Ƙasashen Waje
Ɗaliban Najeriya a Sudan sun nemi a kwaso su daga ƙasar
Kungiyar ɗalibai ta ƙasa a Sudan, ta yi ƙira ga hukumar ‘yan Najeriya mazauna kasashen waje, (NIDCOM), da ta yi ƙoƙarin kwashe su daga Sudan.
Hakan na ƙunshe ne cikin wata sanarwa da Gabriel Odu, sashin yaɗa labarai da hulɗa da jama’a na NIDCOM, ya fitar ranar Alhamis a Abuja.
Mista Odu ya ce kiran na ƙunshe ne a cikin wata wasiƙa da ɗaliban suka aikewa hukumar. Ya ce hukumar ta samu takardar neman korar mutanen musamman waɗanda ke birnin Khartoum, babban birnin ƙasar Sudan.
KU KUMA KARANTA: Yadda mutumin da ya yi tattaki daga Najeriya zuwa Saudiyya a kan keke yayi karanbatta da ‘yan Boko Haram da ‘yan bindiga
Tun da farko, Abike Dabiri-Erewa, shugabar NIDCOM, ta bayyana damuwarta kan halin da ɗaliban Najeriya ke ciki a Sudan.
Misis Dabiri-Erewa ta ce tashin hankalin da ake yi tsakanin sojojin Sudan da ƙungiyar Rapid Support Forces, RSF, na da matuƙar damuwa.
Hukumar ta ba da tabbacin cewa hukumar ba da agajin gaggawa ta ƙasa NEMA mai kula da kai ɗaukin gaggawa na tuntuɓar tawagar Najeriya dake Sudan da sauran hukumomin da abin ya shafa.
Misis Dabiri-Erewa ta buƙaci ɗaukacin ɗaliban Najeriya da ke Sudan da kuma ‘yan Najeriya mazauna Sudan, da su kasance masu lura da tsaro kuma su natsu.
Masu zanga-zanga sun hana jirage fiye da 100 tashi
Masu zanga-zangar rajin kare muhalli sun hana fiye da jirage 100 tashi a filin jirgin saman birnin Frankfurt da ke zaman mafi yawan hada-hadar jiragen sama a Jamus.
Dubban masu rajin kare muhallin sun tsara gudanar da zanga-zanga a ƙasashen Turai baki ɗaya, domin daƙile zirga-zirgar jiragen sama a daidai lokacin da mutane da dama ke tafiya hutun bazara da nufin nuna illa da barazanar sauyi ko ɗumamar yanayi.
Rahotanni daga filin jiragen saman na Frankfurt sun nuna cewa masu zanga-zangar sun karya shingen jami’an tsaro tare da kutsa kansu kan titunan jiragen saman.
KU KUMA KARANTA: Za mu kare masu zanga-zanga in dai ta lumana ce – IGP
DW ya ruwaito cewa wannan lamari dai ya tilsta ’yan sanda da jami’an kashe gobara da sauran jami’an tsaron filin jiragen saman ɗaukar mataki.
Masu zanga-zangar dai sun tilasta soke tashin kimanin jiragen sama 140, kuma kawo yanzu babu wani ƙarin bayani kan sabon lokacin da aka tsara tashinsu saboda fargabar sake samun kutsen ’yan rajin kare muhallin.
Wani jirgin sojin Rasha ya faɗi a kusa da Ukraine
Wani jirgin sojin ƙasar Rasha samfurin Mi-28 ya faɗo a wani yanki da babu kowa a Kudu maso yammacin kasar.
Hatsarin jirgin mai sauƙar ungulu ya yi ajalin ma’aikatan jirgin, kamar yadda wasu kamfanonin dillancin labaran ƙasar Rasha suka sanar a ranar Alhamis.
Kamfanin dillancin labarai na TASS ya ambato wata majiya a ma’aikatar tsaro ta ce “helkiwafta ƙirar Mi-28 ya fado a yankin Kaluga, ma’aikatan jirgin sun mutu.”
“Bayanan farko sun nuna wata matsalar fasaha ce ta haddasa hatsarin jirign,” in ji kamfanin dillancin labarai na Interfax, yana ambato wata sanarwa da ma’aikatar tsaron Rasha ta fitar.
KU KUMA KARANTA: Hatsarin jirgin sama ya yi sanadiyar mutuwar mutum 18
Hatsarin jirgin sojin ya faru ne ne a wani daji mai tazarar kilomita 150 daga kan iyakar ƙasar Rasha da Ukraine, kamar yadda wani jami’in yankin ya shaida wa TASS.
Haɗarin ya afku ne a wani daji mai nisan kilomita 150 daga kan iyakar ƙasar ta Ukraine.
Kusan mutane miliyan 26 a Sudan na fama da matsananciyar yunwa – MƊD
Kakakin Majalisar Ɗinkin Duniya, Stephane Dujarric, ya bayyana damuwa game da taɓarɓarewar yanayi na ƙarancin abinci a Sudan.
“Kusan mutane miliyan 26 da suka haɗa da maza manya, mata da yara ƙanana ne suke fama da bala’in yunwa – misali shi ne, adadin ya kai yawan mutanen Australia baki ɗaya,” in ji Dujarric, kamar yadda ya faɗa wa ‘yan jaridu.
Daga cikin mutane miliyan 26, 750,000 na dab da afkawa cikin bala’in yunwa da rashin abinci, in ji kakakin Majalisar Ɗinkin Duniya (MƊD).
Ya ƙara da cewa “Mutane a Sudan na fuskantar yanayi mafi muni a rayuwarsu”.
Sudan ta faɗa ƙazamin rikici inda rundunar sojin ƙasar ƙarƙashin Janar Abdul Fattah Al Burhan ke arangama da mayakan rundunar kai ɗaukin gaggawa ta RSF da tsohon mataimakin shugaban ƙasar Mohamed Hamdan Fagalo ke jagoranta.
KU KUMA KARANTA: Amurka ta ba da tallafin dala miliyan 203 don ƙarin taimakon jinƙai ga Sudan
Aƙalla mutane 12,260 ne aka kashe sannan sama da 33,000 suka jikkata a rikicin da aka fara a watan Afrilun 2023, kamar yadda alƙaluman MƊD suka bayyana.
Rikicin jinƙai na ci gaba inda kusan mutane miliyan 6.8 suka bar gidajensu tare da neman mafaka a cikin Sudan ko ƙasashe maƙota.
Ba a samu nasarar yarjeniyoyin tsagaita wuta daban-daban da Saudiyya da Amurka suka jagoranta ba da nufin kawo ƙarshen rikicin.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai10 months agoDalilin da ya sa na saka wa matata sasari – Wani magidanci a Potiskum
-
Labarai1 year ago‘Yan banga sun kama wani mutum da ke yunƙurin sace yarinya a Kano
-
Ƙasashen Waje1 year agoHukumar NEMA ta jaddada ƙudirinta na kwashe ‘yan Najeriya da suka maƙale a Sudan
Pingback: Najeriya na shirin kwashe ɗalibanta daga ƙasar Sudan | Neptune Prime Hausa
Pingback: Gwamnatin Najeriya ta kwaso ‘yan Najeriya 112 da suka maƙale daga ƙasar Libya | Neptune Prime Hausa