Wani masanin kimiya ɗan Najeriya, Dr Sulaiman Sadi Ibrahim, ya lashe lambar yabo ta Wellcome Trust Career Development Award na ƙasar Burtaniya da darajarsa ta kai fam 969,680.
Ibrahim, wanda abokin aikin Wellcome Trust ne tsakanin shekarar 2017-2019, ya zama ɗan Najeriya na farko da ya samu wannan lambar yabo saboda cikakkiyar dakin gwaje-gwajen kwayoyin halitta da ya ƙirkiro a jami’ar gwamnati da ke arewacin Najeriya.
Kuɗaɗen, wanda ya kai kimanin Naira miliyan 500, za a gudanar da wani aiki na tsawon shekaru takwas don inganta ayyukan more rayuwa a Najeriya; da kuma tallafawa duka ɗaliban digiri da na gaba da digiri na farko.
Ibrahim, wanda yake koyarwa a Jami’ar Bayero Kano, ɗan asalin garin Getso ne, a ƙaramar hukumar Gwarzo ta jihar Kano. A cikin wani saƙon da ya yi a gidan yanar gizon Cibiyar Bincike kan Cututtuka (CRID), Ibrahim ya ce game da karatunsa na Ph.D, “Bincikensa ya karkata ɓangaren rawar jiki da bambancin ƙwayoyin halittar juriya, cytochrome P450s daga babban cutar zazzabin cizon sauro An. funestus a kan juriya na maganin kwari a fadin Afirka, kamar yadda jaridar Daily trust ta rawaito.
