare da banbancin mai shi da maras shi ba na dukiya ko matsayi.
“A inda zai iya zama a ko’ina kuma kusa da kowa. Amma sa kuɗi zai buɗe kofar nuna banbanci da matsayi wanda hakan ba musulunci bane,” in ji shi.
A yayin da yake amsa tambayoyi a ƙarshen tafsirin a inda wani ya bayar da hujjar Masallacin na karɓar kudi don kula da shi ne da kuma sayen Man dizel.
Sai Malam ya amsa da cewa hakan bai halarta ba.
“Sai dai in wasu ɗakuna aka ware a cikin masallacin wanda mutum zai kama ya zauna don yin Ibada wanda hakan ya halarta ko kuma kuɗin da ake biya na amfani da banɗakuna ne da za a shiga don biyan buƙata wanda da su za a kula da tsafta da gyaransa da kuma ma’aikata.
“Amma in don a shiga cikin Masallacin a yi Ibada ne kamar Itikafi ne sai an biya saboda a taƙaita yawan mutane, wannan bai halarta ba.
KU KUMA KARANTA: Malaman addini a Malawi sun yi zanga-zangar nuna rashin amincewa da auren jinsi
“Wanda kuma dole ne musulmai su haɗu su yaƙi wannan bida’a wacce ta fi duk wata bida’a da wasunsu ke ta suka muni saboda abin da hakan zai haifar a nan gaba,” in ji shi.
Jaridar Aminiya ce ta ba da rahotan Masallacin Juma’a na unguwar masu hannu da shuni na Lekki da ke Jihar Legas ya saka Naira 130,000 ga duk mai son yin Itikafi a cikinsa wanda hakan ya haifar da cece-ku-ce.
Kodayake, wannan ba sabon abu ba ne a jihar a cewar wani mazaunin garin kasancewar masallatai daban-daban na karɓar kuɗi kama daga Naira 10,000 zuwa 30,000.
Sai dai rahoton da aka samu dangane da kuɗin da Masallacin Lekki ya karɓa a wannan shekara ya zarce na kowa a jihar, lamarin da ya ja hankalny jama’a a ciki da wajen jihar.
Watan tara na Hijira a kalandar Musulunci wanda asalinsa ke nuna tarihin yadda Annabi Muhammad (S.W.A) ya yi ƙaura daga Makka zuwa Madina, a lokacin ne al’ummar Musulmai sama da biliyan 2.5 a faɗin duniya suke azumi a watan Ramadan.
Ana gudanar da azumin ne har tsawon ranakun watan baki daya tun daga ketowar alfijir zuwa faduwar rana tare da addu’o’i da kuma tunatarwa Kamar yadda koyarwar Annabi (S.A.A.W) ya bayyana.
Watan Ramadan ba wai kawai yana ƙara wa muminai ayyukan ibada da kuma tunarwa ba ne, falalal cikin wata mai alfarma yana ciyar da gangan jiki da tunani gwargwadon yadda yake tsarkake ruhi.
Lokaci ne na musamman na kamewa da kuma yin ibada da mubaya’a da ya hada biki na ibada da kuma iyali, da al’umma a lokaci guda.
Azumin Watan Ramadan
A cewar Alƙur’ani mai tsarki, azumi wani nau’i ne na ibada da aka wajabtawa dukkan muminai.
“Ya ku waɗanda kuka yi imani, an wajabta azumi a kanku, kamar yadda aka wajabta wa waɗanda suka gabace ku, saboda ku zama tsarkarku,” a cewar wata aya daga Suratul al-Baqarah a cikin Alƙur’ani.
A cewar malaman addinin Musulunci, azumi wajibi ne a watan Ramadan kuma yana da fa’idodi da falala masu yawa ga kowane mutum.
”Wannan ne watan da mutane za su nemi gafarar Allah a kan kurakuran da suka aikata, sannan suna amfani da wannan damar wajen kyautatawa iyalansu da abokansu da kuma al’ummar da suke rayuwa a cikinta,” kamar yadda malamin addinin Islama da ke Nairobi Sheikh Shaaban Ismail ya shaida wa TRT Hausa
“Duk musulmin da ya kai shekarun balaga ko sama da haka, ban da wasu ƴan tsiraru, wajibi ne su yi azumi.”
Shika-shikan Musulunci
Azumin watan Ramadan na ɗaya daga shika-shikan Musulunci guda biyar, waɗanda wajibi ne ga dukkan Musulmai su yi riƙo da su.
Na farko shi ne “shahada”, ko kuma kalmar imani da cewa Allah shi ne abin bautawa shi kadai, kuma Annabi Muhammadu manzonsa ne.
Na biyu shi ne tsayar da salloli biyar a rana sai kuma Azumi a watan Ramadan da bayar da “zakka” (aikin ba da sadaka), da kuma ziyarar Makka don yin aikin Hajjin ga wadanda suke da halin zuwa.
Iyaye Musulmai gaba ɗaya sukan koyar da ƴaƴansu tun suna ƙanana ɗaukar azumin watan Ramadan a matsayin umarni daga Ubangiji, da nufin amfanar da su ta hanyar wadatar da kowane fanni na rayuwarsu.
“Wasu daga cikin wadanda azumin bai wajaba a kansu ba sune tsoffi da marasa karfi da suka hada da masu fama da lalurar ajali, a maimakon haka ana bukatar su ciyar da miskini abinci duk ranar wata,” in ji Sheikh Shaaban.
“Idan mutum yana fama da wata rashin lafiya na ɗan wani lokaci ko kuma ya kasance matafiyi ko kuma mai ciki ko mai shayarwa, ko mai jinin haila, an kebe masu irin wannan lalura daga yin azumi, tare da gargadi kan cewa sai mutum ya rama ta hanyar sake yin azumin daga baya”.
KU KUMA KARANTA: Isra’ila ta kashe gomman Falasɗinawa a ranar farko ta Azumin Ramadana
Faɗaɗa ayyuka
Azumin Ramadan ba wai kawai kaurace wa ci da sha ba ne. Dole muminai su ƙaurace wa sha’awarsu kamar yin jima’i. Ana kuma buƙatar musulmi su kara taimakawa marasa karfi a cikin watan.
A bayyane yake cewa a tsawon shekaru har wasu da ba musulmai ba sun yarda tare da shaida muhimmancin watan Ramadan.
A faɗin duniya baki ɗaya, wasu waɗanda ba musulmi ba su kan yi azumi a cikin watan Ramadana mai tsarki- wasu don samun biyan bukatu na ruhinsu da kuma keɓe kawunansu don tarbiyyar da ke tattare da watan, wasu kuma don su ji yanayin da ake ji, wasu kuma a matsayin sadaukarwa ga mutanen da ke kusa da su.
“Ana so Musulmai su nisanci duk wani aiki na zunubi ko kuma na rashin ɗa’a a kowane lokaci, sannan a cikin wannan wata ana bukatar su faɗaɗa ayyukansu na alkhairi da kuma gujewa duk wata shagala ko wacce iri ce.
“Idan aka kiyaye, hakan zai kawo zaman lafiya da wadata a cikin al’umma gaba daya,” a cewar Sheikh Shaaban.
Al’adar buda Iftar, ko buɗa baki bayan faɗuwar rana a kowace rana, wani ɓangare ne na watan Ramadan wanda ya zarce iya addini kawai.
A mafi yawan lokuta, mutane kan gayyaci ’yan uwa da makwabta da abokan arziki domin su buda baki tare ta hanyar cin nau’in abinci irin daban-daban gami har ma wasu na musamman da ake ci a lokacin Ramadan.
Don haka, lokacin buɗa baki ba wai dabi’a ce ta buɗa baki kawai ba, hanya ce ta haɗa kai da kuma ƙara ɗankon soyayya da kautatawa a tsakanin al’umma.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai10 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano