Kungiyoyi
Rashin Wadatattun Kayan Aiki Da Taimako Ne Cikas A Aikin Katin Zaben Rigasa – Kungiyar RAAF
Daga; USMAN NASIDI, Kaduna.
WATA kungiyar Azama da wayar da kan al’umma (RAAF) dake Gundumar Rigasa Kaduna, ta koka bisa rashin samun wadatattun kayan aiki da mutane masu taimakawa wajen gudanar ayyukan yin katin Zabe ne ke zame musu cikas yayin cimma burinsu na samun nasarar aikin.
Kungiyar (RAAF) ta yi wannan korafin ne a ranar lahadi, yayin da take zaman taron ta na mako-mako da ta saba gudanarwa a Makarantar sakandare dake kan titin Makarfi a Gundumar Rigasa Kaduna.
Da yake jawabi a wajen taron, Shugaban Kungiyar (RAAF) Ismail muhammad, ya bayyana cewa wannan wani babban Kalubale ne da yake ci musu tuwo a kwarya ganin irin yadda manyan yankin suka zura musu ido a kan ganin cewa sun cimma burinsu na samun damar cike gurbin da hukumar zabe ta basu na karin akwatunan zabe a Gundumar.
Ya ce “wannan wata babbar dama ce da hukumar zaben ta bamu na karin akwatunan, kuma wani aiki ne wanda muka saka kanmu a kan yin shi wanda a sanadiyarsa hakan mafi yawanmu bama ko zuwa aiki domin mu samu ganin cewa mun cimma burin mu ta yadda mutanen mu na Gundumar Rigasa zasu cike wannan gurbin na damar da aka samu.”
“Allah Ya horewa Gundumar Rigasa mutane masu yawan gaske wanda inda zamu samu irin goyon bayan da muke bukata na karin na’urar tantancewa daga hukumar zabe, kana da wasu mutanen da zasu taimakawa aikin yin katin Zaben a Gundumar, toh da ba shakka zamu samu biyan bukatar da ake nema na samun koda mazabar da za a iya bamu Dan Majalisa ne yanzu ba lalle sai mun yi tunanin samun karamar hukuma ba.”
“Ada muna da akwatinan zabe 26 amma a yanzu an kara mana akwatuna 127 su ka zama 153, kuma a iya kokarinmu mun samu kewayawa sama da akwatina 80, toh amma idan ba a samu mutanen da suka Kada Kuri’unsu a wajejen ba a lokacin Zabe, toh ba shakka za a soke mana wadannan akwatunan don haka muke kira ga duka Jama’ar Gundumar Rigasa dasu rungumi wannan aikin zaben gadan-gadan domin ganin mun raya wadannan akwatunan.”
“Mu ba damuwarmu bane idan har mutum ya yi katin zaben yazo ranar zaben ya dangwada duk abin da yake so koda lalata Kuri’arsu za suyi, muddun idan har zai zamana za a iya lissafawa da Kuri’ar ta su wanda hakan zai nuna cewa akwai masu yin zabe a akwatunan, don ba muna yin aikin domin wani dan siyasa ko Jam’iyya ba ne, face sai don ganin ci gaban Gundumar ta mu.” Inji Shi
Acewarsa, dukda iya Kokarin da suke, wasu al’umma na zargin ko biyansu ake ko an biya su ne domin su yi wannan aikin wanda su suka daukarwa kansu yin aikin, kana da yin amfanin da karfinsu, iliminsu, basirarsu da dukiyarsu amma hakan bai hana a ci musu mutunci a wajen wasu al’ummar ayayin da suke gudanar da ayyukan katin zaben.
Shugaban RAAF, ya ci gaba da cewa su babban burin su shi ne duk wasu masu zuwa wajen garin Rigasa yin zabe da su dawo da katinansu cikin Gundumar, sannan duk wasu masu matsala a katinsu da su yi kokarin zuwa su gyara saboda amfanin kansu da kuma ci gaban duka al’ummar yankin.
A karshe, Ismail muhammad ya yi kira ga dukkan masu ruwa da tsaki, masu hali, masu hannu da shuni da yan siyasar dake Gundumar da su kawo musu agaji da taimako wajen ganin yankin ta samu damar cin gashin kanta ta hanyar samun nasara a wannan aikin katin zaben wanda a halin yanzu ake bukatar agaji na gaugawa.
Daga Abbas Bamalli
A wani biki mai ƙayatarwa da aka gudanar a gidan marayu na Katsina, sama da marayu 900 ne suka sami farin ciki matuƙa a lokacin da suka samu liyafar cin abincin rana, wanda ƙungiyoyi masu zaman kansu na Musulunci na ƙasa da ƙasa suka yi shirya.
Amir Sultana daga ƙasar Turkiyya tare da haɗin gwiwar Munazzama Da’awa Al-Islam (MADA) daga ƙasar Sudan ne suka shirya taron tare da haɗin gwiwar ofishin uwargidan gwamnan jihar Katsina, Hajiya Zulaihat Raɗɗa.
Shugaban ƙungiyoyi masu zaman kansu, Mufti Ahmed, ya bayyana cewa kimanin marayu 700 a ƙaramar hukumar Katsina da 200 a Jibiya ne suka ci gajiyar wannan kyakkyawan shiri.
Ahmed ya jaddada cewa manufarsu ita ce sanya murmushi a fuskokin marasa galihu, musamman marayu, da ke nuna irin yadda ƙungiyoyin ke gudanar da ayyukan jin ƙai.
KU KUMA KARANTA: Zulum ya raba wa iyalai dubu 40 tallafin abinci da kuɗi a Konduga
An samo kuɗaɗe don shirin ne ta hanyar gudumawa daga mawadata da ɗaiɗaikun mutane da suka amince da ƙungiyoyi masu zaman kansu.
Mufti Ahmed ya bayyana cewa, “Ta hanyar tallafin mun gina rijiyoyin burtsatse kusan 36 a wurare daban-daban a jihar.”
Ya ci gaba da cewa, “Yana daga cikin shirinmu na yin amfani da ragowar kuɗaɗen wajen sanya murmushi a fuskokin marasa galihu, musamman marayu a cikin al’ummarmu.
Wani ɓangare na ayyukanmu shi ne rarraba Alƙur’ani mai girma da kuma bayar da tallafin kuɗi ga marasa galihu.” Baya ga cin abincin rana, ƙungiyoyin sun kuma bayar da gudummawar dalar Amurka 400 ga marayun, wanda hakan ya ƙara haɓaka tasirin ayyukansu na alheri.
Alhaji Isah Muhammad-Musa, kwamishinan ayyuka na musamman, ya yaba da wannan mataki na ƙungiyoyi masu zaman kansu, inda ya ce hakan ya ƙarawa ƙoƙarin Gwamna Dikko wajen tallafawa marasa galihu da marayu a jihar.
Ya bayyana cewa, uwargidan gwamnan ta shirya yin irin wannan aikin na jin ƙai nan ba da jimawa ba, tare da ƙara azama wajen ɗaukaka masu buƙata a cikin al’umma.
Kalli hotona a nan:
Saudiyya ta ce za ta karɓi baƙunci taron ƙungiyar Haɗin Kan Ƙasashen Musulmai don tattauna yaƙin Gaza
Ministan zuba jari na ƙasar Saudiyya ya ce, nan da kwanaki masu zuwa ƙasar za ta karɓi baƙuncin taron koli na ƙasashen Larabawa da ƙasashen Musulmai domin tattaunawa kan yaƙin Isra’ila da Falasɗinu.
“Za mu gani a cikin ‘yan kwanaki masu zuwa, Saudiyya ta ƙira wani taron gaggawa na Larabawa a Riyadh,” in ji ministan zuba jari na Saudiyya Khalid Al-Falih, a taron Bloomberg New Economy Forum a Singapore.
KU KUMA KARANTA: An harba rokoki daga Gaza zuwa Tel Aviv
“A cikin kankanin lokaci, makasudin gabatar da waɗannan tarukan guda uku da sauran tarukan ƙarƙashin jagorancin Saudiyya shi ne a kai ga warware rikicin cikin lumana.”
Kamfanin dillancin labaran Etemad ya rawaito cewa, shugaban ƙasar Iran Ibrahim Raisi zai tafi Saudiyya a ranar Lahadi mai zuwa don halartar taron kolin Ƙungiyar Haɗin kan Ƙasashen Musulmai, wadda ita ce ziyarar farko da wani shugaban ƙasar Iran ya kai tun bayan Tehran da Riyadh suka kawo ƙarshen rashin jituwar da aka shafe tsawon shekaru ana yi ƙarƙashin wata yarjejeniya da China ta kulla a watan Maris.
A ranar Talata ne wani mutum da ɗansa suka fusata inda suka sauke fishin su akan wani babban likita da ma’aikaciyar jinya a cibiyar kiwon lafiya ta tarayya da ke Idi-Aba, Abeokuta bayan da ‘yar uwansu ya rasu a cibiyar.
Rikicin ya ɓarke ne da misalin ƙarfe 2:00 na safiyar ranar Talata, a sashen bayar da agajin gaggawa na asibitin jim kaɗan bayan wata mara lafiya mai shekaru 53 ta rasu.
Shugaban ƙungiyar likitocin Najeriya reshen jihar Ogun, Dakta Kunle Ashimi yayin da yake zantawa da manema labarai, ya yi Allah wadai da harin da ‘yan uwan mamaciyar suka kai wa biyu daga cikin ma’aikatan jinya,akan mutuwar matar a sakamakon ciwon zuciya.
KU KUMA KARANTA:Lauya ya yi wa tsohon mijin wacce yake karewa duka a kotu
Ashimi ya ce Dr Pelumi Somorin likitan ne wanda abin ya shafa,yayin da ba a tantance ko waye ma’aikaciyar jinya ba.
Ya bayyana cewa mahaifin da ɗan, sun mari likitan yayin da aka sanar da su mutuwar yar uwar su.
A cewar Ashimi, matar ‘yar shekara 53 da aka kawo asibitin da ciwon zuciya mai tsanani, wanda ita kanta bayan binciken da ta kawo daga cibiyar da aka turo ta, ya nuna cewa,ba za ta ɗauki fiye da kwana ɗaya ba, sai dai wani ikon Allah.
“Watau ta kasance a matakin ƙarshe na gazawar zuciyarta. An bayyana hakan ga ’yan uwan ta, lokacin da aka kawo ta wurin, amma duk da haka mun yi imanin cewa,Allah kan iya yin wani abu, kuma muna jin cewa ya kamata mu yi iya ƙoƙarinmu don ganin mun taimaka mata.
“Ya taɓa faruwa a baya cewa, wani mutum da ke cikin irin wannan yanayin ya samu sauki tare da kulawar da ta dace.
“Amma abin takaici, wannan majinyaciyar ta mutu da misalin karfe 2 na safe kuma mijin da ɗan marigayiyar suka faɗa kan likitan da ke kula da mara lafiyar lokacin da aka sanar da labarin rasuwarta.
“Sun mari likitan , daga baya kuma suka hau matar mutanen da ke kusa da su suka yi ta jibgarta.
“Waɗannan mutanen kuma sun ci mutuncin wata ma’aikaciyar jinya” in ji shi.
Shugaban ƙungiyar ya ce an sanar da ‘yan sanda game da lamarin, inda ya ƙara da cewa duk da kasancewar ‘yan sanda a wajen,ɗan ya ci gaba da cin mutuncin su.
“An kira ‘yan sanda kuma DPO na ofishin ‘yan sanda na Kempta ya jagoranci tawagar ‘yan sanda zuwa wurin.
“Duk da kasancewar ‘yan sanda, ɗan mamacin ,ya afkawa wata ma’aikaciyar jinya kuma duk ƙoƙarin kwantar da hankalinsa da aka yi, ya ci tura.
“A karshe an kai mutanen biyu zuwa ofishin ‘yan sanda na Kemta, inda aka ɗauki bayanansu da na likitan da aka kai wa harin, ma’aikacin jinya da kuma shaidun da ke kewaye.”
Shugaban na NMA, ya gargadi ‘yan Najeriya da su daina cin zarafin ma’aikatan kiwon lafiya, yana mai shan alwashin cewa, duk wanda aka samu da laifi za a gurfanar da shi a gaban kotu.
“Mun yanke shawarar cewa wannan zai zama na ƙarshe kuma ba za mu yadda a bamu haƙuri ba, mun yanke shawarar mika ƙarar zuwa kotu kuma gobe za mu kasance a kotu.
“An fara duk wata shari’a kuma za mu kai wannan ƙara kotu.
“Muna so mu yi kira da kuma gargaɗi ga duk waɗanda suke zuwa asibitoci a Ogun cewa ƙungiyar likitocin Najeriya, da sauran abokanta da kowane likita, ba za su amince da kalmar “ayi hakuri” nan ba daga yanzu, daga duk wanda ya zagi wani daga cikin membobinmu.
“Za mu yi iya bakin kokarinmu wajen gurfanar da irin waɗannan mutanen kuma ba za mu amince da rokon kowa ba komai girman mutum.
“Don haka, muna rokon duk wanda yake da hankali ya yi tunanin zai iya roƙon mu daga baya don faranta ran jama’a. Ba laifinmu bane”.
Ashimi ya jaddada cewa, cin zarafin ma’aikatan lafiya ya zama ruwan dare gama duniya, wanda har yanzu ba a warware shi ba duk da kamfen da aka yi na daƙile barazanar.
Ya ce “a duniya baki daya, wannan batu ne da ke ci gaba da gudana kuma an gudanar da yakin akan hana hakan, da dama a duk faɗin duniya na yakar tashe-tashen hankula da cin zarafi da ake yi wa ma’aikatan lafiya.
“Musamman a cibiyar kiwon lafiya ta tarayya a Abeokuta, jihar Ogun da sauran asibitocin da ke kewayen Jihar Ogun waɗanda ke ƙarkashin ikonmu a matsayin kungiyar likitocin Najeriya.
“Mun gudanar da yaƙi da hani,da irin halayyar nan, da dama a kan wannan taron a baya kuma bayan yawan rokon da muka yi, sai da muka roƙi likitocinmu da su karɓi uzurin waɗanda suke yin abun
“Abubuwa irin wannan ba sa raguwa, a zahiri, wannan yana faruwa sau da yawa a lokuta da dama.”
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai10 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano