Labarai
Kamfanin wutar lantarki ta dawo da wuta a Sakkwato
Kamfanin wutar lantarki na Najeriya (TCN) ya dawo da wutar lantarki mai mai ƙarfi a jihar Sakkwato da karfe 6 na yammacin ranar Asabar 15 ga watan Satumba, kamar yadda wani jami’i ya tabbatar.
Mista Ndidi Mbah, Babban Manaja na Hulɗa da Jama’a (GM) ne ya bayyana hakan a cikin wata sanarwa da ya raba wa Kamfanin Dillancin Labarai na Najeriya (NAN) a Birnin Kebbi ranar Lahadi.
Ya ba da tabbacin cewa kamfanin yana aiki tuƙuru don faɗaɗa aikin a birnin Kebbi da sauran yankunan da bala’in gobarar Substation na Birnin Kebbi ya shafa wanda ya auku a daren Alhamis (14 ga Satumba).
“An dawo da kaso mafi tsoka na wutar lantarki a jihar Sokoto ta hanyar tashar Talata Mafara”.
KU KUMA KARANTA: Sakamakon Gobara: Hukumar wutar lantarki a Kebbi, ta yi asarar taransifoma na dala miliyan huɗu
“Tawagar injiniyoyinmu tare da Manajan Darakta/Shugaba da Babban Darakta, Mai Ba da Sabis (TSP), suna nan a wurin, suna yin iyakacin ƙoƙarin sake haɗa Kebbi da kewaye da grid ta wani tashar.
“Har ila yau, injiniyoyinmu suna aiki tuƙuru wajen jigilar kaya zuwa na’urorin wutar lantarki 150MVA da 60MVA a tashar, waɗanda gobarar ba ta shafe su ba.
“Bugu da ƙari, ana sake tsara igiyoyi, kuma ƙungiyoyin ƙarfafawa daga wasu yankuna na TCN sun isa tashar tare da kayan da ake buƙata don hanzarta aikin gyara,” in ji shi.
Babban Manajan ya tuna da jajircewar Manajan Darakta/Babban Jami’in Hukumar ta TCN, Dakta Sule Abdulaziz, wanda ya nuna matuƙar damuwarsa game da abin da ya faru a tashar ta Birnin Kebbi.
Abdulaziz ya yi alƙawarin tabbatar da dawo da wutar lantarki mai yawa a jihar Sakkwato ta tashar Talata Mafara da kuma haɗa kai da injiniyoyi domin ciyar da Kebbi na ɗan wani lokaci, tare da haɗa taransifoma mai ƙarfin 150MVA a matsayin mafita ta dindindin ga yawan wutar lantarki a yankin.
A cewarsa, TCN ta yaba da haƙuri da fahimtar gwamnati da al’ummar jihohin Sakkwato da Kebbi da kewaye.
“Mun himmatu sosai wajen hanzarta aikin a tashar don tabbatar da ingantaccen wutar lantarki a duk wuraren da abin ya shafa,” in ji shi.
Wani sabon gini mai hawa 2 ya rushe a Legas
Wani sabon bene mai hawa biyu a Jihar Legas, ya rushe yayin da ake tsaka da mamakon ruwan sama wanda ya haddasa ambaliya a wasu sassan jihar.
Ginin ya rushe ne a lamba 12 da ke yankin Cameroun kusa da Ewenla a Mushin.
Hukumar Bayar da Agajin Gaggawa ta jihar (LASEMA), ta bayyana cewar bayan isar jami’anta wajen da lamarin ya faru, ta gano wani sabon gini mai hawa biyu ya rushe.
An ceto mutum bakwai; mata uku da maza huɗu, tuni aka kai su asibiti domin duba lafiyarsu.
KU KUMA KARANTA: Wani bene mai hawa 4 ya rufta da mutane a Abuja
Ya zuwa yanzu dai hukumar, ta ce babu wanda ya mutu a dalilin rushewar ginin.
Babban sakataren LASEMA, Dokta Olufemi Damilola Oke-Osanyintolu, ya ce ana ci gaba da gudanar aikin ceto don tabbatar da babu wanda ya maƙale a baraguzai.
Wani jami’in EFCC ya hallaka kansa a Abuja
Rahotanni sun bayyana cewar wani jami’in Hukumar Yaƙi da Masu Yi Wa Tattalin Arziƙin Ƙasa Zagon Ƙasa (EFCC), ya hallaka kansa har lahira a Abuja.
An tsinci gawar marigayin ne a gidansa da ke babban birnin tarayya.
Marigayin, wanda ba a bayyana sunansa ba, an ce ya kasance ɗaya daga cikin waɗanda suka yi kwas na 5 a makarantar horas da masu yi wa ƙasa hidima ta hukumar yaƙi da cin hanci da rashawa.
An ruwaito cewar yana da ƙwazo da himma a wajen gudanar da ayyukansa.
Wata majiya ta ce jami’in ya jima yana fama da baƙin ciki da matsalolin rayuwa kafin mutuwarsa.
Kakakin EFCC, Dele Oyewale, ya shaida wa manema labarai cewa hukumar za ta binciki musababbin da ya sanya ya kashe kansa, kuma hukumar za ta taimaka wa iyalansa.
Oyewale, ya ƙara da cewa hukumar za ta binciki wasu abubuwa da suka haɗa da matsalar taɓin hankali da kuma matsalolin iyali waɗanda ka iya sanya ma’aikacin kashe kansa.
KU KUMA KARANTA: Ana zargin wani jami’in kwastam ya kashe kansa a Abuja
Sai dai ya ce hukumar ba za ta fitar da wata sanarwa ko kuma bayyana sunan jami’in ba, har sai an kammala bincike.
NAFDAC ta rufe shaguna 100 A Enugu
Hukumar Kula da Ingancin Abinci da Magunguna ta Ƙasa (NAFDAC), ta rufe shaguna kusan 100 a babbar kasuwar Ogbete ta Jihar Enugu, bisa zargin sayar da wasu abubuwan sha na jabu.
Daraktan NAFDAC, Martins Iluyomade a yankin Kudu maso Gabas, ya ce hukumar ta ɗauki matakin ne bayan wani samame da ta kai a ranar Litinin.
A yayin samamen jami’an hukumar NAFDAC, sun cafke wata babbar mota ɗauke da kayayyakin maye tare da cafke wasu ‘yan kasuwa huɗu da ake zargi da hannu wajen sayar da jabun abubuwan sha.
Iluyomade, wanda masanin haɗa magunguna ne, ya nanata cewa matakin ya zama dole domin kare masu amfani da ire-iren kayayyakin .
Ya ce waɗanda ake zargin a halin yanzu ana kan bincikensu kuma za su fuskanci tuhuma a gaban kotu bayan kammala binciken.
KU KUMA KARANTA: NAFDAC ta haramta amfani da maganin tari na yara na kamfanin J&J
Har wa yau, ya nanata ƙudurin NAFDAC na kawar da kayayyaki marasa inganci, da jabun abubuwan ci da sha, da gurɓatattun kayayyaki a kasuwa.
Ya ƙara da cewa, an gudanar da binciken ne tare da haɗin gwiwar hukumomin tsaro.
A gefe guda kuma, ya bayyana muhimmancin aikin hukumar na tabbatar da lafiyar al’umma.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano
Pingback: Wane hali ake ciki dangane da wutar lantarki a Birnin Kebbi? | Neptune Prime Hausa