Mutane sun gudanar da sallar jana’izar a wajen wani asibiti da ke tsakiyar Gaza ta mutum 28 da aka kashe a wasu hare-hare uku da Isra’ila ta kai kan sansanonin ‘yan gudun hijira na birane a daren jiya.
Hotunan da kamfanin dillancin labarai na AP ya fitar sun nuna yadda mutane cikin alhini ke addu’o’i a kan gawarwakin, waɗanda aka yi wa sutura da likkafani kafin a tafi da su zuwa maƙabarta a kan amalanken jakuna domin binne su.
