Siyasa
Dokta Wailare Ya Fice Daga Jam’iyyar APC Zuwa PDP Tare da Magoya Baya Sama Da Dubu 10
JABIRU A HASSAN, Daga Kano.
FITACCEN dan siyasar nan dake mazabar tarayya ta Dambatta da Makoda Dokta Saleh Musa Wailare ya fice daga jam’iyyar APC Kuma ya koma jam’iyyar PDP tare da magoya bayan sa fiye da mutane dubu 10 maza da mata.
Dokta Wailare, wanda ya kasance daya daga cikin jiga-jigan jam’iyyar ta APC a yankin kananan hukumomin Dambatta da Makoda, ya bada gagarumar gudummawa sa wajen bunkasa Jam’iyyar APC a wannan mazaba da Jihar Kano da Kuma kasa baki daya.
Da yake ayyana ficewar tasa daga Jam’iyyar ta APC, Dokta Wailare ya bada dalilan sa na barin Jam’iyyar ta APC da cewa Uwar jam’iyyar ta Jihar ba ta yin komai da bangaren sa duk da irin kokarin da ya yi na bunkasa Jam’iyyar da Kuma rike magoya bayan Jam’iyyar tun lokaci mai tsawo.
Haka kuma a cikin wasikar da ya gabatarwa shugaban Jam’iyyar APC na mazabar Wailare, Dokta Saleh Musa Wailare ya sanar da cewa ya yanke shawarar ficewa daga Jam’iyyar ne saboda rashin yin duk wasu harkoki da shi da magoya bayansa na siyasa, don haka ne ya zabi barin Jam’iyyar da komawa Jam’iyyar PDP domin ci gaba da harkokin sa na siyasa.
Idan dai za a iya tunawa, matasan yankin Dambatta da Makoda sune suka saya masa takardar neman tsayawa takarar zama dan majalisa domin wakiltar kananan hukumomin Dambatta da Makoda a majalisar wakilai ta tarayya duba da yadda al’ummar wannan mazaba suke bukatar sa da ya yi.
A halin yanzu dai Dokta Saleh Musa Wailare ya amsa kiraye-kirayen da al’ummar wannan yanki suka yi ta yi na ya koma Jam’iyyar PDP domin yin takarar wakilcin mazabar Dambatta da Makoda a babban zaben da za a gudanar na shekara ta 2023, inda yanzu haka magoya bayan sa suna ta murnar wannan amsa Kira da ya yi na tsayawa takarar a inuwar jam’iyyar ta PDP.
APC ta dakatar da ɗan Majalisa kan cin amana a Zamfara
Jam’iyyar APC reshen Jihar Zamfara ta dakatar da Ɗan Majalisar Wakilai, Aminu Jaji bisa wasu zarge-zargen da ake yi masa na cin amanar jam’iyyar.
Sakataren Yaɗa Labarai na Jam’iyyar APC na Jihar, Malam Yusuf Idris ne ya sanar da dakatarwar a wani taron manema labarai a Gusau a ranar Juma’a.
Kamfanin Dillancin Labaran Najeriya (NAN) ya ruwaito cewa, Jaji yana wakiltar mazaɓar Ƙaura-Namoda/Birnin-Magaji a Majalisar Wakilai a ƙarƙashin jam’iyyar APC.
Idris ya ce wasu zarge-zargen da ake yi wa Ɗan Majalisar sun haɗa da aikata rashin gaskiya da rashin zuwa tarurrukan jam’iyyar da kuma sauran ayyuka.
KU KUMA KARANTA: Kotun Najeriya ta bayar da umarnin dakatar da asusun banki fiye da dubu 1
Ya ce, matakin ya biyo bayan sanarwar dakatarwar da aka yi wa Jaji daga shugabannin jam’iyyar APC na mazaɓar Birnin-Magaji bisa zargin cin amanar jam’iyyar da dai sauran abubuwan da suka saɓa wa jam’iyyar.
Idris ya ce, “Kwamitin zartaswa na jam’iyyar APC na ƙaramar hukumar Birnin Magaji ne ya miƙa sanarwar dakatarwar zuwa hedikwatar jam’iyyar APC ta jihar.
Bayanai sun ce kwamitin zartaswar jam’iyyar APC na jihar ya gudanar da taron gaggawa a sakatariyar jam’iyyar da ke Gusau a ranar Juma’a 17 ga watan Mayu, 2024, inda aka gabatar da batun dakatar da Jaji ga ‘yan majalisar zartarwar jihar.
Tsohon gwamnan jihar Katsina, Ibrahim Shema, a hukumance ya koma jam’iyyar APC Mai mulki a jihar.
Shema, ya kasance gwamnan jihar a tsakanin shekarar 2007 zuwa 2015, a ƙarƙashin jam’iyyar PDP.
Tsohon gwamnan ya yi rajista ne a ofishin jam’iyyar na mazaɓar Shema, ƙaramar hukumar Dutsin-ma, inda shugaban jam’iyyar na jihar, Sani Aliyu-Daura ya ba shi katin zama ɗan jam’iyyar APC.
Lambar katin Shema ta zama ɗan jam’iyyar ita ce: 26551.
KU KUMA KARANTA:Gwamnatin Yobe za ta mayar da kwale-kwalen Dufuna mai shekaru 8,000 zuwa cibiyar yawon buɗe ido
Malam Aliyu-Daura ya yabawa Gwamna Dikko Raɗɗa da kuma tsohon gwamnan jihar Aminu Masari wanda ya gada, a bisa rawar da suka taka wajen ganin Shema ya sauya sheƙa.
Don haka ya tabbatar wa tsohon gwamnan cewa za a yi masa adalci kamar kowane ɗan jam’iyya.
Shugaban ma’aikata na Raɗɗa, Jabiru Abdullahi-Tasuri, shi ne ya miƙa katin zama ɗan jam’iyya ga Shema a madadin gwamnan a jiya Alhamis a Dutsin-ma.
Banji Ajaka, kwamishinan lafiya na jihar Ondo, ya gamu da fushin matasa a jiya Asabar yayin da ake gudanar da zaɓen fidda gwani na gwamna na jam’iyyar APC mai mulki a jihar.
Daily Trust ta gano cewa Dakta Ajaka, wanda ke Mazaɓar Ugbo 3, a ƙaramar hukumar, ana zarginsa da ɓoye takardar sakamakon zaɓen.
Shaidu sun tabbatar da faruwar lamarin a wata tattaunawa da suka yi da manema labarai, inda suka yi zargin cewa fusatattaun matasan ‘ya’yan jam’iyyar APC ne da ke adawa da tsarin da aka bi wajen gudanar da zaɓen.
Ɗaya daga cikin waɗanda suka shaida lamarin, wanda ya nemi a sakaya sunansa, ya bayyana cewa rikicin ya faro ne lokacin da ‘yan ɗaya ɓangaren na jam’iyyar suka buƙaci ganin takardar sakamakon zaɓen na fidda gwani.
KU KUMA KARANTA:An yi jana’izar tsohon gwamnan Ondo, Rotimi Akeredolu
“Sun fusata ne suka buƙaci jami’in zaɓe ya ba su takardar sakamakon zaɓen sai kuwa ya ce ta na wajen Ajaka.
“Don haka suka yi masa duka a wurin, inda kuma garinsu ne. Jama’a sun fusata sosai da lamarin, inda rigimar ta ƙare a wajen.”
Da yake tabbatar da faruwar lamarin, Dakta Ajaka ya ce an zarge shi ne da riƙe takardar sakamakon zaɓen.
Ya yi bayanin cewa a lokacin da yake ƙoƙarin bayyana kansa, ’yan daban sun auka masa inda suka yi masa mugun duka.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai10 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano