Al'adu
Birnin Ismailiyaya sanya Masar a matsayi na shida a duniya wajen samar da Mangwaro
Wannan birni ya sanya Masar a matsayi na shida a duniya wajen samar da Mangwaro tan miliyan biyu a duk shekara, bayan ƙasashen Indiya, Sin, Thailand, Mexico da Indonesiya.
Birnin Ismailia, ya na samar da nau’ikan Mangwaro daban-daban sama da kala talatin da suka shahara da kuma inganci.
Ismailia, ya na gaɓar yamma da tashar ruwa na Suez Canal. Ana ɗaukarsa a matsayin ɗaya daga cikin mafi kyawun birane masu ƙayatarwa a Masar, tare da tsaftatattun tituna da tsirrai, da kuma manyan lambuna.
Birnin shi ne babban yankin da ake noman Mangwaro a ƙasar, wadda ya shahara wajen samar da Mangwaro masu inganci saboda ƙasa mai kyau da yanayi. Girbin Mangwaro ya na farawa a ƙarshen watan Yuli kuma ya na ci gaba har zuwa ƙarshen Satumba.
Sauran amfanin gona da ake nomawa a yankin sun haɗa da; Strawberry, Lemu, Zaitun, Inibi, Gyaɗa, da sauransu.
KU KUMA KARANTA:Burin Turkiyya shi ne samun cikakken ƴanci a ɓangaren makamashi – Shugaba Erdogan
A shekarar da ta gabata ne (2023), birnin ya fara shirya bikin Mangwaro na farko a ƙasar, inda jakadun New Zealand, Indonesia, Philippines, Saudi Arabia, Najeriya, Jordan da Sri Lanka duk sun halarci buɗe taron.
Masu shirya taron sun ce, maƙasudin taron shi ne, bunƙasa Mangoron Masar don fitar da su zuwa ƙasashen waje da kuma samar da sabbin masu zuba jari da guraben ayyukan yi a fannin, tare da ƙarfafa harkokin yawon buɗe ido a lardin Ismailia.
Hukumomin yankin sun bayyana cewa, birnin na noma kashi ɗaya bisa uku na Mangwaron da ake nomawa a ƙasar, inda ake noma sama da kadada 35,612ha.
Har ila yau, ana fitar da Mangwaro da sauran amfanin gona da suka kai dalar Amurka biliyan 1.4 cikin shekaru uku da suka gabata.
Wasan gargajiya ne da ya shahara a ƙasar Hausa wadda galibi yara ne musamman ‘yan mata ke yin sa.
Ana yin wasan tsakanin mutane biyu ko fiye ta hanyar zana layin murabba’i a ƙasa. A lokacin da ake wasan ana sa ran ɗan wasa ya jefi wani ɗan dutse kaɗan (wadda aka fi sani da ƙoduwa a ƙasar Hausa) a cikin wani layi na musamman na murabba’i sannan ya yi tsalle a kan sauran filayen ta hanyar tsallake filin da dutsen. Dole ne ɗan wasa ya yi haka kan duk murabba’i don cin nasarar kai wa matakin gida.
KU KUMA KARANTA: Amfanin rumbu wurin ajiye kayan aikin gona
‘Yar Gala-Gala wasa ne da ke taimaka wa ‘yan mata yin nazari da tunani, tare da inganta zamantakewa tsakanin yara a cikin wata al’umma. Haka nan, ya na samar da nishaɗi a cikin zukatan tare da inganta haɗin kai da ƙaunar juna.
Rumbu, abin amfani ne na gargajiya da ake adana kayan amfanin gona da manoma suka noma a cikinsa a ƙasar Hausa.
Ana zuba dukkan nau’ukan kayan amfani da ake son adanawa bayan an girbe su daga gona. Ana zuba kayayyaki irin su Hatsi, Wake, Gyaɗa, da sauransu kuma a lokaci guda.
KU KUMA KARANTA: Abubuwan da ba ku ji ba game da ƙasar Mozambik (Hotuna)
Ana amfani da Kara da kuma ciyawar Gamba wajen yin sa. Sannan kuma bayan wannan akwai rumbun ƙasa. Duk dai aiki iri ɗaya suke yi. Kamar yadda ake da ɗakin kara da kuma na ƙasa; Wato ɗakin kago.
An yi amfani da Rumbu na tsawon lokaci kuma an tabbatar da cewa, ya na da tasiri don adana abinci.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano