Harkokin Mata
Tsaftace farji da sabulu na iya haifar da cututtuka, masana sun yi gargaɗi ga mata
Likitocin mata sun gargaɗi mata game da amfani da sabulu don tsaftace farjinsu, inda suka ce yin amfani da sabulu wajen wanke shi na iya ɗaukaka matakin pH da kuma ƙarfafa ci gaban cututtuka masu yaduwa.
Matsayin pH shine ma’auni na yadda acidic ko asali abu ko bayani yake.
Likitocin mata sun jaddada cewa farjin mace na iya tsaftace kansa da kansa da taimakon sirran jikin mutum don haka bai kamata a tsaftace shi da sabulu ba.
A cewar masana, farjin yana da yanayi na acidic a ciki wanda ke taimakawa wajen kiyaye kwayoyin cuta a cikin jiki, inda suka jaddada cewa yin amfani da sabulu wajen wanke shi na iya karfafa haɓɓakar cututtuka da sauran matsalolin ga lafiya.
KU KUMA KARANTA: Matse farji da alum nada hatsari– Likitan mata
Cututtuka masu yaɗuwa, in ji masana, cuta ce da ƙwayoyin halitta ke haifarwa—kamar kwayoyin cuta na fungi, ko kwayar bakteriya.
Yayin da suka yi nuni da cewa fatar da ke kusa da al’aurar mance ta fi dacewa kuma ta sha bamban da sauran sassan jiki, kwararrun sun kara da cewa sabulun na iya zama da tsauri ga yankin, kuma a karshe yana haifar da fusatar wajen.
Da yake bayani, farfesa a fannin ilimin lafiyar mata, Farfesa Olwarotimi Akinola, da wani likitan mata, Dokta Akinsola Akinde, sun ce amfani da sinadarai masu ƙamshi na iya ƙara warin farji da kuma haifar da cututtuka.
Farfesa Akinola ya bayyana cewa yin amfani da sabulu wajen wanke farji zai kawar da acid da ƙwayoyin cuta da ake nufin kare muhallin farji. Ya ce, “farji na iya tsabtace kansa.
Yana da sinadarai da ta ke fitar da su waɗanda za su ba ta yanayin acid wanda ke hana wasu kwayoyin cuta hawa ta cikin farji.
Don haka, lokacin da za ku yi amfani da sabulu don wanke shi, kuna iya yin watsi da wannan acid, kuma idan kuka yi haka, kuna cutar da shi, kuma kamuwa da cuta akai-akai kuma wurin zai iya bushewa kuma za a iya samun raunuka.
“Kawai tsaftace shi da ruwa ba tare da sabulu ba, shi ne idan ka yi amfani da sabulu wajen tsaftace shi na wani lokaci za ka san cewa za a iya samun mamayar al’aurar da kwayoyin cuta daban-daban.”
Dokta Akinde ta jaddada cewa mata su rika amfani da ruwa ne kawai wajen wanke al’aurarsu domin guje wa raunuka da cututtuka, ya bayyana cewa, “Me suke son cimmawa ta hanyar wanke-wanke da sabulu? Kawai wanke da ruwa ya wadatar maki”.
Wannan duk saboda akwai furen ƙwayoyin cuta a cikin farji. Bakteriya ce ta al’ada da ke cikin al’aurar mafi yawan mata, kuma tana taimakawa wajen kiyaye acidity na farji, wannan acidity ne ke hana mata kamuwa da cututtuka.
“Kawai ku wanke da ruwa na yau da kullun, kuma ba kwa buƙatar wanke shi da kowane abu.
Amma idan mace ta gano tana da matsala a farji, irin wannan mutum zai buƙaci ya tuntuɓi likita wanda zai tabbatar da cewa an yi duk wani bincike da magani da ake bukata don magance duk wata cuta da ke cikinta.”
Daga cikin matsalolin da iyaye mata ke fuskanta yayin naƙuda wadda ke hana su tafiya bayan haihuwa saboda raunin ƙafafu akwai matsalar nan da ake cewa “Maternal Obstetric Palsy” a turancin likita.
Wannan matsala na faruwa ne yayin naƙuda a lokacin da kan jariri ya sauƙo zuwa ƙugun uwa. Tsawaitar naƙuda ko kuma tangarɗar naƙudar kan sa kan jariri ya danne gungun jijiyoyin laka da suka sauƙo zuwa ƙugu da ƙafafu da ake cewa “lumbosacral plexus” a yaren likita.
Duk da cewa wannan matsala tana iya shafar ƙafafu biyu a lokaci guda, amma ta fi shafar ƙafa ɗaya.
Iyaye mata da suke da haɗarin samun wannan matsala sun haɗa da:
1] Gajeru; saboda ƙuncin ƙugu.
2] Naƙuda da haihuwar jaririn da kansa ya wuce matsakaicin girma, wato girman kan jaririn ya fi faɗin mafitar ƙugun.
3] Nawa ko tsawaitar naƙuda fiye da yadda aka saba gani.
4] Uwayen da suka gaza haihuwa da kansu har sai da aka temaka musu da maƙatar ungozoma domin zaƙulo kan jaririn, wato “forcep delivery” a turance.
5] Juyewa ko karkacewar jariri yayin naƙuda da sauransu.
Alamun larurar sun haɗa da:
Waɗansu alamun suna bayyana tun a lokacin naƙuda, a yayin da wasu kuma kan bayyana bayan haihuwa.
KU KUMA KARANTA: Dalilan da ya sa maganin tazarar haihuwa ke haifar da illoli ga mata
1] Ciwo daga cinya zuwa tafin sawu.
2] Rashin jin daɗi a fatar ƙafar; kamar jin tafiyar kiyashi, jin dindiris, jin kamar ana tsira allura, ko kuma jin kamar jan wutar lantarki.
3] Shanyewar ko raunin ƙafafu da tafin sawu.
4] Ƙwacewar fitsari da da ko bahaya.
5] Matsalar saduwa da iyali, da dai sauransu.
Sai dai, sau da yawa a kan bar iyaye matan da suka haihu a kwance saboda sun kasa tashi sakamakon rashin ƙwarin ƙafafunsu ba tare da an ɗauki matakan da suka kamata ba.
A yayin da mace ta haihu, sannan aka lura ta kasa taka ƙafafunta a tuntuɓi likitan fisiyo domin ɗaukar matakan da suka kamata.
Daga Ibraheem El-Tafseer
A wannan rubutu da Aisha Salisu Babangida ta yi, a kan wannan matsala ta fara ne da cewa; Magungunan hana ɗaukar ciki sun zama muhimmin al’amari ga ma’aurata, musamman ma mata da ke amfani da su wajen ba da tazarar haihuwa da tsara rayuwar iyali.
Irin waɗannan magunguna, sun ƙunshi hanyoyi daban-daban, kama daga magungunan sha zuwa allurai da robar da ake sanya wa mata a dantsensu, da dai sauransu.
Da yawan mata na ganin fa’idar amfani da magungunan hana ɗaukar ciki, amma wasu sun ce sukan fuskanci matsaloli da dama da ke zuwa bayan amfani da su.
Waɗansu matsalolin da mata ke fuskanta sakamakon amfani da magungunan hana ɗaukar ciki kamar yadda Maryam da Faiza, wasu iyaye mata masu amfani da irin waɗannan magunguna suka shaida wa BBC, su ne; matsalolin al’ada da ƙarin ƙiba da amai.
KU KUMA KARANTA: Abincin Najeriya da masu neman haihuwa ya kamata su ci
Akwai ma ciwon Nono da ciwon kai da rage sha’awar jima’i da fitowar wani ruwa daga al’aura da dai sauransu.
Waɗannan matsaloli suna kuma haifar da rashin jituwa a tsakanin ma’aurata in ji su.
Wani kwamiti na ma’aikatar ilimi mai zurfi ta Afganistan ta ce yana kan shirin sake buɗe jami’o’i ga ɗalibai mata, kamar yadda kafafen yaɗa labarai na ƙasar suka ruwaito a ranar Litinin.
Kwamitin ya bayyana hakan ne a lokacin wani rahoto na shekara-shekara na ma’aikatar.
“Za mu raba shi da jama’a idan an kammala shirin,” in ji rahoton.
KU KUMA KARANTA: Taliban ta haramta wa matan Afganistan yin kayan kwalliya, da rufe waɗanda ake da su
Muƙaddashin ministan ilimi mai zurfi Lutfullah Khairkhwa ya ce har yanzu ba a bayyana lokacin kammala shirin ba.
Ya zuwa yanzu dai an hana mata shiga jami’o’i a ƙasar Afganistan.
Ma’aikatar Ilimi mai zurfi ta sanar da hana ilimin mata a watan Disamba 2022.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano