Boko Haram
Boko Haram sun bude wuta kan jirgin yaƙin soji, sun kashe mutane 10
Labari daga Fatima Hassan GIMBA, Abuja
Boko Haram din sun bude wuta ne kan jirgin yaki mai saukar ungulu a Borno.
Mayaƙun ƙungiyar Boko Haram da ke samun goyon bayan kungiyar IS a yankin yammacin afirka (ISWAP), wanda ake kira Jamā’at Ahl as-sunnah lid-Da’wah wa’ll-jihād, sun bude wuta kan wani jirgin yaƙi me saukar ungulu, na rundunar hadin gwiwa ta multinational Joint Task Force (MNJTF).
Ku tuna cewa, MNJTF dai wata hadaddiyar rundunar soji ce ƙasa da kasa wanda ya hada kasashen Benin, Kamaru, Chadi, Nijar da kuma Najeriya.
Hedikwatar ta na N’Djamena, an yi mata lasisi da basu damar harbi da kawo karshen ta’addancin Boko Haram ta ko wane lamari.
Kazalika, an samar da irin rundunonin a sassa hudu na kasa: sashi na 1 (Cameroon) mai hedikwata a Mora; sashi na 2 (Chad) mai hedikwata a Baga-Sola; sashi na 3 (Nigeria) dake garin Baga; sashi na 4 kuma a (Niger) dake garin Diffa.
Wani rahoto ya nuna cewa, mayaƙun na amfani da muggan bindigu na kakkaɓo jiragen sama da GPMG, a yayin harin da suka kai kan jirgin, a ranar Alhamis din da ta gabata.
An bayyana mataimakin matuƙin jirgin a matsayin mutum guda da ya samu sauka jirgin cikin nasara, kuma ba tare da samun ko rauni ba.
Kungiyar Boko Haram da ya’yanta, daular Islama ta yammacin Afirka, sunyi kaurin suna wajen hare-haren ta’addanci.
Rundunar sojin Nijeria ta sha yin ikirarin cewa an yi galaba a kan ‘yan ta’addan, kuma a lokuta da dama tana yin watsi da duk wani hasara.
Rikicin Najeriya da ‘yan ta’addar Islama ya jawo hallaka kusan mutane 350,000 a karshen shekarar 2020, kamar yadda Hukumar raya kasashe ta majalisar Dinkin Duniya (UNDP) ta bayyana a shekarar 2021.
An tabbatar da mutuwar masu juna biyu a cikin harin da aka kai a Borno
An kasha aƙalla mutane 18, yayin da wasu 30 suka jikkata bayan wasu jerin hare-haren da ake zargin wasu mata ‘yan ƙunar baƙin wake ne suka kai a jihar Borno a jiya Asabar, in ji shugaban hukumar bayar da agajin gaggawa ta yankin.
Borno dai na cikin shekaru 15 na hare-haren masu iƙirarin kishin Islama wanda ya yi sanadiyar mutuwar dubban mutane tare da raba wasu miliyoyi da humallan su.
Duk da cewa sojojin Najeriya sun rage ƙarfin mayaƙan, amma har yanzu suna kai munanan hare-hare kan fararen hula da kuma wuraren tsaro.
KU KUMA KARANTA:Gobara ta tashi a matatar man Ɗangote
Barkindo Saidu, shine babban Daraktan Hukumar Ba da Agajin Gaggawa ta Jihar Borno, ya ce wasu da ake zargin ‘yan ƙunar baƙin wake ne suka kai hari daban-daban a wajen bikin aure da jana’iza da kuma asibiti, inda suka kashe mutane tare da jikkata wasu da dama a garin Gwoza.
Saidu ya ce an tabbatar da mutuwar mutum 18, adadin da ya haɗa da ƙananan yara da manya da ma mata masu juna biyu.
Sai dai babu wata ƙungiyar ko wani mutun da ya ɗauki alhakin kai wannan harin.
Boko Haram da ISWAP da ta ɓalle kanta, su ne ƙungiyoyin ‘yan bindiga da suka fi yawan gudanar da ayyukan su a jihar Borno, wani babban yanki na karkara mai girman gaske.
Wasu da ake zargin ‘yan ƙungiyar Boko Haram ne sun kashe aƙalla mutane 15 a hare-haren da suka kai kan wasu ƙauyuka biyu a ƙaramar hukumar Jere ta jihar Borno.
Kamar yadda rahoton Daily Trust ta ruwaito, ‘yan ta’addan sun kai farmaki ƙauyen Ƙofa ne da tsakar dare inda suka fara harbe-harbe ba da daɗewa ba, wanda har zuwa safiyar Juma’a.
An tattaro cewa maharan sun kuma kai hari a ƙauyukan Molai Kura da Molai Gana inda suka yi ta yanka mutane da ba a tantance adadinsu ba.
KU KUMA KARANTA: Yadda ‘yan Boko Haram suka yiwa masunta 29 kisan gilla, suka jikkata 9 a Gamborun Ngala
Lamarin dai ya sa mazauna yankin da dama sun ƙauracewa gidajensu zuwa wani daji da ke kusa.
Wani jigo a ƙungiyar ’yan banga, Bukar Ali-Musty, ya shaida wa jaridar cewa manoman na aikin gonakinsu ne a kusa da Molai, da ke wajen birnin Maiduguri, a ranar Alhamis ɗin da ta gabata, inda ‘yan tada ƙayar bayan suka kai musu hari suka sare kawunansu.
“Aƙalla gawarwaki 15 ne aka kwashe a safiyar yau, an kai hare-haren ne jiya (Alhamis).
“An sare kan manoma bakwai a lokacin da suke aikin gonakinsu, sannan maharan sun kuma yanka wuya ga wasu fararen hula takwas da ba su da illa a gidajensu,” in ji shi.
Wani memba a ƙungiyar ‘civilian JTF’ da ke cikin tawagar da aka kwashe, ya nuna damuwarsa kan hare-haren, yana mai cewa dole ne duk masu ruwa da tsaki su farka don ganin ba a ci gaba da faruwa ba.
“Abin takaici ne ci gaba idan aka yi la’akari da ci gaban da muka samu a cikin watanni ba tare da an kai wa al’umma hari ba.
“Ina can da safe. Ba zan iya tunanin ganin an yanka ’yan uwana kamar rago ba.
Dukkanin gawarwakin da muka ƙwato an same su ne a cikin kwance cikin jini, kuma ina ganin dukkanmu muna buƙatar mu tashi tsaye domin tunkarar wannan maƙiyin zaman lafiya,” inji majiyar.
Aƙalla ‘yan gudun hijira guda uku ne aka kashe tare kuma da jikkata wasu 13 ciki har da sojoji guda takwas a wasu mabambantan hare-hare da ƙungiyar ISWAP ta kai ƙaramar hukumar Damboa na jihar Borno.
An ruwaito cewa lamarin ya faru ne lokacin da ‘yan gudun hijira guda huɗu da ke zama a sansanin Lowcost a Damboa suka fita domin neman itacen hura wuta lokacin da mayaƙan suka buɗe musu wuta, inda suka kashe uku nan take yayin da sauran mutane kuma suka tsere da raunuka.
Jaridar Daily Trust ta ruwaito cewa tun da farko ISWAP ɗin sun jikkata wasu sojoji da kuma fararen hula yayin wani hari da suka kai yankin Talala a ranar Talata duk a Damboa.
Wata majiyar tsaro ta tabbatar da cewa sojoji sun kashe mayaƙan na ISWAP da dama a wani hari da suka kai musu.
Majiyar ta ce wani jrgin sama na sojoji ya je Damboa a jiya Alhamis, inda ta ɗebo sojoji da suka jikkata zuwa Maiduguri domin yi musu magani.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai10 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano