Ɓarawon da kotu ta ɗaure saboda sata ya kuma yin sata jim kaɗan bayan da aka sako shi

An kama wani tsohon mai laifi, Yakub Yusuf, mai shekaru 23, bayan an sako shi daga gidan yari.

A cewar wata sanarwa da mai magana da yawun rundunar ‘yan sandan jihar Legas, Benjamin Hundeyin ya fitar a ranar Alhamis, ‘yan sandan karta kwanan ta rundunar RRS ne suka kama Yusuf a safiyar ranar Asabar, bayan an sake shi daga gidan yari a ranar Juma’a. Hakan ya faru ne bayan wata ƙungiya mai zaman kanta ta biya tarar da kotu ta aza masa bayan da aka same shi da laifin sata a gidan wani mai na jihar Legas, da ke Alausa a ranar 1 ga watan Nuwamba.

A ranar Asabar ne aka sake kama Yusuf bayan ya kutsa cikin harabar hukumar kashe gobara ta jihar Legas. A wannan karon, ya saci murfin bawul na tsohuwar motar kashe gobara a wanda ake kan aikin gyaransu.