Ƙasashen Waje
An kashe fiye da mutum 60 a rikicin ƙabilancin ƙasar Papua, New Guinea
Ƴan sanda sun sun ce an gano gawawwaki 64 da aka yi musu jina-jina zube a kan wata hanya a wani yanki yanki mai nisa a Papua New Guinea, abin da ke nuna cewa ƴaƙin da aka jima ana yi tsakanin ƙabilun yankin na ƙara ƙazancewa.
An yi amanna cewa, mutanen da aka kashe mayaƙan wata ƙabila ne, da mayaƙan wata ƙabilar daban suka yi wa kwanton ɓauna ranar Lahadi.
Lamarin ya faru ne a kusa da garin Wabag, kimanin kilomita 600 arewa maso yammacin babban birinn ƙsar Port Moresby.
Kwamishinan ƴan sanda David Manning Monday ya bayyana lamarin a matsayin wani “gagarumin dabbanci”, sannan ya bayyana cewa ana shirin gudanar da wani “aiki na musamman” a yankin, don “mai da doka da oda.”
“An bai wa waɗannan jami’an umarni a fayyace cewa su yi amfani da kowane irin ƙarfi da ake buƙata don hana sake faruwar irin wannan tashin hankalin, yana mai cewa, “Wannan ya haɗa da amfani da ƙarfi fiye da ƙima idan aka yi wa rayuwar jami’an tsaro da ta fararen hula barazana.”
KU KUMA KARANTA: Afirka ta Kudu za ta tura dakaru 2,900 don yaƙi da ƴan bindiga a Jamhuriyar Dimokuraɗiyyar Kongo
Yankin wanda ke fama da tashin hankali tsawon shekaru, ya zama wani wajen ramuwar gayyar kashe-kashe tsakanin ƙabilun Sikin, da Ambulin da wasu ƙabilun.
Wasu hotuna masu tada hankali da ƴan sanda suka fitar daga wajen da lamarin ya faru, sun nuna gawawwaki jina-jina kwance a gefen titi, sannan an loda wasu a bayan wata motar ɗaukan kaya.
Wasu mutanen an cire musu wasu gaɓoɓi, sannan wasu ba kaya a jikinsu, yayin da aka ɗaura musu kwalabe ko gwangwanaye a ƙirjinsu.
A ranar Litinin, ƴan sanda sun ce an ringa jin ƙarin bindiga a wani waje kusa da inda lamarin ya faru, kuma an ci gaba da gano wasu gawawwakin daga dazukan da ke kusa da hanyar.
“Mun yi amanna cewa akwai wasu gawawwakin a cikin daji, a cewar mataumakin kwamishinan ƴan sanda Samson Kua.
An shafe ɗaruruwan shekaru ƙabilu na faɗa da juna a yankin na Papua New Guinea, amma ƙaruwar sojojin haya da bazuwar makamai masu sarrafa kansu, sun sa faɗace-faɗacen sun ƙara ƙazancewa, sannan an ƙara samun yaɗuwar tashin hankalin cikin gaggawa.
Kua ya ce ƴan bindigar na amfani da muggan makamai, da suka hadar da bindigogi samfurin SLR, da AK-47, da M4, da AR15 da kuma M16, sai kuma bindigar harba-ruga da bindigogin da ake ƙerawa a gida.
Muƙaddashin kwamandan ƴan sandan yankin, Patrick Peka yace da dama daga waɗanda aka kashe ɗin sojojin haya ne – waɗanda suke yawo a yankin suna tayin taimakawa ƙabilu taimaka musu wajen ɗaukan fansa a kan abokan gabarsu.
“Ƴan sanda da gwamnati ba za su iya yin wani abin a-zo a-gani ba lokacin da shugabanni da masu faɗa-a-ji suke safarar makamai, sannan suke daukan sojojin haya daga wasu sassan yankin,” a cewar Peke.
Gwamnatin Papua New Guinea ta yi kokarin daƙile rikicin, da shiga tsakani, da yin afuwa da ma wasu matakan don taƙaita yaɗuwar rikicin, sai dai babu wata nasarar a zo a gani.
Rundanar soja ta tura fiye da sojiji 100 yankin, sai dai tasirinsu taƙaitacce ne, sannan mayaƙan ƙabilu sun fi jami’an tsaro yawa sun fi su makamai.
A mai yawan lokuta, an fi samu kashe-kashe ne a yankuna masu nisa, inda ake kai farmaki da kwanton ɓauna a matsayin ramuwar gayya kan hare-haren da aka kai a baya.
A baya an sha kai farmaki kan fararen hula da suka haɗa da mata masu ciki da ƙananan yara.
Masu zanga-zanga sun hana jirage fiye da 100 tashi
Masu zanga-zangar rajin kare muhalli sun hana fiye da jirage 100 tashi a filin jirgin saman birnin Frankfurt da ke zaman mafi yawan hada-hadar jiragen sama a Jamus.
Dubban masu rajin kare muhallin sun tsara gudanar da zanga-zanga a ƙasashen Turai baki ɗaya, domin daƙile zirga-zirgar jiragen sama a daidai lokacin da mutane da dama ke tafiya hutun bazara da nufin nuna illa da barazanar sauyi ko ɗumamar yanayi.
Rahotanni daga filin jiragen saman na Frankfurt sun nuna cewa masu zanga-zangar sun karya shingen jami’an tsaro tare da kutsa kansu kan titunan jiragen saman.
KU KUMA KARANTA: Za mu kare masu zanga-zanga in dai ta lumana ce – IGP
DW ya ruwaito cewa wannan lamari dai ya tilsta ’yan sanda da jami’an kashe gobara da sauran jami’an tsaron filin jiragen saman ɗaukar mataki.
Masu zanga-zangar dai sun tilasta soke tashin kimanin jiragen sama 140, kuma kawo yanzu babu wani ƙarin bayani kan sabon lokacin da aka tsara tashinsu saboda fargabar sake samun kutsen ’yan rajin kare muhallin.
Wani jirgin sojin Rasha ya faɗi a kusa da Ukraine
Wani jirgin sojin ƙasar Rasha samfurin Mi-28 ya faɗo a wani yanki da babu kowa a Kudu maso yammacin kasar.
Hatsarin jirgin mai sauƙar ungulu ya yi ajalin ma’aikatan jirgin, kamar yadda wasu kamfanonin dillancin labaran ƙasar Rasha suka sanar a ranar Alhamis.
Kamfanin dillancin labarai na TASS ya ambato wata majiya a ma’aikatar tsaro ta ce “helkiwafta ƙirar Mi-28 ya fado a yankin Kaluga, ma’aikatan jirgin sun mutu.”
“Bayanan farko sun nuna wata matsalar fasaha ce ta haddasa hatsarin jirign,” in ji kamfanin dillancin labarai na Interfax, yana ambato wata sanarwa da ma’aikatar tsaron Rasha ta fitar.
KU KUMA KARANTA: Hatsarin jirgin sama ya yi sanadiyar mutuwar mutum 18
Hatsarin jirgin sojin ya faru ne ne a wani daji mai tazarar kilomita 150 daga kan iyakar ƙasar Rasha da Ukraine, kamar yadda wani jami’in yankin ya shaida wa TASS.
Haɗarin ya afku ne a wani daji mai nisan kilomita 150 daga kan iyakar ƙasar ta Ukraine.
Kusan mutane miliyan 26 a Sudan na fama da matsananciyar yunwa – MƊD
Kakakin Majalisar Ɗinkin Duniya, Stephane Dujarric, ya bayyana damuwa game da taɓarɓarewar yanayi na ƙarancin abinci a Sudan.
“Kusan mutane miliyan 26 da suka haɗa da maza manya, mata da yara ƙanana ne suke fama da bala’in yunwa – misali shi ne, adadin ya kai yawan mutanen Australia baki ɗaya,” in ji Dujarric, kamar yadda ya faɗa wa ‘yan jaridu.
Daga cikin mutane miliyan 26, 750,000 na dab da afkawa cikin bala’in yunwa da rashin abinci, in ji kakakin Majalisar Ɗinkin Duniya (MƊD).
Ya ƙara da cewa “Mutane a Sudan na fuskantar yanayi mafi muni a rayuwarsu”.
Sudan ta faɗa ƙazamin rikici inda rundunar sojin ƙasar ƙarƙashin Janar Abdul Fattah Al Burhan ke arangama da mayakan rundunar kai ɗaukin gaggawa ta RSF da tsohon mataimakin shugaban ƙasar Mohamed Hamdan Fagalo ke jagoranta.
KU KUMA KARANTA: Amurka ta ba da tallafin dala miliyan 203 don ƙarin taimakon jinƙai ga Sudan
Aƙalla mutane 12,260 ne aka kashe sannan sama da 33,000 suka jikkata a rikicin da aka fara a watan Afrilun 2023, kamar yadda alƙaluman MƊD suka bayyana.
Rikicin jinƙai na ci gaba inda kusan mutane miliyan 6.8 suka bar gidajensu tare da neman mafaka a cikin Sudan ko ƙasashe maƙota.
Ba a samu nasarar yarjeniyoyin tsagaita wuta daban-daban da Saudiyya da Amurka suka jagoranta ba da nufin kawo ƙarshen rikicin.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai10 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano