Wasanni
Man City ta kammala siyan Kalvin Phillips
Daga Ibrahim Hassan GIMBA, Abuja
Manchester City ta yi farin cikin sanar da daukar Kalvin Phillips kan kwantiragin shekaru shida.
Dan wasan tsakiyar, mai shekaru 26 ya koma Leeds United, bayan da ya buga wasanni 234 a tsawon shekaru takwas, inda ya zura kwallaye 14 sannan ya taimaka 14.
Baya ga sha’awar da ya yi a cikin gida tare da kulob din Elland Road, Kalvin ya kuma sami karbuwa saboda rawar da ya taka da gudummawar da ya bayar ga tawagar Ingila.
Ya kasance daya daga cikin muhimman abubuwan da kungiyar ta Zakarun uku suka kai wasan karshe na gasar cin kofin nahiyar Turai ta Euro 2020 a bazarar da ta gabata, sannan kuma ya taka muhimmiyar rawa wajen taimaka wa kungiyar ƙasar zuwa gasar cin kofin duniya ta bana a Qatar.
“Na yi matukar farin cikin shiga Manchester City,” in ji Phillips. “City ta sake tabbatar da mafi kyawun ƙungiyar a ƙasar, tare da tawagar ban mamaki da kuma koci a Pep Guardiola wanda ake ganin shi ne mafi kyau a duniya.
“Don samun damar taka leda a karkashin Pep da koyi daga gare shi da kuma ma’aikatansa masu horarwa da kuma kasancewa cikin irin wannan gagarumar tawagar wata dama ce da nake matukar farin ciki da ita.
“Birnin kulob ne mai daraja ta duniya tare da ma’aikata da kayan aiki na ajin duniya, kuma mafarki ne ya zama gaskiya don shiga kungiyar. “Yanzu na ƙagu don farawa, kuma in nemi gwadawa da taimaka wa ƙungiyar don ci gaba da samun ƙarin nasara.”
Daraktan kulab din kwallon kafa Txiki Begiristain ya ƙara da cewa: “Kalvin dan wasa ne da muka dade muna sha’awarsa, kuma a matakin gida da na ƙasa da kasa, ya nuna ƙwarewarsa da ingancinsa a shekarun baya.
“Karanta wasansa, tare da iya wuce gona da iri, kuzarinsa da kuma tukinsa sun sa ya zama babban me hazaka kuma dan wasa ne wanda yake da kwazon yin nasara.
“Muna jin zai zama babban ƙari a cikin ‘yan wasanmu kuma zai dace da wasanmu daidai. “Kowa a nan yana fatan kallon wasan Kalvin kuma ya ci gaba har ma a cikin ‘yan shekaru masu zuwa.”
Messi ya jagoranci Argentina zuwa wasan ƙarshe na Copa America
Ɗan wasan gaba na Inter Miami Lionel Messi ya jagoranci ƙasarsa Argentina zuwa wasan ƙarshe na Copa America inda ta doke Canada da ci 2-0.
Messi mai shekaru 37 ya zura ƙwallo a minti shida da komawa daga hutun rabin lokaci.
Ɗan wasan Manchester City Julian Alvarez ne ya baiwa ƙasar wadda ke rike da kofin duniya damar samun wannan nasara bayan ƙwallon kusa da Rodrigo de Paul na Atletico Madrid ya buga.
Wannan dai shi ne karo na shida a karawa takwas da Argentina wacce ta lashe kofin Copa America sau 15 ta kai matakin wasan ƙarshe.
Wasan ƙarshen da Argentina za ta kara da Uruguay ko Colombia, zai kasance wasa na ƙarshe da Angel di Maria zai buga wa ƙasar kafin ya yi ritaya daga buga wasa sannan kuma akwai shakku kan makomar Messi.
”Za mu ji daɗin yanayin da muke ciki a matsayinmu na ƙasa kuma ƙungiya. Ba abu ba ne mai sauƙi kasancewarmu a matakin wasan ƙarshe domin sake fafatawa don zama zakara,” kamar yadda Messi ya shaida wa kafar TYC Sports.
Manajan Argentina Lionel Scaloni ya ce zai yi aiki don shawo kan Di Maria da Messi su ci gaba da buga wasannin ƙasa da ƙasa.
KU KUMA KARANTA: Farin cikina ya dawo bayan komawa Inter Miami – Messi
“Yanayin Leo (Messi), yana kama da Angel,” in ji Scaloni.
”Dole ne mu bar shi ya yi abin da yake so, don ba za mu taɓa zama waɗanda za su rufe masa ƙofa ba, zai iya zama tare da tawagarmu har tsawon lokacin da yake so. kuma idan yana so ya yi ritaya kuma ya dawo ya kasancewa tare da mu, za mu yi farin cikin hakan.”
Jacob Shaffelburg, ɗan wasan ƙungiyar MLS Nashville ne ya ɓarar da mafi kyawun damar da Canada ta samu a farkon wasanta da Argentina.
Kasar Canada wacce ke matsayi na 48 a duniya, ta yi waje da ƙwallon da Alvarez ya zura a ragarta kana ya bai wa Argentina damar samun gurbi na gaba a wasan.
Duk da shan kayen Canada, tawagar ta yi rawar gani fiye da yadda ake zato a fafatawar da suka yi a gasar Copa America.
A ranar Lahadi ne tawagar Jesse Marsch wacce za ta ɗauki nauyin gasar cin kofin duniya ta 2026 tare da Mexico da Amurka, za su kara da wadanda suka sha kashi daga sauran wasan kusa da na ƙarshe a wasan neman matsayi na uku.
Sadiya Haruna ta sake aure karo na 10
Jarumar TikTok, Sayyada Sadiya Haruna ta sake amarcewa a ranar Juma’a watanni kaɗan da mutuwar aurenta da jarumin TikTok Al Ameen G-Fresh.
A wani kati da ta wallafa a shafinta na Instagram, Sadiya ta bayyana sunan angon nata a matsayin Hon. Babagana Audu Grema.
An daura auren ne da misalin ƙarfe ɗaya bayan sallar Juma’a kamar yadda katin ya nuna a birnin Maiduguri da ke jihar Borno a arewa maso gabashin Najeriya.
KU KUMA KARANTA:Gwamnatin tarayya ta bai wa Rahama Sadau muƙami
Auren na zuwa mako guda bayan da jarumar ta TikTok ta bayyana a shirin tattaunawa na jarumar Kannywood Hadiza Gabon “Gabon Talk Show” inda Sadiya ta caccaki G-Fresh tare da bayyana matsalolin da suka kai ga mutuwar aurenta da shi.
Auren har ila yau na zuwa ne kwana guda bayan da shirin na Gabon ya watsa tattaunawar mayar da martani da G-Fresh inda shi ma ya yi ta sukar tsohuwar matar tasa – mafi aksarin lokuta a kaikaice.
COPA America: Panama ta yi nasara kan Amurka
Hukumar ƙwallon ƙafa ta Amurka ta yi Allah wadai da kalaman nuna wariyar launin fata ga ‘yan wasanta a ranar Alhamis, bayan da Panama ta yi nasara a kan Amurka da ci 2-1 a gasar cin kofin Copa America.
A wani saƙo da ta wallafa a shafin X, hukumar ƙwallon ƙafa ta Amurka ta ce “Babu shakka, babu wuri a cikin wasa na irin wannan halayya ta nuna ƙiyayya da wariya.”
Sanarwar ta ƙara da cewa “Waɗannan ayyukan ba kawai ba za’a amince da su ba ne, amma kuma sun saɓa wa kimar mutuntawa da haɗa kai da muka ɗauka a matsayin hukuma.”
KU KUMA KARANTA:Manchester City ta lashe Firimiyar Ingila sau huɗu a jere
Timothy Weah, wanda baƙar fata ne, yana ɗaya daga cikin ‘yan wasan da aka ci zarafin su. An bai wa ɗan wasan gaba na Amurka jan kati kai tsaye a minti na 18 da fara wasa, saboda hannu da ya sa ya bugi ɗan wasan Panama a bayan kan sa a lokacin da ƙwallon ta fita wajen filin wasa.
Ɗan wasan Amurka Folarin Balogun ya zura ƙwallo a minti na 22 da fara wasan bayan an bai wa Weah jan kati kafin ɗan wasan Panama Blackman ya farke a minti na 26.
Fajardo ya zura ƙwallo da ta bai wa Panama nasara da ci 2-1 a minti na 83.
Weah ya fitar da wata sanarwa ta kafafan sada zumunta, inda ya bayar da haƙuri tare da neman gafarar waɗanda ya ɓata wa rai.
Yanzu haka dai Amurka, wacce ita ce ke karɓar baƙuncin gasar cin kofin na Copa America, muddin tana son zuwa zagaye na gaba to dole ne ta yi nasara a wasanta da Uruguay da zura ƙwallaye wanda ko da Panama ta yi nasara kan Bolivia za ta samu tsallake wa.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai10 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano