Ƙasashen Waje
Nijar ta gaza biyan bashin da ya kai dala miliyan ɗari biyar – WAEMU
Jamhuriyar Nijar ta gaza biyan bashin fiye da dala miliyan ɗari biyar tun da sojoji suka kifar da gwamnatin farar-hula a watan Yulin da ya gabata, a cewar ƙungiyar da ke sa ido kan kuɗaɗen yankin Yammacin Afirka.
Umoa-titres, wadda ke lura da Harkokin Kuɗi na Ƙungiyar Ƙasashen Yammacin Afirka (WAEMU), ta wallafa sanarwa guda takwas tun farkon wannan shekara da ke jan hankalin masu zuba jari cewa Nijar ta “gaza cika alƙawuran da ta ɗauka na kasuwar hada-hadar kuɗi ta Gwamnati”.
Ta ce ana bin ƙasar bashin da ya kai CFA biliyan 313 ($515m) tun da sojoji suka ƙwace mulki a watan Yuli wanda ya kamata ta biya ranar 16 ga watan Fabrairu.
“Ya kamata a sani cewa wannan batu na gaza biyan bashi ya faru ne a lokacin da shugabannin ƙasashe da gwamnatoci na ƙungiyar da ke lura da Harkokin Kuɗi na Ƙasashen Yammacin Afirka suka sanya wa Nijar takunkumai kan harkokin kuɗi,” kama yadda Umoa-titres ta bayyana ranar Litinin.
Umoa-titres ce ke da alhakin gudanarwa da tallata harkokin kuɗi na Yammacin Afirka, waɗanda suka haɗa ƙasashe takwas da ke amfani da CFA franc a matsayin kuɗinsu — Ivory Coast, Senegal, Togo, Burkina Faso, Mali, Guinea-Bissau, Nijar da Benin.
KU KUMA KARANTA: Za mu ci gaba da tattaunawa da Nijar domin samun maslaha – ECOWAS
A makon jiya, cibiyar Moody’s da ke auna ƙarfin iya biyan bashin ƙasashe da tattalin arzikinsu ta rage matsayin Nijar na iya biyan bashi daga matakin Caa2 zuwa Caa3 karo na uku a jere tun da sojoji suka yi juyin mulki.
“Takunkuman da aka sanya wa ƙasar tun ƙarshen watan Yulin 2023 sakamakon juyin mulkin da sojoji suka yi sun ta’azzara mawuyacin hali na tattalin arziki sannan sun yi tarnaƙi ga gwamnati wajen iya biyan bashi,” a cewar cibiyar.
Harin ta’addanci ya kashe sama da mutane 20 a Mali
Wani hari da ake kyautata zaton masu ikirarin jihadi ne suka kai ƙauyen Djiguibombo da ke kusa da garin Bandiagara a yankin tsakiyar ƙasar Mali, ya yi sanadiyar mutuwar fararen hula 20, kamar yadda wasu hukumomin yankin biyu suka tabbatar.
Majiyoyin da suka nemi a sakaya sunansu sun tabbatar da mutuwar mutane 20, sannan suka ce yadda lamuran tsaro suka taɓarɓare a yankin, ya hana jami’an tsaro kai ɗauki wajen.
Wani jagoran matasan yankin shi ma da ya nemi a sakaya sunansa, ya ce tun a farkon daren ranar Litinin ɗin data gabata ne maharan suka kai farmakin, inda suka kwashe tsawon sa’oi uku a cikin garin.
KU KUMA KARANTA: Isra’ila ta kashe ‘yan jarida 106 a yakin da take yi a Gaza — Jami’ai
Ya ce sama da mutane 20 ne aka kashe a harin, kuma fiye da rabinsu matasa ne inda aka ranke musu harsuna.
Kasar Mali dai na fama da matsalolin tsaro na ƙungiyar Al-Qaeda da kuma na IS tun a shekarar 2012, inda ya bazu kasashen Burkina Faso da Nijar da ke makwabtaka da ita.
Tun bayan ƙwace mulki da sojoji suka yi a kasar a shekarar 2020, hukumomi ke jin tsoron fitowa fili su sanar da labarin hare-haren ta’addancin da ake kai wa kasar da ke Yammacin Afrika.
A shirye muke mu yaƙi Hizbollah idan har ta kama – Ministan Tsaron Isra’ila
Ministan Tsaron Isra’ila Yoav Gallant ya ce sojojin Isra’ila za su kasance a shirye don daukar duk wani matakin da ya dace kan ƙungiyar Hizbullah ta ƙasar Labanon, ko da yake abin da ake so shi ne cimma matsaya ta shawarwari.
Muna kai wa ƙungiyar Hizbullah hari sosai a kowace rana kuma za mu kai ga cikakken shiri na ɗaukar duk wani mataki da ake buƙata a ƙasar Labanon, ko kuma cimma wani shiri daga matsayi mai ƙarfi.
KU KUMA KARANTA: Gaza ya zama gidan marayu kuma maƙabartar yara mafi girma a duniya – Emine Erdogan
Mun fi son tsari, amma idan aka kai mu maƙura za mu san yadda za mu yi yaƙi,” an ruwaito Gallant a wata sanarwa da ofishinsa ya fitar.
Ƙasashen Waje
Mutum 12 ne suka mutu, 20 suka jikkata a wani hari da aka kai wata kasuwa a Yammacin Sudan
Mutum 12 ne suka mutu, 20 suka jikkata a wani hari da aka kai wata kasuwa a Yammacin Sudan
Aƙalla mutum 12 ne suka mutu yayin da wasu 20 suka jikkata a jiya Laraba a wani hari da aka kai kan wata kasuwar dabbobi da ke El Fasher, babban birnin jihar Darfur ta Arewa a Yammacin Sudan.
A wata sanarwa da kwamitin sulhu na kwamitocin ‘yan gwagwarmaya na El Fasher ya fitar ya ce “harbin bindigogi a kasuwar dabbobi da ke birnin El Fasher ya yi sanadin mutuwar fararen hula 12 da kuma wasu 20 da suka samu raunuka daban-daban.”
Tun da fari a ranar Larabar da safe, kwamitocin ‘yan gwagwarmaya sun ce dakarun Rapid Support Forces (RSF) sun kai mummunan hari El Fasher da manyan bindigogi.
Tun a ranar 10 ga Mayu, aka fara ƙazamin fada tsakanin sojojin Sudan da RSF a El Fasher. Majalisar Dinkin Duniya da ƙungiyoyin agaji na ƙasa da ƙasa ke amfani da birnin a matsayin cibiyar ayyukan jinƙai ga yankin Darfur.
Rikicin Sudan ya ɓarke ne a cikin watan Afrilun 2023 tsakanin Janar Abdel Fattah al-Burhan da kwamandan RSF Mohamed Hamdan Dagalo kan yarjejeniyar shigar da RSF cikin rundunar soja.
KU KUMA KARANTA: Adadin mutanen da suka rasa muhalli a sassan duniya ya zarta miliyan 114 — MƊD
Ya yi sanadin mutuwar mutum sama da 16,000, da raba kusan mutum miliyan 10 da muhallansu, sannan sama da miliyan 25 na buƙatar agajin jinƙai, lamarin da ya zama mafi girma a duniya ta ɓangaren matsalar rashin matsuguni da yunwa, a cewar MƊD.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano