Connect with us

Labarai

Yau Hisbah za ta yi zama da ’yan Kannywood

Published

on

A yau litinin ne Hukumar Hisbah ta jihar Kano za ta yi zamanta da ’yan Kannywood da ta gayyata zuwa ofishinta.

Gayyatar da Hisba ta yi wa daraktoci da jarumai da furodusoshi ya tayar da ƙura, inda wasu daga cikin ’yan masana’antar suka bayyana takaici bisa abin da suka ƙira ƙaskanci a yadda suka ji sanarwar gayyatar Hisbar ta gidan rediyo.

Sai dai wata majiya a Hukumar Hisbah ta jihar Kano, wadda ta ce ba da ta izinin yin magana a hukumance, ta tabbatar wa Aminiya cewa hukumar ta aike wa ’yan Kannywood takardar gayyata zuwa zaman da ta shirya yi da su.

Wakilinmu ya nemi jin ta bakin Babban Kwamandan Hukumar, Sheikh Aminu Ibrahim Daurawa game da batun, amma ya shaida masa cewa yau za su yi zama da ’yan masana’antar ta Kannywood da aka gayyata.

KU KUMA KARANTA: Bayan ganawa da ’yan TikTok, Hisbah ta gayyaci ’yan Kannywood

Gayyatar wadda hukumar Hisbah ta ce ba ta shafi mawaka ba ne, ta zo ne bayan a makon jiya hukumar ta yi wani zama da ’yan TikTok a shirinta na ganin sun daina yaɗa abubuwa marasa kan gado da suke yi a soshiyal midiya.

A yayin zaman na Hisbah da ’yan TikTok, ta gabatar musu da tayin ɗaukar nauyin karatu ko aure ga masu buƙata a cikinsu, ko ma ta ba su jari.

Wannan na daga cikin shirin da hukumar ta ƙaddamar da sunan Operation Kawar da Baɗala, da nufin kawar da ayyukan assha.

In zaku tuna, Neptune Hausa ta kawo muku rahoton cewa, Shugaban ƙungiyar ’yan Kannywood, Alhassan Kwalle, ya ce ba su ji daɗin gayyatar ba, kasancewa ba ta zo musu ta hannun ƙungiyarsu ko ta hannun hukumar tace fina-finai ta jihar ba.

Ahassan Kwalle ya ce ba karon farko ke nan da ƙungiyar za ta yi zama da Hisbah, kuma ba da wannan sigar ta saba gayyatar su ba.

Ya ce a shirye suke su amsa ƙiran da hukumar ta yi musu, inda ya bayyana bukatar ta gyara kuskuren da ta yi.

Click to comment

Leave a Reply

Your email address will not be published. Required fields are marked *

Al'ajabi

Wani sabon gini mai hawa 2 ya rushe a Legas

Published

on

Wani sabon gini mai hawa 2 ya rushe a Legas

Wani sabon gini mai hawa 2 ya rushe a Legas

Wani sabon bene mai hawa biyu a Jihar Legas, ya rushe yayin da ake tsaka da mamakon ruwan sama wanda ya haddasa ambaliya a wasu sassan jihar.

Ginin ya rushe ne a lamba 12 da ke yankin Cameroun kusa da Ewenla a Mushin.

Hukumar Bayar da Agajin Gaggawa ta jihar (LASEMA), ta bayyana cewar bayan isar jami’anta wajen da lamarin ya faru, ta gano wani sabon gini mai hawa biyu ya rushe.

An ceto mutum bakwai; mata uku da maza huɗu, tuni aka kai su asibiti domin duba lafiyarsu.

KU KUMA KARANTA: Wani bene mai hawa 4 ya rufta da mutane a Abuja

Ya zuwa yanzu dai hukumar, ta ce babu wanda ya mutu a dalilin rushewar ginin.

Babban sakataren LASEMA, Dokta Olufemi Damilola Oke-Osanyintolu, ya ce ana ci gaba da gudanar aikin ceto don tabbatar da babu wanda ya maƙale a baraguzai.

Continue Reading

Labarai

Wani jami’in EFCC ya hallaka kansa a Abuja

Published

on

Wani jami’in EFCC ya hallaka kansa a Abuja

Wani jami’in EFCC ya hallaka kansa a Abuja

Rahotanni sun bayyana cewar wani jami’in Hukumar Yaƙi da Masu Yi Wa Tattalin Arziƙin Ƙasa Zagon Ƙasa (EFCC), ya hallaka kansa har lahira a Abuja.

An tsinci gawar marigayin ne a gidansa da ke babban birnin tarayya.

Marigayin, wanda ba a bayyana sunansa ba, an ce ya kasance ɗaya daga cikin waɗanda suka yi kwas na 5 a makarantar horas da masu yi wa ƙasa hidima ta hukumar yaƙi da cin hanci da rashawa.

An ruwaito cewar yana da ƙwazo da himma a wajen gudanar da ayyukansa.

Wata majiya ta ce jami’in ya jima yana fama da baƙin ciki da matsalolin rayuwa kafin mutuwarsa.

Kakakin EFCC, Dele Oyewale, ya shaida wa manema labarai cewa hukumar za ta binciki musababbin da ya sanya ya kashe kansa, kuma hukumar za ta taimaka wa iyalansa.

Oyewale, ya ƙara da cewa hukumar za ta binciki wasu abubuwa da suka haɗa da matsalar taɓin hankali da kuma matsalolin iyali waɗanda ka iya sanya ma’aikacin kashe kansa.

KU KUMA KARANTA: Ana zargin wani jami’in kwastam ya kashe kansa a Abuja

Sai dai ya ce hukumar ba za ta fitar da wata sanarwa ko kuma bayyana sunan jami’in ba, har sai an kammala bincike.

Continue Reading

Labarai

NAFDAC ta rufe shaguna 100 A Enugu

Published

on

NAFDAC ta rufe shaguna 100 A Enugu

NAFDAC ta rufe shaguna 100 A Enugu

Hukumar Kula da Ingancin Abinci da Magunguna ta Ƙasa (NAFDAC), ta rufe shaguna kusan 100 a babbar kasuwar Ogbete ta Jihar Enugu, bisa zargin sayar da wasu abubuwan sha na jabu.

Daraktan NAFDAC, Martins Iluyomade a yankin Kudu maso Gabas, ya ce hukumar ta ɗauki matakin ne bayan wani samame da ta kai a ranar Litinin.

A yayin samamen jami’an hukumar NAFDAC, sun cafke wata babbar mota ɗauke da kayayyakin maye tare da cafke wasu ‘yan kasuwa huɗu da ake zargi da hannu wajen sayar da jabun abubuwan sha.

Iluyomade, wanda masanin haɗa magunguna ne, ya nanata cewa matakin ya zama dole domin kare masu amfani da ire-iren kayayyakin .

Ya ce waɗanda ake zargin a halin yanzu ana kan bincikensu kuma za su fuskanci tuhuma a gaban kotu bayan kammala binciken.

KU KUMA KARANTA: NAFDAC ta haramta amfani da maganin tari na yara na kamfanin J&J

Har wa yau, ya nanata ƙudurin NAFDAC na kawar da kayayyaki marasa inganci, da jabun abubuwan ci da sha, da gurɓatattun kayayyaki a kasuwa.

Ya ƙara da cewa, an gudanar da binciken ne tare da haɗin gwiwar hukumomin tsaro.

A gefe guda kuma, ya bayyana muhimmancin aikin hukumar na tabbatar da lafiyar al’umma.

Continue Reading

GOCOP ACCREDITED MEMBER

You May Like