Ƙasashen Waje
Rikici ya kaure tsakanin Biden da Netanyahu kan hare-haren Gaza
Shugaban Amurka Joe Biden ya ce ya kamata Firaiministan Isra’ila Benjamin Netanyahu ya sauya tsattsauran ra’ayin gwamnatinsa inda ya ce nan gaba ba zai yiwu Isra’ila ta hana tabbatar da ƙasar Falasɗinu ba, sai dai Netanyahu ya yi raddi cewa Amurka ta jefa “bama-bamai masu guba” a Japan.
Biden ya yi tsokacin ne a wurin bikin tara masa kuɗi na yakin neman zaɓensa na 2024 bayan Amurka ta sayar wa Isra’ila tankokin yaƙi 14,000 ba tare da amincewar Majalisar Dokoki ba sannan ta hau kujerar-na-ki lokacin da Kwamitin Tsaro na Majalisar Ɗinkin Duniya (MƊD) ya nemi amincewarta game da ƙudirin da ke neman Isra’ila ta tsagaita wuta a Gaza.
Biden ya ce “galibin ƙasashen duniya suna goyon bayan” Isra’ila, duk kuwa da zanga-zangar da ake ta gudanarwa a faɗin duniya na kyamarta tun daga 7 ga watan Oktoba sannan ƙasashe mambobin Kwamintin Tsaro na MƊD da ma mambobin Babban Zauren MDD sun yi tarayya wajen kira a kawo ƙarshen cin zalin da Isra’ila take yi wa al’ummar Gaza.
“Amma yanzu su (Isra’ila) sun soma rasa goyon baya saboda yadda suke kai hare-haren bama-bamai irin na kan mai-uwa-da-wabi,” in ji Biden.
KU KUMA KARANTA: Yaƙi tsakanin Isra’ila da Falasɗinu, Rasha da Ukraine ya shafi tallafin kuɗin kiwon lafiya a Afirka – UNICEF
Biden ya yi waɗannan kalamai ne a yayin da mai ba shi shawara kan sha’anin tsaro, Jake Sullivan, yake shirin tafiya Isra’ila domin tattaunawa da majalisar da ke aiwatar da yaƙi ta ƙasar.
Biden ya ambaci ɗan siyasar Isra’ila mai tsattsauran ra’ayi Itamar Ben-Gvir, wanda shi ne ministan tsaron ƙasa na Isra’ila, inda ya ce “wannan ce gwamnati mafi tsattsauran ra’ayi a tarihin Isra’ila.”
“Ya kamata [Netanyahu] ya canza gwamnatinsa. Wannan gwamnatin ta Isra’ila tana sanya abubuwa suna yin tsauri,” a cewar Biden. Ya ce nan gaba ba zai yiwu Isra’ila “ta ƙi yarda” a kafa ƙasar Falasɗinu ba, matakin da masu tsattsauran ra’ayi na Isra’ila suke adawa da shi.
Biden ya yi tsokaci a game da wata kevantacciyar hira inda firaministan Isra’ila ya ce: “‘Ku [Amurkawa] kun jefa bama-bamai a Jamus, kun jefa bama-bamai masu guba da suka kashe ɗimbim ƙananan yara.'”
Biden ya ce ya mayar da martani da cewa: “Eh, haka ne shi ya sa bayan Yaƙin Duniya na Biyu aka samar da tsare domin ganin irin wannan bai sake faruwa ba… kada ka maimaita kuskuren da muka lokacin harin 9/11. Babu wani dalili da ya sa muka yi yaki a Afghanistan.”
Wani harin haɗin-gwiwa na Amurka da Birtaniya ya kashe mutum biyu a Yemen
Sojojin Amurka da na Birtaniya sun sanar cewa sun kai hare-hare kan mayaƙan Houthi da ke Yemen.
Ranar Alhamis kafar watsa labarai ta Houthi ta tabbatar da kisan aƙalla mutum biyu a hare-haren.
Ma’aikatar tsaron Birtaniya ta ce an kai hare-haren na haɗin-gwiwa ne a wurare uku a birnin Hodeidah da ke gaɓar Bahar Maliya.
KU KUMA KARANTA: Sojojin Amurka za su kammala ficewa daga Nijar 15 ga Satumba
Gidan talbijin na Al Masirah wanda ƙungiyar Houthi take gudanar da shi ya ruwaito cewa an kashe aƙalla mutum biyu sannan aka jikkata mutum 10 a hare-haren da aka kai a wani gini na gidan rediyo a lardin Al-Hawk na birnin Hodeidah.
Kenya ta soma sauraron ƙararraki kan zargin cin zarafi da sojojin Birtaniya suka yi
Kenya za ta soma zaman sauraren ƙararrakin jama’a a ranar Talata kan zargin take hakkin ɗan’adam da kuma cin zarafi da sojojin Birtaniya suka yi a kasar wadda ta taba yi wa mulkin mallaka.
Sashen horar da sojojin Birtaniya a Kenya (BATUK) wuri ne na tafiyar da ayyukan da suka shafi tattalin arzikin mutane da dama a tsakiyar garin Nanyuki, inda aka kafa sansanin soji na dindindin, amma kuma ana zargin sojojin da ke wurin da aikata laifuka ciki har da kisan kai.
Ɗaya daga cikin manyan laifuka da suka fi ɗaukar hankali a shekarar 2012, shi ne na tsintar gawar wata mata ‘yar ƙasar Kenya a cikin wata rijiya a Nanyuki, inda ganinta da rai na ƙarshe da aka yi tare da wani Sojan Birtaniya ne.
Iyalan Agnes Wanjiru sun shigar da ƙara a Kenya kan mutuwar matashiyar mai shekaru 21, amma babu wani ci gaba da suka samu kan shari’ar, inda aka yi ta ɗage sauraron ƙarar.
Yanzu dai ana sa ran sake sauraron ƙarar a ranar 10 ga watan Yuli kamar yadda kafafen yada labarai na ƙasar suka rawaito.
A makon jiya ne majalisar dokokin Kenya ta sanar da cewa za ta gudanar da zaman sauraron ƙararrakin jama’a har guda hudu ciki har da na Nanyuki kan cin zarafin da ake zargin sojojin Birtaniya da aikatawa a ƙasar.
Za a yi zaman sauraron ƙararrakin ne tsakanin ranakun Talata da Alhamis na wannan makon inda za gudanar da ”bincike kan zarge-zargen take hakkin bil’adama da suka haɗa cin zarafi da azabtarwa da tsare mutane ba bisa ka’ida ba da kuma kashe- kashe,” a cewar wata sanarwar da majalisar ta fitar.
KU KUMA KARANTA: Ana fargabar zaftarewar ƙasa ta rutsa da mutane da dama a Kenya
Kazalika zaman zai yi duba kan “zargin take hakkokin ɗa’ar aiki da suka haɗa da cin hanci da rashawa da aikata zamba da kuma nuna wariya da cin zarafi da sauran munanan dabi’u.”
Birnin Landan da Nairobi suna takun-saƙa kan batun hukunta sojojin Birtaniya da suka take dokokin Kenya, inda a baya gwamnatin Birtaniya ta ce ba ta amince da hurumin kotun Kenya na bincike kan kisan Wanjiru ba.
Da yake amsa tambayoyi kan sauraron karar na wannan makon, mai magana da yawun hukumar Biritaniya ya shaida wa kamfanin dillacin labarai AFP cewa: “Hukumar Birtaniya a Nairobi da BATUK suna da niyyar ba da hadin kai ga binciken.
“Haɗin gwiwar ayyukan tsaro na Birtaniya da Kenya na ɗaya daga cikin manyan ginshiƙan dangantakarmu kuma horon da muke samarwa ta haɗin gwiwa da ayyukan da muke yi tare suna taimakawa wajen samar da tsaro ga al’ummar Kenya da Birtaniya,” in ji shi.
A ranar Alhamis din da ta gabata ne tawagar Birtaniya ta ce babban kwamishinanta Neil Wigan ya gana da iyalan Wanjiru, waɗanda suka dade suna neman a yi musu adalci kan kashe ta da aka yi.
“Taron ya ba da dama ga Babban Kwamishinan ya saurari ‘yan’uwan marigayiyar tare da yi musu ta’aziyya. Kazalika ya samu damar jaddada matsayar Birtaniya na ci gaba da bayar da cikakken haɗin kanta ga binciken da Kenya ke yi kan (mutuwar Misis Wanjiru),” in ji sanarwar.
A watan Oktoban 2021 ne, Jaridar ‘The Sunday Times’ ta Biritaniya ta ruwaito cewa wani soja ya shaida wa abokansa cewa sun kashe Wanjiru kuma ya nuna musu gawarta.
Rahoton ya yi zargin kan cewa an sanar da manyan jami’an soji game da kisan, amma ba a dauki wani mataki akai ba.
An ƙaddamar da bincike kan batun ne a shekarar 2019 amma ba a bayyana sakamakon ba ga al’ummar.
‘Yan sandan Kenya sun sanar da cewa za a sake buɗe binciken bayan rahoton da Jaridar Sunday Times ta fitar.
Iyalan Wanjiru sun shigar da karar sojojin Birtaniya a Kenya da kuma ‘yan sanda da jami’an shari’a da na siyasa na Kenya kan batun mutuwarta.
Ana lalata mutuncin bil’adama a Gaza – Ministan Turkiyya
Ministan Lafiya na Turkiyya ya ce ana lalata mutuncin bil’adama a Gaza a yayin da ake ci gaba da kai hare-hare ba kan fararen hula ba har ma da cibiyoyin kiwon lafiya.
A wani taron Majalisar Lafiya ta Duniya (WHA) a Geneva, Fahrettin Koca ya ce “A Gaza, ana lalata mutuncin bil’adama a gaban dukkan idanunmu, ana yi mata rugu-rugu.”
KU KUMA KARANTA: An yi zanga-zangar neman ƙasashen Musulmai su tura sojoji don taimaka wa Falasɗinawa a Gaza
“An ga cewa ƙasashen da ke iƙirarin ci gaba su ne a baya sosai a fannin darajta dan’adam, sun gwammace su yi shiru yayin da ake kashe yara da jarirai da hanyoyin a salon da ake tunanin ya gushe a duniya,” in ji shi. Ya ƙara da cewa:
“Wadanda ake kiran sun fi kowa ci gaba a fannin dimokuradiyya su ne masu ƙin mayar da hankali kan kukan al’umma”.
“Dukkanmu mun kasance fursunonin wannan baƙin tarihi” ya ce.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai8 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano