‘Yan ta’adda sun yi garkuwa da mutane 50 daga garin Kuchi da ke ƙaramar hukumar Munya, a jihar Neja. Kamar yadda mai magana da yawun ƙungiyar ‘Concerned Shiroro Youths’ na jihar Neja, Sani Kokki, ya bayyana haka a wata sanarwa da ya raba, an ce an yi garkuwa da mutanen ne a lokacin da aka kai ruwa da karfe 2 na safiyar ranar Juma’a.
“Tabbatattun rahotannin da ke fitowa sun nuna cewa ‘yan ta’adda da yawa sun mamaye garin da tsakar dare wanda ya yi sanadin sace mutane da yawa,” in ji Kokki. Ya ce ‘yan ta’addan sun riƙa bi gida-gida suna ɗiban mutane lokacin da ake ruwan sama.
“Sanarwar ta ƙara da cewa, da misalin ƙarfe 2 na tsakar dare ne suka mamaye garin a lokacin da ake ruwan sama, inda nan take suka ƙaddamar da aikin gida-gida tare da tattara waɗanda abin ya shafa domin ci gaba da tafiya cikin yankin nasu.
Ya bada adadin waɗanda aka sace su 50. Kokki ya ce “Kodayake a halin yanzu, babu wani rahoton asarar rayuka, an ƙiyasta adadin mutanen da aka sace ya kai 50.” Kokki ya kuma bayyana cewa, ‘yan ta’addan da waɗanda suka mutu, sun maƙale ne a wani kogi da ya mamaye sakamakon ruwan sama kamar da bakin kwarya.
“Duk da haka, ‘yan ta’addan tare da wadanda suka yi garkuwa da su an ba da rahoton cewa sun maƙale ne ba tare da samun damar ci gaba da tafiyarsu ba sakamakon wani kogin Dangunu da ke kusa da ya mamaye gaɓarsa da ke tasowa daga mamakon ruwan sama.”
Da aka tuntubi kwamishinan tsaro na cikin gida da ayyukan jin ƙai na jihar, Emmanuel Umar, ya tabbatar da sace mutanen, ya ƙara da cewa jami’an tsaro sun mayar da martani. “Jami’an tsaro sun mayar da martani tun da misalin karfe 5 na safe kuma muna jiran rahoton,” inji shi.
Da aka tambaye shi adadin mutanen da aka sace, Umar ya bayyana cewa ba za a iya tantance adadin ba saboda da yawa daga cikin mazauna garin sun tsere zuwa tsira. “Ba za a iya tantance adadin wadanda aka sace ba a halin yanzu saboda da yawa daga cikin mutanen kauyen sun gudu kuma har sai sun fara dawowa kafin mu iya bayyana adadin waɗanda aka sace,” in ji Umar.
Leave a Reply