‘Yan bindiga ɗauke da muggan makamai sun kai hari magamar Jibiya da ke yankin kan iyaka a ƙaramar hukumar Jibiya ta jihar Katsina, da ke arewa maso yammacin Najeriya, inda suka kashe fasinjoji biyu tare da sace wasu mutum uku.
Gidan Talbijin na Channels TV a Najeriya ya ambato wani wanda lamarin ya faru gabansa, ya shaida musucewa ‘yan bindigar sun ƙaddamar da harin ne da misalin ƙarfe 9:15 na daren ranar Asabar.
Ya ce ”maharan sun tsayar da motoci guda biyu da ke kan babbar hanya inda suka kashe fasinjoji biyu tare da sace uku, kafin jami’an tsaro su samu nasarar fatattakarsu”.
