Boko Haram
Sojojin Najeriya sun kashe ‘yan Boko Haram 31, sun kama 70
Hedkwatar tsaron Najeriya ta bayyana cewa ta rundunar ta Operation Hadin Kai, sun kashe ‘yan tada-ƙayar baya na Boko Haram 31 da kuma na ƙungiyar ISWAP ta Yammacin Afrika tare kuma da kama wasu 70 a arewa maso gabashin Najeriya.
Darektan ƴada labaru na hedkwatar tsaron ƙasar, Manjo Janar, Musa Danmadami ne ya bayyana hakan yau a Abuja yayin taron manema labarai kan nasarori da sojojin ƙasar suka samu a makonni biyu da suka gabata.
Danmadami ya kara da cewa mutum 70 daga cikin wadanda ta kama a yankin arewa maso gabas, 60 daga cikinsu sun kasance suna samar wa da ‘yan tada-ƙayar bayan kayaki kamar abinci da makamai da man fetur da sauransuy.
Mai magana da hedkwatar tsraon ta Najeriya, ya ce dakarun ƙasar sun samu nasarar ceto mutum biyu da aka tsare, inda ‘yan tada-ƙayar baya 366 tare da iyalansu suka miƙa wuya.
Har ila yau, Danmadami ya ce a ranar 11 ga watan Oktoba ne, sojoji suka yi wa ‘yan ta’adda kwantan bauna a Bama da Ngala wanda ya kai mutuwar 18 daga cikinsu yayin da wasu suka tsere, inda akakwato makamai da dama.
Manjo Janar Musa ya kuma ce cikin makaman da aka kwato sun hada da bindigar AK-47 guda ɓiyar da bindigar M21 da buhunan wake 64 da na shinkafa ɓiyar da magunguna da kayan sawa da ƙananan dabbobi da kudi naira 250,000 da da babura 11 da kekuna ɓiyar da sauransu.
Wasu da ake zargin ‘yan ƙungiyar Boko Haram ne sun kashe aƙalla mutane 15 a hare-haren da suka kai kan wasu ƙauyuka biyu a ƙaramar hukumar Jere ta jihar Borno.
Kamar yadda rahoton Daily Trust ta ruwaito, ‘yan ta’addan sun kai farmaki ƙauyen Ƙofa ne da tsakar dare inda suka fara harbe-harbe ba da daɗewa ba, wanda har zuwa safiyar Juma’a.
An tattaro cewa maharan sun kuma kai hari a ƙauyukan Molai Kura da Molai Gana inda suka yi ta yanka mutane da ba a tantance adadinsu ba.
KU KUMA KARANTA: Yadda ‘yan Boko Haram suka yiwa masunta 29 kisan gilla, suka jikkata 9 a Gamborun Ngala
Lamarin dai ya sa mazauna yankin da dama sun ƙauracewa gidajensu zuwa wani daji da ke kusa.
Wani jigo a ƙungiyar ’yan banga, Bukar Ali-Musty, ya shaida wa jaridar cewa manoman na aikin gonakinsu ne a kusa da Molai, da ke wajen birnin Maiduguri, a ranar Alhamis ɗin da ta gabata, inda ‘yan tada ƙayar bayan suka kai musu hari suka sare kawunansu.
“Aƙalla gawarwaki 15 ne aka kwashe a safiyar yau, an kai hare-haren ne jiya (Alhamis).
“An sare kan manoma bakwai a lokacin da suke aikin gonakinsu, sannan maharan sun kuma yanka wuya ga wasu fararen hula takwas da ba su da illa a gidajensu,” in ji shi.
Wani memba a ƙungiyar ‘civilian JTF’ da ke cikin tawagar da aka kwashe, ya nuna damuwarsa kan hare-haren, yana mai cewa dole ne duk masu ruwa da tsaki su farka don ganin ba a ci gaba da faruwa ba.
“Abin takaici ne ci gaba idan aka yi la’akari da ci gaban da muka samu a cikin watanni ba tare da an kai wa al’umma hari ba.
“Ina can da safe. Ba zan iya tunanin ganin an yanka ’yan uwana kamar rago ba.
Dukkanin gawarwakin da muka ƙwato an same su ne a cikin kwance cikin jini, kuma ina ganin dukkanmu muna buƙatar mu tashi tsaye domin tunkarar wannan maƙiyin zaman lafiya,” inji majiyar.
Aƙalla ‘yan gudun hijira guda uku ne aka kashe tare kuma da jikkata wasu 13 ciki har da sojoji guda takwas a wasu mabambantan hare-hare da ƙungiyar ISWAP ta kai ƙaramar hukumar Damboa na jihar Borno.
An ruwaito cewa lamarin ya faru ne lokacin da ‘yan gudun hijira guda huɗu da ke zama a sansanin Lowcost a Damboa suka fita domin neman itacen hura wuta lokacin da mayaƙan suka buɗe musu wuta, inda suka kashe uku nan take yayin da sauran mutane kuma suka tsere da raunuka.
Jaridar Daily Trust ta ruwaito cewa tun da farko ISWAP ɗin sun jikkata wasu sojoji da kuma fararen hula yayin wani hari da suka kai yankin Talala a ranar Talata duk a Damboa.
Wata majiyar tsaro ta tabbatar da cewa sojoji sun kashe mayaƙan na ISWAP da dama a wani hari da suka kai musu.
Majiyar ta ce wani jrgin sama na sojoji ya je Damboa a jiya Alhamis, inda ta ɗebo sojoji da suka jikkata zuwa Maiduguri domin yi musu magani.
Rundunar ‘yan sandan jihar Borno ta tabbatar da kashe masunta 29 da ‘yan ta’addar Boko Haram suka yi a jihar.
Harin wanda ya auku a ƙauyen Mukdolo da ke yankin Gamborun Ngala a jihar ya kuma yi sanadin jikkata wasu masunta guda tara.
Jami’in hulɗa da jama’a na rundunar ‘yan sandan jihar, Sani Kamilu, wanda ya tabbatar da hakan, ya ce lamarin ya faru ne a ranar Laraba 8 ga watan Maris, 2023.
A baya dai an ruwaito cewa, ‘yan ta’addan da dama da ke kan babura sun abka cikin filin suna harbe-harbe ba da dadewa ba, yayin da suka kewaye sauran mutane 29 da aka kashe da bindiga bayan da mutane tara suka tsere da raunuka.
KU KUMA KARANTA: Boko haram sun kai hari ƙauyen Borno, sun ƙona runbunan abinci da gidaje
Wata majiya ta shaida wa kafar yada labarai ta yanar gizo, Zagazola Makama, cewa maharan sun yi amfani da gidajen kamun kifi wajen nade masuntan, inda suka azabtar da su sannan suka buɗe musu wuta.
“Sun ce su kwanta. Bayan haka, sun yi amfani da ragarsu na kamun kifi suka naɗe su kafin su fara azabtar da su. Bayan sun suma ne sai suka bude musu wuta, inda nan take suka kashe su,” inji majiyar.
Daga baya an tsinto gawarwakin manoman a wani samame da sojojin da suka samu labarin daga waɗanda harin ya rutsa da su suka tsere daga inda aka kai harin.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano
Pingback: Sojojin Najeriya sun kashe ‘yan Boko Haram 31, sun kama 70 – LEGEND FM DAURA