Yadda Buhari ya ƙaddamar da ayyukan Gwamna Buni na jihar Yobe

A ranar Litinin ne Shugaban ƙasar Najeriya Muhammadu Buhari ya halarci jahar yobe domin ƙaddamar da ayyukan bilyoyin kuɗaɗe Wanda gwamnan jihar Mala Buni yayi a faɗin jihar.

KU KALLI HOTUNAN ANAN: https://youtu.be/PeoxYImZEKo

Ayyukan sun haɗar da buɗe tashar jirginsa ta kaya wato Cargo Airpot wanda aka sanya sunan Shugaba Muhammadu buhari, daga bisani aka buɗe sabon asibitin horaswa wanda ya ƙunshi ɓangaren karbar haihuwa na asibitin wanda yana cikin mafi girma a faɗin Africa, an samar da dukkan wannan ayyuka ne a birnin damaturun jihar yobe.

Sannan ya kaddamar da buɗe sabuwar kasuwar zamani mai suna Ibrahim Gaidam Ultra Modern Market wacce take da shaguna fiye da ɗari bakwai wanda gwamna Buni ya gina domin bunƙasa hanyar kasuwanci a birnin Damaturu dama faɗin jihar yobe.

KU KALLI BIDIYON ANAN: https://youtu.be/76GsZBj0l3E

Akwai ire-iren wa’annan ayyuka na bilyoyin ƙudaɗe wanda gwamnan ya keyi a faɗin jahar yobe musamman garin Nguru, Gashua da kuma birnin Potiskum in da ake gina musu sabuwar kasuwar zamani da kuma katafaren wajen fakin manyan mototi (trailer park).