Labarai
Hukumar NSCDC a Kwara ta gurfanar da mutane biyu kan zargin fyaɗe
Hukumar tsaron farin kaya ta Najeriya NSCDC a jihar Kwara ta gurfanar da wasu maza biyu Idowu Yahaya (39) da John Balogun (49) da ake zargi da aikata laifukan fyaɗe da lalata. Idowu Yahaya, wani mai gadi ne mai zaman kansa a unguwar Gaa Akanbi, Ilorin, ana zarginsa da yi wa wata yarinya ‘yar shekara 15 fyaɗe a ofis.
Balogun John, wani malami ne a wata makaranta mai zaman kanta da ke babban birnin jihar, an zarge shi da yi wa ɗiyarsa ‘yar shekara 17 fyaɗe a unguwar Osere da ke Ilorin a jihar Kwara.
Da yake jawabi yayin faretin, kwamandan rundunar na jihar Umar J.G. Mohammed, ya ce fyaɗe na ɗaya daga cikin laifukan ta’addanci da ke ta’azzara a cikin al’umma.
“Ƙwarewa ne mai ban tsoro da ke shafar wanda aka azabtar a cikin jiki, tunani, da hanyoyin zamantakewa”, in ji shi.
KU KUMA KARANTA: Hukumar NSCDC a Legas, ta kama masu safarar mutane a wani otel
Shugaban NSCDC ya buƙaci iyaye da masu kula da su da su kasance masu lura da kuma kusantar da ‘ya’yansu. Ya kuma ce a kwaɗaitar da yara su riƙa tattaunawa da iyayensu idan sun sami matsala ba kawai da baƙo ba har ma da aboki ko dangi.
“Ya kamata su san hanya mai aminci, tafiya mai kyau don tafiya da dawowa makaranta, kuma ya kamata a kauce wa wuraren keɓe”, in ji shi.
Ya kuma jaddada cewa fyaɗe laifi ne, don haka bai kamata waɗanda abin ya shafa su yi ƙasa a gwiwa ba wajen kai rahoton lamarin, inda ya ƙara da cewa rundunar na da hanyar da ta dace wajen gudanar da bincike kan lamarin fyaɗe tare da yin amfani da ƙwararrun masu binciken cin zarafi masu kula da buƙatu da damuwar waɗanda abin ya shafa.
Umar ya gargaɗi masu fyaɗe da sauran masu aikata laifuka a jihar da su daina irin wannan munanan ayyuka, su rungumi salon rayuwa na halal da lumana.
Ya kuma yi ƙira ga al’umma da su riƙa baiwa hukumar da sauran jami’an tsaro haɗin kai, musamman wajen musayar bayanan sirri, ta yadda al’umma za su tsira daga aikata laifuka.
Wani sabon gini mai hawa 2 ya rushe a Legas
Wani sabon bene mai hawa biyu a Jihar Legas, ya rushe yayin da ake tsaka da mamakon ruwan sama wanda ya haddasa ambaliya a wasu sassan jihar.
Ginin ya rushe ne a lamba 12 da ke yankin Cameroun kusa da Ewenla a Mushin.
Hukumar Bayar da Agajin Gaggawa ta jihar (LASEMA), ta bayyana cewar bayan isar jami’anta wajen da lamarin ya faru, ta gano wani sabon gini mai hawa biyu ya rushe.
An ceto mutum bakwai; mata uku da maza huɗu, tuni aka kai su asibiti domin duba lafiyarsu.
KU KUMA KARANTA: Wani bene mai hawa 4 ya rufta da mutane a Abuja
Ya zuwa yanzu dai hukumar, ta ce babu wanda ya mutu a dalilin rushewar ginin.
Babban sakataren LASEMA, Dokta Olufemi Damilola Oke-Osanyintolu, ya ce ana ci gaba da gudanar aikin ceto don tabbatar da babu wanda ya maƙale a baraguzai.
Wani jami’in EFCC ya hallaka kansa a Abuja
Rahotanni sun bayyana cewar wani jami’in Hukumar Yaƙi da Masu Yi Wa Tattalin Arziƙin Ƙasa Zagon Ƙasa (EFCC), ya hallaka kansa har lahira a Abuja.
An tsinci gawar marigayin ne a gidansa da ke babban birnin tarayya.
Marigayin, wanda ba a bayyana sunansa ba, an ce ya kasance ɗaya daga cikin waɗanda suka yi kwas na 5 a makarantar horas da masu yi wa ƙasa hidima ta hukumar yaƙi da cin hanci da rashawa.
An ruwaito cewar yana da ƙwazo da himma a wajen gudanar da ayyukansa.
Wata majiya ta ce jami’in ya jima yana fama da baƙin ciki da matsalolin rayuwa kafin mutuwarsa.
Kakakin EFCC, Dele Oyewale, ya shaida wa manema labarai cewa hukumar za ta binciki musababbin da ya sanya ya kashe kansa, kuma hukumar za ta taimaka wa iyalansa.
Oyewale, ya ƙara da cewa hukumar za ta binciki wasu abubuwa da suka haɗa da matsalar taɓin hankali da kuma matsalolin iyali waɗanda ka iya sanya ma’aikacin kashe kansa.
KU KUMA KARANTA: Ana zargin wani jami’in kwastam ya kashe kansa a Abuja
Sai dai ya ce hukumar ba za ta fitar da wata sanarwa ko kuma bayyana sunan jami’in ba, har sai an kammala bincike.
NAFDAC ta rufe shaguna 100 A Enugu
Hukumar Kula da Ingancin Abinci da Magunguna ta Ƙasa (NAFDAC), ta rufe shaguna kusan 100 a babbar kasuwar Ogbete ta Jihar Enugu, bisa zargin sayar da wasu abubuwan sha na jabu.
Daraktan NAFDAC, Martins Iluyomade a yankin Kudu maso Gabas, ya ce hukumar ta ɗauki matakin ne bayan wani samame da ta kai a ranar Litinin.
A yayin samamen jami’an hukumar NAFDAC, sun cafke wata babbar mota ɗauke da kayayyakin maye tare da cafke wasu ‘yan kasuwa huɗu da ake zargi da hannu wajen sayar da jabun abubuwan sha.
Iluyomade, wanda masanin haɗa magunguna ne, ya nanata cewa matakin ya zama dole domin kare masu amfani da ire-iren kayayyakin .
Ya ce waɗanda ake zargin a halin yanzu ana kan bincikensu kuma za su fuskanci tuhuma a gaban kotu bayan kammala binciken.
KU KUMA KARANTA: NAFDAC ta haramta amfani da maganin tari na yara na kamfanin J&J
Har wa yau, ya nanata ƙudurin NAFDAC na kawar da kayayyaki marasa inganci, da jabun abubuwan ci da sha, da gurɓatattun kayayyaki a kasuwa.
Ya ƙara da cewa, an gudanar da binciken ne tare da haɗin gwiwar hukumomin tsaro.
A gefe guda kuma, ya bayyana muhimmancin aikin hukumar na tabbatar da lafiyar al’umma.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano
Pingback: Hukumar NSCDC a Osun, ta kama wani mutum bisa zargin zambar miliyan 13 | Neptune Prime Hausa