Yara miliyan 2.2 a Jamus na cikin haɗarin talauci

Jamus ta sanar da cewa kusan yara miliyan 2.2 na Jamusawa da matasa ‘yan ƙasa da shekaru 18 na fuskantar barazanar talauci a shekara ta 2022, wanda ya yi daidai da haɗarin kashi 14.8 cikin ɗari.

Hukumar Ƙididdiga ta Tarayya a ranar Laraba ta bayar da rahoton cewa, yadda yara da matasa ke fuskantar barazanar talauci, ya danganta ne da ilimin iyayensu, da dai sauransu.

A cewar hukumar, haɗarin da ke tattare da yaran da iyayensu ke da ƙarancin ilimi, kamar takardar shaidar kammala sakandare a matsayin mafi girman cancantar su ya kai kashi 37.6 cikin 100 a shekarar 2022.

KU KUMA KARANTA: A mai da hankali a Noma don rage Talauci da Yunwa – Obasanjo

Saɓanin haka, kawai kashi 14.5 cikin 100 na ƙasa da 18 tare da iyayen da ke da matsakaicin matakin ilimi suna cikin haɗarin talauci.

Wannan rukunin ya haɗa da iyaye masu cancantar ilimi kamar kammala karatun sana’a ko jarrabawar sakandare. Kashi 6.7 cikin 100 na yaran da iyayensu suka sami ilimi mai zurfi kamar digiri na jami’a – suna cikin haɗarin talauci.

Ana ɗaukar wani a cikin haɗarin talauci yayin da yake da ƙasa da kashi 60 cikin ɗari na matsakaicin kuɗin shiga na yawan jama’a.

A cikin 2022, wannan adadi ya kasance € 1,250 ($ 1,384) net a kowane wata ga mutumin da ke zaune shi kaɗai a Jamus da kuma € 2,625 net kowane wata ga manya biyu masu yara biyu ‘yan ƙasa da shekara 14.