Uncategorized
Ina Kira Ga Gwamna El- Rufa’i Ya Kwato Mani Fili Na – Firdausi Abdullahi
Daga; Mustapha Imrana Abdullahi.
AN yi kira ga Gwamnan Jihar Kaduna Malam Nasiru Ahmad El- Rufa’i, da ya Sanya baki domin kwato wa Firdausi Abdullahi, filin ta.
Kiran ya fito ne daga bakin Firdausi Abdullahi, da ta kokawa manema labarai a cikin garin Kaduna, da nufin kai kukanta ga Gwamnan Jihar Kaduna domin a mayar mata da filin ta da take yin korafi a kai.
Acewarta, sanadiyyar hakan yasa aka kai ta kotun Majistare ta 23 da ke zamanta a NDA Kaduna bisa zargin da ake yi mata cewa ta ba ta wa lauyan wanda take zargi da kwace mata fili, sanadiyyar hakan aka kai ta ajiya gidan Yari na tsawon kwanaki hudu.
“Ina da duk takardun fili da Gwamnatin Jihar Kaduna ta ce duk mai fili sai ya mallaka, don haka nake kira ga Gwamnan Jihar Kaduna Malam Nasiru Ahmad El- Rufa’i da ya kwato Mani fili na domin nawa ne ina da kowace irin takardar mallakar fili, ina kai kuka ga Gwamna ne domin ni ba ni da karfi”, inji Firdausi.
Firdausi Abdullahi, ta shaidawa manema labarai cewa ta dage a kan neman hakkin ta ne game da wannan filin domin goben yayan ta da ta haifa, in ba domin su ba, ba za ta dage a kan wannan fili na ta ba.
Da yake yi wa manema labarai karin haske Lauya A A Ashat, ya tabbatar wa da manema labaran cewa babu inda doka a cikin kundin tsarin mulki ta haramtawa dan kasa ya yi magana ko yin korafi ba.
“Amma kada ka taka kowa kada ka zagi kowa kada kuma ka musgunawa kowa, amma doka ba ta haramtawa dan Najeriya kada ya yi magana a kafafen yada labarai ba,saboda haka duk da haka mu a ra’ayin mu babu abin da ta fada da ya taka kowa ko ya ci mutuncin kowa ba don haka dadin abin shi ne duk abin da ake magana a kansa magana ce da aka nadi bayanan kuma ya na nan Tangaran,saboda haka har yanzu muna jira don muga shi wannan abin da ake cewa ta fadi na musgunawa mu ji in har ya musgunawa wanda ake kara”, inji Lauya Ashat.
Lauya Ashat ya ci gaba da gayawa manema labarai cewa babu wani laifi idan Firdausi Abdullahi ta yi magana a kan maganar da take gaban kotu, amma abin da kotu take cewa kuma ko a wannan rana ma da aka shiga kotun shi ne in har kin yi maganganu na musgunawa, to, kada ki kara yi, tun da kotu korafi aka yi mata domin ba a kai gabar da za ta tabbatar da an yi maganganun ko ba a yi ba, saboda haka kotu ta yi mata Dabai bayi ta yi mata takunkumi cewa kada nan gaba in baki yi ba to nan gaba kada ki yi, in kuma kin yi to nan gaba kuma kada ki kara, saboda haka magana a kafafen yada labarai hakki ne wanda babu wanda zai dauke shi kuma kotu ba ta kwace mata wannan hakkin ba har yanzu. Iyaka ba ta da hurumi ko wani karfin da za ta yi magana da zai taka kowa ko wani ma’aikacin kotu ko abokin shari’a ko lauyan abokin shari’a wannan ya saba wa ka’ida.
A game da ko za su ci gaba da yin shari’a a wannan kotun kuwa?
Sai lauyan ya ci gaba da cewa a yanzu suna nan suna yin shawarwari domin matakin da nake shaida maku cewa za mu dauka na shari’a muna nan kuma nan da kwana biyu zuwa uku zaka samu amsar wannan tambayar, ta idan za mu ci gaba da shari’a a wannan kotun ko yaya lamarin zai kasance ko za mu ci gaba a wannan kotun ko za mu canza wuri duk zaku samu bayani, amma yanzu muna nan muna shawarwari na matakan da za mu dauka, amma fa na shari’a.
Ranar Lahadi ce 1 ga watan Muharram – Sarkin Musulmi
Sarkin Musulmi, Alhaji Abubakar Sa’ad III, ya bayyana cewa gobe Lahadi ce za ta zama 1 ga watan Muharram na sabuwar shekarar Musulunci ta Hijira 1446.
Shugaban kwamitin da ke bai wa Sarkin Musulmi shawara kan harkokin addini, Farfesa Sambo Wali Junaid ne bayyana hakan a ranar Juma’a.
Farfesa Junaid ya ce kwamitin haɗin gwiwa da kwamitin ganin wata na Najeriya sun tabbatar ba a samu ganin watan Muharram na shekarar 1446 a ranar Juma’ar ba, abin da ke nuna ranar Asabar za ta zama 30 ga watan Zhul Hijja na shekarar 1445.
KU KUMA KARANTA: A fara duban watan sabuwar shekarar Musulunci – Sarkin Musulmi
“Sakamakon haka, Asabar [6 ga watan Yuni] ta zama 30 ga watan Zulhijja 1445…Lahadi kuma [7 ga Yuni] ta zama 1 ga watan Muharram 1446,” a cewar shugaban kwamitin ganin wata na fadar sarkin Musulmi, Farfesa Sambo Wali cikin wata sanarwa.
“Sarkin Musulmi na taya Musulmin Najeriya murna [sabuwar shekara] da kuma roƙa musu alheri da taimakon Allah,” in ji sanarwar.
Sarkin Musulmin ya roƙi jama’a su ci gaba da addu’ar zaman lafiya da samun ci gaba a ƙasa baki ɗaya.
A tsarin Musulunci, kowane wata kwana 29 ne amma idan aka kasa ganin jaririn sabon wata akan cika watan zuwa kwana 30.
Babban Limanin Masallacin Juma’a na Ƙasa, Farfesa Ibrahim Maqari ya yi tir da tsarin da wani Masallaci a Legas ya fito da shi na biyan kuɗi kafin mutum ya yi ibadar Itikafi a cikinsa.
Limamin ya bayyana ɓacin ransa na wannan sabon abu da Masallacin ya fito da shi ne tare da yin sharhi mai tsawo kan haka a yayin tafsirinsa da ya ke yi a Babban Masallacin Juma’a na Ƙasa da ke Abuja.
Shehun Malamin ya kwantanta wannan mataki da masallacin na Legas ya fito da shi a matsayin wata sabuwar fitina a addini wacce ta fi kowacce bida’a muni a wannan zamani.
Wanda a cewarsa hakan zai iya haifar da fushin Allah kan wannan al’umma saboda kasuwantar da ɗakinSa ne wanda wasu addinai ke yi.
“Masallaci ɗakin Allah ne kuma da zarar mutum ya shiga, duk wani girma da ɗaukaka da muƙami da matsayi ya kare bakin kofa inda ya ajiye takalminsa.
“Duk wanda ke cikinsa daidai yake da kowa ba tare da banbancin mai shi da maras shi ba na dukiya ko matsayi.
“A inda zai iya zama a ko’ina kuma kusa da kowa. Amma sa kuɗi zai buɗe kofar nuna banbanci da matsayi wanda hakan ba musulunci bane,” in ji shi.
A yayin da yake amsa tambayoyi a ƙarshen tafsirin a inda wani ya bayar da hujjar Masallacin na karɓar kudi don kula da shi ne da kuma sayen Man dizel.
Sai Malam ya amsa da cewa hakan bai halarta ba.
“Sai dai in wasu ɗakuna aka ware a cikin masallacin wanda mutum zai kama ya zauna don yin Ibada wanda hakan ya halarta ko kuma kuɗin da ake biya na amfani da banɗakuna ne da za a shiga don biyan buƙata wanda da su za a kula da tsafta da gyaransa da kuma ma’aikata.
“Amma in don a shiga cikin Masallacin a yi Ibada ne kamar Itikafi ne sai an biya saboda a taƙaita yawan mutane, wannan bai halarta ba.
KU KUMA KARANTA: Malaman addini a Malawi sun yi zanga-zangar nuna rashin amincewa da auren jinsi
“Wanda kuma dole ne musulmai su haɗu su yaƙi wannan bida’a wacce ta fi duk wata bida’a da wasunsu ke ta suka muni saboda abin da hakan zai haifar a nan gaba,” in ji shi.
Jaridar Aminiya ce ta ba da rahotan Masallacin Juma’a na unguwar masu hannu da shuni na Lekki da ke Jihar Legas ya saka Naira 130,000 ga duk mai son yin Itikafi a cikinsa wanda hakan ya haifar da cece-ku-ce.
Kodayake, wannan ba sabon abu ba ne a jihar a cewar wani mazaunin garin kasancewar masallatai daban-daban na karɓar kuɗi kama daga Naira 10,000 zuwa 30,000.
Sai dai rahoton da aka samu dangane da kuɗin da Masallacin Lekki ya karɓa a wannan shekara ya zarce na kowa a jihar, lamarin da ya ja hankalny jama’a a ciki da wajen jihar.
Watan tara na Hijira a kalandar Musulunci wanda asalinsa ke nuna tarihin yadda Annabi Muhammad (S.W.A) ya yi ƙaura daga Makka zuwa Madina, a lokacin ne al’ummar Musulmai sama da biliyan 2.5 a faɗin duniya suke azumi a watan Ramadan.
Ana gudanar da azumin ne har tsawon ranakun watan baki daya tun daga ketowar alfijir zuwa faduwar rana tare da addu’o’i da kuma tunatarwa Kamar yadda koyarwar Annabi (S.A.A.W) ya bayyana.
Watan Ramadan ba wai kawai yana ƙara wa muminai ayyukan ibada da kuma tunarwa ba ne, falalal cikin wata mai alfarma yana ciyar da gangan jiki da tunani gwargwadon yadda yake tsarkake ruhi.
Lokaci ne na musamman na kamewa da kuma yin ibada da mubaya’a da ya hada biki na ibada da kuma iyali, da al’umma a lokaci guda.
Azumin Watan Ramadan
A cewar Alƙur’ani mai tsarki, azumi wani nau’i ne na ibada da aka wajabtawa dukkan muminai.
“Ya ku waɗanda kuka yi imani, an wajabta azumi a kanku, kamar yadda aka wajabta wa waɗanda suka gabace ku, saboda ku zama tsarkarku,” a cewar wata aya daga Suratul al-Baqarah a cikin Alƙur’ani.
A cewar malaman addinin Musulunci, azumi wajibi ne a watan Ramadan kuma yana da fa’idodi da falala masu yawa ga kowane mutum.
”Wannan ne watan da mutane za su nemi gafarar Allah a kan kurakuran da suka aikata, sannan suna amfani da wannan damar wajen kyautatawa iyalansu da abokansu da kuma al’ummar da suke rayuwa a cikinta,” kamar yadda malamin addinin Islama da ke Nairobi Sheikh Shaaban Ismail ya shaida wa TRT Hausa
“Duk musulmin da ya kai shekarun balaga ko sama da haka, ban da wasu ƴan tsiraru, wajibi ne su yi azumi.”
Shika-shikan Musulunci
Azumin watan Ramadan na ɗaya daga shika-shikan Musulunci guda biyar, waɗanda wajibi ne ga dukkan Musulmai su yi riƙo da su.
Na farko shi ne “shahada”, ko kuma kalmar imani da cewa Allah shi ne abin bautawa shi kadai, kuma Annabi Muhammadu manzonsa ne.
Na biyu shi ne tsayar da salloli biyar a rana sai kuma Azumi a watan Ramadan da bayar da “zakka” (aikin ba da sadaka), da kuma ziyarar Makka don yin aikin Hajjin ga wadanda suke da halin zuwa.
Iyaye Musulmai gaba ɗaya sukan koyar da ƴaƴansu tun suna ƙanana ɗaukar azumin watan Ramadan a matsayin umarni daga Ubangiji, da nufin amfanar da su ta hanyar wadatar da kowane fanni na rayuwarsu.
“Wasu daga cikin wadanda azumin bai wajaba a kansu ba sune tsoffi da marasa karfi da suka hada da masu fama da lalurar ajali, a maimakon haka ana bukatar su ciyar da miskini abinci duk ranar wata,” in ji Sheikh Shaaban.
“Idan mutum yana fama da wata rashin lafiya na ɗan wani lokaci ko kuma ya kasance matafiyi ko kuma mai ciki ko mai shayarwa, ko mai jinin haila, an kebe masu irin wannan lalura daga yin azumi, tare da gargadi kan cewa sai mutum ya rama ta hanyar sake yin azumin daga baya”.
KU KUMA KARANTA: Isra’ila ta kashe gomman Falasɗinawa a ranar farko ta Azumin Ramadana
Faɗaɗa ayyuka
Azumin Ramadan ba wai kawai kaurace wa ci da sha ba ne. Dole muminai su ƙaurace wa sha’awarsu kamar yin jima’i. Ana kuma buƙatar musulmi su kara taimakawa marasa karfi a cikin watan.
A bayyane yake cewa a tsawon shekaru har wasu da ba musulmai ba sun yarda tare da shaida muhimmancin watan Ramadan.
A faɗin duniya baki ɗaya, wasu waɗanda ba musulmi ba su kan yi azumi a cikin watan Ramadana mai tsarki- wasu don samun biyan bukatu na ruhinsu da kuma keɓe kawunansu don tarbiyyar da ke tattare da watan, wasu kuma don su ji yanayin da ake ji, wasu kuma a matsayin sadaukarwa ga mutanen da ke kusa da su.
“Ana so Musulmai su nisanci duk wani aiki na zunubi ko kuma na rashin ɗa’a a kowane lokaci, sannan a cikin wannan wata ana bukatar su faɗaɗa ayyukansu na alkhairi da kuma gujewa duk wata shagala ko wacce iri ce.
“Idan aka kiyaye, hakan zai kawo zaman lafiya da wadata a cikin al’umma gaba daya,” a cewar Sheikh Shaaban.
Al’adar buda Iftar, ko buɗa baki bayan faɗuwar rana a kowace rana, wani ɓangare ne na watan Ramadan wanda ya zarce iya addini kawai.
A mafi yawan lokuta, mutane kan gayyaci ’yan uwa da makwabta da abokan arziki domin su buda baki tare ta hanyar cin nau’in abinci irin daban-daban gami har ma wasu na musamman da ake ci a lokacin Ramadan.
Don haka, lokacin buɗa baki ba wai dabi’a ce ta buɗa baki kawai ba, hanya ce ta haɗa kai da kuma ƙara ɗankon soyayya da kautatawa a tsakanin al’umma.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai10 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano