Ƙasar Sri Lanka ta zaɓi sabon shugaban ƙasa

Kasar Sri Lanka ta zabi sabon shugaban kasa, to amma me zai faru da tsohon shugaban ƙasar, Gotabaya Rajapaksa?

Shugaba Rajapaksa ya tsere daga ƙasarsa ta haihuwa zuwa Maldives a ranar 13 ga watan Yuli sannan daga baya ya hau jirgi zuwa Singapore, kuma daga can ne ya sanar da murabus dinsa.

Sai dai ba a san ko zai ci gaba da zama a can ba.

KU KUMA KARANTA: Sri Lanka: Masu zanga-zanga sun mamaye fada har sai shugabanni sun sauka

Ministan harkokin wajen Singapore ya ce Rajapaksa ya shiga ƙasar a wata ziyara ta dan wucin-gadi, amma wani jami’i a gwamnatin Sri Lanka ya ce zai koma kasar nan gaba.

Sai dai wata ƙungiyar kare haƙkin jama’a ta shigar da korafin kan tsohon shugaban ƙasar a ofishin babban attoni janar na ƙasar kan aikata laifin ta’addanci, inda take son a kama shi saboda rawar da ya taka a yaƙin basasar Sri Lanka.

Wasu rahotanni sun nuna cewa zai iya tafiya Saudiyya ko Hadaddiyar Daular Larabawa.