Kayan masarufi da gargajiyar Arewa (kashi na ɗaya)

MAFICI;

Na’ura ce ta gargajiya da ake amfani da shi wajen samar da iska. Ana fifita da shi domin samun sanyin jiki a lokacin zafi ko kuma fifita abinci domin ya yi saurin hucewa da sauransu.

KASKON TURARE;

Kaskon turare na ɗaya daga cikin kayayyakin amfani da masu sana’ar ginin tukwane suke samarwa a ƙasar Hausa. Ana zuba garwashin wuta a cikinsa domin ƙona turaren ƙamshi wadda aka fi sani da turaren wuta.

LUDAYI

Abin amfani ne da ake samarwa daga duma, ana shan kunu, fura, koko da sauran dangogin abubuwan sha da ake ɗebowa daga ƙwarya ko ƙoƙo ta hanyar amfani da ludayi. Girman ludayi ya bambanta, mafi girma shi ake kira makamfaci.

FITILA

Kafin amfani da fitilun lantarki, hasken rana, batura, da sauran nau’ukan zamani, fitilun Kananzir da aka fi sani da Fitilar ƙwai a ƙasar Hausa, ta na samar da wadataccen haske a lokacin amfani. An yi amfani da ita na tsawon lokaci.

Fitilar ƙwai ta na da tasiri sosai musamman da dare. A kan zuba Kananzir a ciki sannan kuma akwai ƙullin lagwani wadda ta shi ne haske ya ke yin togo. Har ila yau, akwai majuyin daidaita haske wadda za iya rage hasken ko kuma ƙari.Tare da sabbin fasahohin zamani, mutane da dama ba sa yin amfani da fitilun ƙwai a wannan lokaci.

RANDA

Randa, ta kasance firiji na gida a wancan lokacin, an yi ta ne saboda ajiye kayan lambu, da sanyaya ababen sha domin kar su lalace, sannan a kan zuba ruwan sha a ciki musamman lokacin zafi domin ya kasance sassanya kuma tsaftatacce.

Ana yin ta ne da ƙasa, sannan ta na sanyaya da kuma adana abinci da abin sha. Har yau, ana amfani da ita a wasu wurare, musamman a karkara.

TSANA