Kannywood
Kuyi min addu’a aurena na 6 na ƙoƙarin rugujewa-Adam A. Zango
Adam A. Zango, fitaccen furodusa kuma jarumi a masana’artar fim ta Kannywood wanda aka haifa a ranar 1 ga Oktoba, 1985 a unguwar Zango ta jihar Kaduna, iyayensa su ne Abdulahi Zango da Yelwa Abdullahi, bayan makarantar Islamiyya, Zango bai ci gaba da karatunsa ba sai dai ya koma Kano a matsayin ɗan rawa, kuma mawaƙi.
Adam a lokacin da ya ke sana’ar sa ya samu nasara har ya tafi da zuciyar fitattun jarumai mata a masana’antar Kannywood tare da alkawarin zai aure su, amma sai ya barsu, yaje ya auri wasu.Fitattun matan sun haɗa da Nafisa Abdullahi, Maryam Booth, Zainab Indomie, da dai sauransu. Akwai Fati AB Yola wadda ya aura amma daga baya ya rabu da ita, tun daga nan ake kiransa da mayaudari, ko kuma mai auri saki, ma’ana kullum yana aure kuma yana sakin aure.
KU KUMA KARANTA: Adam A Zango, jarumin mu na wannan makon
Lokacin da ya kori matarsa ta 5 zai auri Safiya Chalawa daga jihar Kebbi, iyayenta sun nemi yayi alqawari cewa ba zai taɓa sakin ɗiyarsu ba wanda ya amince, kuma aka ɗaura auren, yanzu sun haifi ɗiya mace kyakkyawa, gaba ɗaya Adam Zango yana da ‘ya’ya 6 duk daga uwaye 6 daban-daban.
A jiya ya fitar da wani faifan bidiyo a dandalin sada zumunta yana bayyana ɓacin ransa kuma yayin da zai sake rabuwa da matarsa ta 6,Safiya Chalawa. “Na bude mata kasuwanci a kafafen sada zumunta, kuma tana samun kuɗi sosai, amma daga baya na gano cewa tana cikin ƙungiyoyi da dama da suka hada da ‘Uwar Adashe’, ma’ana yanzu ita ce shugabar wata ƙungiya da ake adashin kuɗi ba tare da izinina ba, tana kuma yaɗa hotunanta a dandalin sada zumunta ciki harda hotunan da babu cikekken sutura.
Na dakatar da ita amma ta ƙi, a yanzu haka da nake magana bata gidana har na tsahon watanni uku.” Na tura yan uwana wajen yan uwa ta don su tattauna sharaɗina guda 3. Ɗaya, ta dena saka hotunanta a kafafen sada zumunta, na biyu ta bani wayar dana bata domin in siyo mata wata, wacce bata da lambobin mutane, kuma daga ƙarshe zan chanza mata gidan da za ta zauna a ciki saboda ba ta jituwa da ‘yanuwana da yarana, amma ta ƙi amincewa da sharudɗan.
Shahararren jarumin na kannywood ya ƙara da cewa ya riga yayi mummunan suna a masana’antar amma yana yin wannan bayanin ne domin mutane su riƙa yi masa addu’a domin a duk lokacin da zai ɗauki mataki mai tsauri a kan matarsa yana shiga cikin damuwa, tunanin mai mutane za suce sai yasa na kasa ɗaukan mataki.
Yanzu haka, ina tunanin ɗaukan hukunci dindindin, ba na alfahari da abin da ke faruwa a rayuwarsa, amma ba shi da wani zaɓi da ya wuce ya fito fili ya bayyana abin da ke faruwa game da iyalinsa.
A kwanakin baya ne dai fitattun jaruman kannywood da jaruman fina-finan Hausa suka yi aure, wanda ya haɗa da Halima Atete, Rukayya Dawaiyya, Hafsat Idris da Ummi Rahab da ta zauna a gidan Zango a baya a kan cewa za ta aure shi, amma ta auri Lilian Baba -Mawaƙin hip hop, lamarin da ya tayarwa da Adam Zango hankali, saboda soyayyar da yake mata.
Bayan ce-ce-ku-ce, Hukumar Hisbah ta jihar Kano ta sake zama da daraktoci da furdusoshi da jarumai da sauran masu ruwa da tsaki a Kannywood don tsaftace harkar fim da nufin kau da ayyukan baɗala a jihar.
A jawabansu daban-daban, Shugaban Ƙungiyar MOPPAN ta Ƙasa Dokta Ahmad Sarari da takwaransa na Jihar Kano Ado Ahmad Gidan Dabino da Shugaban Ƙungiyar Jarumai Alasan Kwalle sun nuna jin daɗinsu game da taron inda suka sha alwashin ba wa Hisbah goyon baya tare da alkawarin cewa nan gaba za a samu gyara a harkar fim ɗin.
Wannan shi ya kawo ƙarshen ce-ce ku-cen da aka yi ta yi game da ganawar Hukumar da ’yan fim na farko, wanda mafi yawansu suka ƙaurace wa bisa hujjar cewa Hisbar ba ta bi hanyar da ta dace wajen gayyatar su ba.
KU KUMA KARANTA: ’Yan Kannywood da dama sun ƙaurace wa taron da Hisbah ta gayyata a Kano
Hukumar ta sake miƙa musu goron gayyata a karo na biyu wanda suka amsa a ƙarƙashin jagorancin ɗan gidansu wato Shugaban Hukumar Tace Finafinai da Dab’i ta Jihar Kano Abba Almustapha.
Kwamanda-Janar na Hukumar Hisbah Shaikh Aminu Ibrahim Daurawa ya bayyana cewa ƙorafe-ƙorafe da suke yawan samu daga Kanawa da sauran sassan Najeriya kan yadda ’yan fim ke nuna abubuwan da suka saɓa wa addinin Musulunci da al’adun Hausawa a cikin finafinansu ya sa suka ga dacewar zama da masu ruwa da tsaki a harkar fim don laluɓo hanyoyin kawo gyara a cikin harkar.
“Ita Hukumar Hisbah an kafa ta ne don ta saita al’umma a kan koyarwar addinin tare da yi musu katanga daga aikata munanan ayyuka.
“Muna so a laluɓo hanyoyin da za a rage nuna abubuwa da suke na tir tare da ci gaba da nuna abubuwa da za su dabbaka addinin da kyawawan koyarwar al’adun Hausawa a harkar fim,” in ji Daurawa.
A nasa ɓangaren, Abba Almustapha ya bayyana cewa tuni ’yan fim din suka amince za su zama masu bin doka.
Abba Almustapha ya jaddada cewa nan ba da dadewa ba hukumomin biyu za su shirya taron ƙara wa juna sani da ’yayan Kannywood don ilimintar da su kan abin da ya shafi fim ta fuskar addinin Musulunci inda za a gayyato fitattun malaman Musulunci don tattauna tare da laluɓo hanyoyin da za a kai harkar fim ɗin ga tudun mun tsira.
Kamar yadda Neptune Hausa ta kawo labarin cewa shahararren ɗan wasan Nijeriya Ahmed Musa MON ya yi alƙawarin sayawa Baba Karkuzu gida a yau Talata, alƙawari ya cika.
Alhamdulillah an sayi gida an kuma karɓi takardun gidan.
Kamar yadda kuke gani a hoto Baba Karkuzu ne riƙe da Jessy ɗin Ahmad Musa tare da takardan gidan shi cikin farin ciki da godiyar Allah (T).
Jarumin Kannywood, Karkuzu ya makance, yana kukan neman taimako
Ga waɗanda suka taimaka, Baba yace a isar masa da godiya a gare su, Ubangiji Allah ya sakawa kowa da alkhairi, Allah ya biyawa kowa buƙatar shi, wanda suka taimaka kuɗi da wanda suka taimaka da addu’a.
Dukkan mu Allah ya sakawa kowa da gidan Aljannah, Allah ya dube mu lokacin da muke cikin tsanani, Allah ya suturta mu da suturar shi mara yankewa, Allah ya rufa mana asirin mu. Ameen ya Allah.
Fitaccen jarumin Kannywood, Abdullahi Shuaibu wanda aka fi sani da Karkuzu ya makance kuma yana fama da rashin lafiya.
Jarumin, wanda aka yaɗa bidiyonsa a shafukan sada zumunta, ya nemi taimakon kuɗi, inda ya bayyana cewa ya yi rashin lafiya tun watan Disambar 2020.
Shuaibu ya fara fitowa a masana’antar nishaɗantarwa ta Hausa a shekarun 1980 tare da shahararriyar wasan kwaikwayo mai suna Karkuzu na Bodara wanda ya sanya ake masa laƙabi da Karkuzu.
A zantawarsa da wannan jarida bayan faifan bidiyo, Karkuzu ya ce, “Yanzu na makance kamar yadda nake magana da ku. Ina matuƙar buƙatar taimakon kuɗi. Ba ni da abincin da zan ci da ciyar da iyalina.
KU KUMA KARANTA: Yadda mutuwar Alhaji Mala na shirin ‘Daɗin Kowa’ ta jijjiga Kannywood
“Gidan da nake zaune yanzu za a sayar. Idan sun sayar da wannan gidan, ban san inda zan dosa ba. Don haka ne nake neman taimako daga ‘yan Najeriya da su kawo min agaji.
A ƙalla ‘yan Najeriya su taimaka min sayan wannan gidan da nake zaune.”
Dangane da makanta, ya ce, “An min aiki sau biyu, amma a ƙarshe likitoci sun ce glaucoma ce, kuma ba zan sake gani ba. Na yarda da hakan a matsayin makoma ta. Amma ya kamata ‘yan Nijeriya su taimake ni. Kawo min gidan nan, da abinci.”
Masana’antar Kannywood na da ƙungiyoyi da dama, amma akwai zargin cewa ‘yan wasan kwaikwayo da dama ba sa kula da su idan ba su da lafiya kuma suna buƙatar taimako.
Zuwa haɗa wannan rahoto, ɗan wasan ƙwallon ƙafa na Najeriya Ahmad Musa ya ba shi kyautar naira dubu ɗari biyar, sannan ya ce a nemo gida na naira miliyan biyar zai saya masa.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano
Pingback: Abin da yasa ban yada Atiku akan tayin Naira miliyan 150 ba – Sarkin waƙa | Neptune Prime Hausa
Pingback: Fitaccen ɗan fim, Adam A. Zango ya saki matarsa Safiya | Neptune Prime Hausa