Hukumar Kwastam ta Seme ta miƙawa EFCC dala miliyan 6 na bogi

Hukumar fasa ƙauri ta ƙasa (Kwastam), reshen Seme, ta yi nasarar daƙile wannan mummunan yunƙuri na shigo da wasu haramtattun kayayyaki cikin Najeriya, ɗaya daga ciki shi ne; dala miliyan shida ($6m) na bogi (kwatankwacin N2.763b) wanda tuni aka miƙa wa hukumar yaƙi da cin hanci da rashawa a ranar Talata.

Shugaban Hukumar Kwastam mai kula da Rundunar Seme, Dera Nnadi, ne ya bayyana haka ga manema labarai, inda ya jaddada cewa, rundunar ta kuma ƙara ɗaukar sabbin dabaru da suka dace da ƙa’idar ECOWAS na zirga-zirgar kayayyaki da mutane cikin ’yanci don bunƙasa kasuwanci. Kwanturola Dera ya ce, rundunar ta samu gagarumar nasara a rubu’in farko na shekarar 2023, domin ta samar da manyan motoci 425 da kuɗin da ya kai N314, 720, 938.7.

Haka kuma, rundunar ta tantance jakukkuna 412 tare da harajin da ya kai N58,844,382. Kwanturola Dera ya bayyana cewa, kayayyakin da aka shigo da su sun haɗa da kayayyakin abinci da abubuwan sha da ake samarwa a yankin, domin fitar da su zuwa kasashen waje, rundunar ta samu nasarar kama manyan motoci 1,243 ɗauke da metric ton 40,096.47 na kayan da aka yi a Nijeriya, akan kudi N4,291,322,887.19 da kuma ‘Kuɗaɗen Tsarin Kula da Fitar da Kayayyakin Ƙasa da Ƙasa’ N21,456,551.83k.

“A daidai wannan lokacin a shekarar 2022, manyan motoci 3006 ɗauke da metric ton 116,053.9 na kaya da ya kai darajar FOB ya kai N6,597, 506, 993.28K tare da cajin NESS na N32,989,006.16 kuma wannan abin takaici yana ƙunshe da raguwar fitar da kayayyaki zuwa ƙetare. metric ton 75,000 na kaya saboda gasa tsakanin simintin Dangote da masu fafatawa a kasuwar siminti a Togo.”

Ya ƙara da cewa. Ya ce rundunar ta kuma yi amfani da wasu hanyoyin samun kuɗaɗen shiga ta hanyar yin gwanjon siyar da kayayyakin da aka kama musamman kayayyakin mai da sauran abubuwa masu lalacewa wanda hakan ya sa suka samu kuɗi N350,099,541.71 a rubu’in farko na shekarar 2023.

A cewar Comptroller Dera, jimlar kuɗaɗen shiga da aka samu a kwata na farko na shekarar 2023 idan aka kwatanta da na shekarar 2022 ya kai N105,095,708.76 ko kashi 23.09 cikin ɗari na N455,195,250,.47k da aka karɓa a daidai lokacin a shekarar 2022.

Ya ƙara da cewa giɓin da aka samu ya samo asali ne sakamakon dakatar da ayyukan da ake yi a lokacin tsarin kuɗi da kuma jira da ‘yan kasuwar ke yi na ganin sakamakon babban zaɓe. A ɓangaren yaƙi da fasa ƙwauri, Kwanturola Dera ya bayyana cewa, rundunar ta kama buhuna 2,242 masu nauyin kilogiram 50 tare da biyan harajin N72,700,480; 7,587 da lita 30 na Premium Motor Spirit kwatankwacin lita 227,610 ko kuma tanki bakwai na PMS mai kuɗin harajin N51,075,684 da fatar jaki guda 550 mai kuɗin harajin N10, 689,504.

Sauran kayayyakin da aka kama sun haɗa da: Fasfot na ƙasa da ƙasa guda 6 na Malta mai hoton mace iri ɗaya, amma suna da suna daban-daban, Fasfunan ƙasar Senegal guda 2, fasfo ɗin ƙasa da ƙasa na Togo 3, Fasfo na ƙasa da ƙasa na Jamhuriyar Benin 4, Fasfo na ƙasa da ƙasa na Jamhuriyar Nijar 1 da lasisin tƙi na ƙasa da ƙasa guda 10. waɗannan ƙasashe daban-daban.

Ya ci gaba da cewa kayayyakin da aka kama za a miƙa su ga Hukumar Kula da Shige da Fice ta Nijeriya bisa umarnin hukumar CGC da kuma yin daidai da burin hukumar na haɗa kai tsakanin NCS da hukumomin haɗin gwiwa. Baya ga kama matattun ɓeraye guda 1160 da matattun tsuntsaye 1102 da fatar biri guda 34 da fakiti 14 na tabar wiwi.

Ya ce rundunar za ta ci gaba da tattaunawa, da haɗa kai, da wayar da kan jama’a game da zamantakewa da tattalin arziƙi na fasa-ƙwauri tare da gudanar da aikin da ya dace na aiwatar da bin ƙa’idojin kasafin kuɗi na gwamnati.