Kannywood
Ali Nuhu ya maka jaruma Hannatu Bashir a kotu
Daga Fatima MONJA, Abuja
Fitaccen jarumin masana’antar fim ɗin Hausa, Ali Nuhu, ya maka jaruma kuma furodusa Hannatu Bashir a gaban kotu kan zarginta da ci masa mutunci ta maganganun saƙon kar ta kwana da ta tura masa.
Salima Muhammad Sabo wacce ita ce lauyar Ali Nuhu dake ofishin M.L Ibrahim and Co. ta miƙa ƙarar a gaban kotun majistare dake da lamba 58 a unguwar Nomansland, Kano.
Mujallar Fim ta gano cewa Ali Nuhu ya yi ƙarar ne saboda akasin da aka samu kan aikin wani fim na Hannatu wanda aka yi alƙawari da shi zai yi, amma ya saɓa.
A ranar da aka yi alƙawari da shi zai je ɗaukar fim ɗin, wato 10 ga wannan watan na Oktoba, an tafi aikin ɗaukar fim ɗin, amma sai Alin bai samu zuwa lokeshin ɗin ba domin ya yi tafiya, ba ya gari.
Rashin zuwan nasa ya sa tilas aka ɗage ɗaukar ɓangaren sa a aikin zuwa rana ta gaba, amma a wannan ranar ma bai je ba. Kamar yadda ya faɗa masu, ya ce sai a ranar ne ma zai dawo kuma ko ya dawo ma ba zai samu zuwa ba sai dai a rana ta gaba.
Wannan abin ya ɓata ran Hannatu Bashir, wadda ita ma sananniyar jaruma ce, don haka ta tura masa saƙo a waya ta ce masa ba ta ma buƙatar aikin da shi.
Saƙon, wanda mujallar Fim ta gani, ya sa shi ma jarumin ya mayar mata da martani mai zafi, ya ce ta yi masa rashin kunya. Daga ƙarshe ya faɗa mata zai ɗauki mataki na shari’a a kan ta. Ita kuma ta ce to ta na jiran shi.
A takardar ƙarar mai shafi biyu, wadda lauyar sa ta shigar, Ali ya shaida wa kotun cewa Hannatu, mai kamfanin Hanan Synergy Concept Limited, ta tura masa tes ne a ranar 10 ga Oktoba inda ta faɗa masa cewa ya ƙi zuwa yi mata aikin fim kuma hakan da ya yi mata bai dace ba kuma zalunci ne.
Ya ce ko kaɗan shi bai rattaba wata yarjejeniya da Hannatu ba cewa zai yi mata fim, kuma shi bai da wata hulɗar kasuwanci da ita da har za ta tura masa tes ta gaya masa baƙar magana wadda ɓatanci ne a gare shi tare da zubar masa da ƙima a idon jama’a.
Ya ce saboda haka ne ya ke so kotu ta ɗauki matakin shari’a na ɓata suna a kan Hannatu Bashir.
Ya ɗauki hoton tes ɗin da ta tura masa ya maƙala a takardar ƙarar domin kotu ta gani.
A turance, ƙarar da ya shigar ita ce “criminal direct complaint”, wadda zargin babban laifi ne
A sammacin ƙarar, mai kwanan wata 11 ga Oktoba, 2022, wanda mujallar Fim ta gani, kotun ta buƙaci Hannatu Bashir da ta halarci zaman kotun a yau ranar 18 ga Oktoba domin ta kare kan ta.
Ana tsammanin wannan dai shi ne karo na farko da Ali Nuhu ya kai ƙarar wata jaruma a kotu.
Bayan ce-ce-ku-ce, Hukumar Hisbah ta jihar Kano ta sake zama da daraktoci da furdusoshi da jarumai da sauran masu ruwa da tsaki a Kannywood don tsaftace harkar fim da nufin kau da ayyukan baɗala a jihar.
A jawabansu daban-daban, Shugaban Ƙungiyar MOPPAN ta Ƙasa Dokta Ahmad Sarari da takwaransa na Jihar Kano Ado Ahmad Gidan Dabino da Shugaban Ƙungiyar Jarumai Alasan Kwalle sun nuna jin daɗinsu game da taron inda suka sha alwashin ba wa Hisbah goyon baya tare da alkawarin cewa nan gaba za a samu gyara a harkar fim ɗin.
Wannan shi ya kawo ƙarshen ce-ce ku-cen da aka yi ta yi game da ganawar Hukumar da ’yan fim na farko, wanda mafi yawansu suka ƙaurace wa bisa hujjar cewa Hisbar ba ta bi hanyar da ta dace wajen gayyatar su ba.
KU KUMA KARANTA: ’Yan Kannywood da dama sun ƙaurace wa taron da Hisbah ta gayyata a Kano
Hukumar ta sake miƙa musu goron gayyata a karo na biyu wanda suka amsa a ƙarƙashin jagorancin ɗan gidansu wato Shugaban Hukumar Tace Finafinai da Dab’i ta Jihar Kano Abba Almustapha.
Kwamanda-Janar na Hukumar Hisbah Shaikh Aminu Ibrahim Daurawa ya bayyana cewa ƙorafe-ƙorafe da suke yawan samu daga Kanawa da sauran sassan Najeriya kan yadda ’yan fim ke nuna abubuwan da suka saɓa wa addinin Musulunci da al’adun Hausawa a cikin finafinansu ya sa suka ga dacewar zama da masu ruwa da tsaki a harkar fim don laluɓo hanyoyin kawo gyara a cikin harkar.
“Ita Hukumar Hisbah an kafa ta ne don ta saita al’umma a kan koyarwar addinin tare da yi musu katanga daga aikata munanan ayyuka.
“Muna so a laluɓo hanyoyin da za a rage nuna abubuwa da suke na tir tare da ci gaba da nuna abubuwa da za su dabbaka addinin da kyawawan koyarwar al’adun Hausawa a harkar fim,” in ji Daurawa.
A nasa ɓangaren, Abba Almustapha ya bayyana cewa tuni ’yan fim din suka amince za su zama masu bin doka.
Abba Almustapha ya jaddada cewa nan ba da dadewa ba hukumomin biyu za su shirya taron ƙara wa juna sani da ’yayan Kannywood don ilimintar da su kan abin da ya shafi fim ta fuskar addinin Musulunci inda za a gayyato fitattun malaman Musulunci don tattauna tare da laluɓo hanyoyin da za a kai harkar fim ɗin ga tudun mun tsira.
Kamar yadda Neptune Hausa ta kawo labarin cewa shahararren ɗan wasan Nijeriya Ahmed Musa MON ya yi alƙawarin sayawa Baba Karkuzu gida a yau Talata, alƙawari ya cika.
Alhamdulillah an sayi gida an kuma karɓi takardun gidan.
Kamar yadda kuke gani a hoto Baba Karkuzu ne riƙe da Jessy ɗin Ahmad Musa tare da takardan gidan shi cikin farin ciki da godiyar Allah (T).
Jarumin Kannywood, Karkuzu ya makance, yana kukan neman taimako
Ga waɗanda suka taimaka, Baba yace a isar masa da godiya a gare su, Ubangiji Allah ya sakawa kowa da alkhairi, Allah ya biyawa kowa buƙatar shi, wanda suka taimaka kuɗi da wanda suka taimaka da addu’a.
Dukkan mu Allah ya sakawa kowa da gidan Aljannah, Allah ya dube mu lokacin da muke cikin tsanani, Allah ya suturta mu da suturar shi mara yankewa, Allah ya rufa mana asirin mu. Ameen ya Allah.
Fitaccen jarumin Kannywood, Abdullahi Shuaibu wanda aka fi sani da Karkuzu ya makance kuma yana fama da rashin lafiya.
Jarumin, wanda aka yaɗa bidiyonsa a shafukan sada zumunta, ya nemi taimakon kuɗi, inda ya bayyana cewa ya yi rashin lafiya tun watan Disambar 2020.
Shuaibu ya fara fitowa a masana’antar nishaɗantarwa ta Hausa a shekarun 1980 tare da shahararriyar wasan kwaikwayo mai suna Karkuzu na Bodara wanda ya sanya ake masa laƙabi da Karkuzu.
A zantawarsa da wannan jarida bayan faifan bidiyo, Karkuzu ya ce, “Yanzu na makance kamar yadda nake magana da ku. Ina matuƙar buƙatar taimakon kuɗi. Ba ni da abincin da zan ci da ciyar da iyalina.
KU KUMA KARANTA: Yadda mutuwar Alhaji Mala na shirin ‘Daɗin Kowa’ ta jijjiga Kannywood
“Gidan da nake zaune yanzu za a sayar. Idan sun sayar da wannan gidan, ban san inda zan dosa ba. Don haka ne nake neman taimako daga ‘yan Najeriya da su kawo min agaji.
A ƙalla ‘yan Najeriya su taimaka min sayan wannan gidan da nake zaune.”
Dangane da makanta, ya ce, “An min aiki sau biyu, amma a ƙarshe likitoci sun ce glaucoma ce, kuma ba zan sake gani ba. Na yarda da hakan a matsayin makoma ta. Amma ya kamata ‘yan Nijeriya su taimake ni. Kawo min gidan nan, da abinci.”
Masana’antar Kannywood na da ƙungiyoyi da dama, amma akwai zargin cewa ‘yan wasan kwaikwayo da dama ba sa kula da su idan ba su da lafiya kuma suna buƙatar taimako.
Zuwa haɗa wannan rahoto, ɗan wasan ƙwallon ƙafa na Najeriya Ahmad Musa ya ba shi kyautar naira dubu ɗari biyar, sannan ya ce a nemo gida na naira miliyan biyar zai saya masa.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano