Ana zargin Trump da sace Almakashi na zinare a ziyarar da ya kai na bude gidan tarihi na Roosevelt
Wani labari mai ban mamaki da ya bazu a shafukan sada zumunta da kafafen yada labarai na ‘Plus News’ ya nuna yadda Shugaba Donald Trump ya yi ziyarar bude gidan tarihi da dakin karatu na tsohon shugaban Amurka Theodore Roosevelt a birnin Washington.
A cikin bidiyon da aka yada, ana ganin Trump yana kewaye da wani akwati mai dauke da kayan tarihi, inda a ciki akwai wani almajashi na zinare da aka yi wa ado da duwatsu masu daraja.
Ku kuma karanta: Muna kare ku daga Rasha, amma kun ƙi taimaka mana kan Iran – Trump ga Turai
A cewar rahoton, shugaban ya nuna sha’awarsa ga wannan almajashi, kuma bayan fita daga dakin, an gano cewa almajashin ya bace!Masu kula da gidan tarihin sun ce ba su da wani bayani kan inda almajashin yake, amma wasu majiyoyi na cikin fadar White House sun ce shugaban ya dauki almakashin a matsayin ‘kyautar tunawa’ da ziyararsa.
Ronaldo zai yi bankwana da taka leda
Sai dai shugaban ya musanta hakan ta hanyar wani sakon da ya wallafa a shafinsa na Truth Social, inda ya ce “Labarin karya ne na ‘Plus News’, waɗanda suke son lalata min suna. Ban taɓa ɗaukar komai ba, kuma ko da na so, to zan iya sayan almajashin da ya fi wannan kyau!”Duk da musnatar da shugaban ya yi, amma labarin ya ci gaba da zama abin tattaunawa ya a kafafen yada labarai, inda wasu manazarta suka ce wannan ba shi ne karon farko da ake zargin Trump da daukar abubuwan da ya gani a gidajen tarihi ba. Har yanzu dai bincike na ci gaba kan lamarin.
