Sarakunan Yarbawa sun bayyana goyon bayansu ga Tinubu

Ƙungiyar sarakunan yarbawa ta Obas ta amince da babbar murya domin ta goya wa ɗan takarar shugaban ƙasa na jam’iyyar APC, Asiwaju Bola Ahmed Tinubu a zaɓen shugaban ƙasa da za a yi a ranar Asabar, tare da nuna cewa tsohon gwamnan jihar Legas ya fi cancantar jagorantar Najeriya.

Sarakunan gargajiya na ƙabilar Yarbawa daga jihohin Ekiti da Legas da Kogi da Kwara da Ogun da Ondo da Osun da kuma Oyo ne suka bayyana hakan a wata sanarwar da suka fitar bayan taronsu na ƙarshe a cibiyar taron ƙasa da ƙasa dake jami’ar Ibadan ta jihar Oyo.

An fahimci cewa sarakunan gargajiya sun gamsu da jawabin da Tinubu ya yi a yayin ganawar.

Wani ɓangare na sanarwar ya ƙara da cewa, “sun amince da Asiwaju Bola Ahmed Tinubu na da ƙwazon mulkin dimokraɗiyya da kuma jajircewarsa na tabbatar da dimokuraɗiyya a Najeriya.”

KU KUMA KARANTA: An Bukaci Al’ummar Yarbawa Da Su Bayar Da Hadin Kai Da Goyon Baya Ga Bola Tinubu

A nasa ɓangaren, Olugbon na Orile-Igbon kuma mataimakin shugaban majalisar Obas na jihar Oyo kuma Cif Oba Francis Olushola Alao, ya ƙara da cewa taron ya kasance na musamman da ke nuni da haɗin kan ƙasar Yarbawa domin ya wuce kudu maso yammacin kasar wanda hakan ya sa aka yi taron,ya haɗa da Kogi da Kwara.

“Wannan amincewa da Asiwaju Bola Ahmed Tinubu ne a fili sakamakon kyakkyawar tarihinsa da babban nasarorin da ya sa ya fi sauran ‘yan takara a matsayin mutum ɗaya tilo da zai kawo haɗin kai, adalci ga tsarin Najeriya”.

Taron wanda ya samu halartar manyan sarakuna daga dukkan jihohi shida na kudu maso yamma, da kuma yankin yarbawa na Kogi da Kwara, sun tabbatar da imaninsu da goyon bayan haɗin kan Najeriya da zaman lafiya da wadata da ci gaban ƙasa, kamar yadda aka yi alƙawarin tallafawa tsarin dimokraɗiyya bisa zaɓe na ‘yanci bisa ga zaɓen manya na duniya waɗanda jama’a ke amfani da su cikin ‘yanci.