Ana zargin dogarin sarki Sanusi da dukan dattijuwar jakadiya (Bidiyo)

Ana zargin dogarin sarki Sanusi da dukan dattijuwar jakadiya (Bidiyo)

Jakadiya Talatu ta bayyana yadda wani Dogarin sarki dake gidan rumfa ya yi mata duka tare da cin zarafin ta da muzgunawa gare ta har takai da ya saɓa mata kammanin ta.

Talalu ta ce sunan dogarin ‘Me Ingila’ kuma haka kawai ya zo yana lakuce mata hanci tare da duka da hannu da ƙafa.

Cikin daren ranar juma’a ne dai aka ga bidiyon dattijuwar jakadiyar yana yawo wanda fuskanta ta kumbura saboda duka kuma ta bayyana yadda lamarin ya sameta.

Talatu dai Jakadiyace wadda Sarki Aminu Ado Bayero ya naɗa sai dai wasu na zargin me Ingila ya daki Talatu dan ganin kamar har yanzu tana goyon bayan sarki Aminu Ado wanda Gwamnatin jihar kano ta tsige.

Shi dai wannan dogari bisa bincike da yadda rahotanni suka bayyana wanda mutane ke magana akai sun ce bashi da kyakyawar mu’amala tare da rashin darajar mutane yadda aka shaide shi.

KU KUMA KARANTA: Gwamnan Jigawa ya kori Kwamishina kan zargin lalata da matar aure

Jakadiya Talatu tace takai ƙara wajen shugaban Ma’aikatan fadar sarkin, wato Shamaki sai dai yace mata zai mishi magana ya dena, inda tace bata gane hakan ba na cewa zai daina, ita kawai ayi masa hukuncin dan ba magana bace zai daina.

Talatu ta kasance abin zagi da kyama a wajen me Ingila tare da ƙiranta da Kirista ba musulma ba cewar Jakadiya Talatu har iƙirari yake zaiga gatanta.

Yanzu abun jira aji shine me mahukunta zasu fitar tare dajin ta bakin Dogari mai Ingila.

Kalli bidiyon a nan: