Hatsari
Matashi ya rasa ransa sakamakon faɗawa cikin tankin diesel a Kano
Daga Shafa’atu DAUDA Kano
Hukumar kashe gobara ta jihar Kano ta samu nasarar ceto wani matashi da ba’a San ko wanene ba daga cikin tankin man diesel na sabis antenna ɗauke da galan cikin mawuyacin hali.
Neptune prime ta rawaito lamarin ya faru ne a gaida kuka uku dake ƙaramar hukumar Kumbotso. Jami’in hulɗa da jama’a na hukumar Kashe Gobara ta Jihar kano Saminu Yusuf Abdullahi shi ne ya shaida hakan ga Manema Labarai, Inda yace tun a daren jiya da misalin ƙarfe uku da minti talatin suka samu kiran gaggawa ta bakin jami’in su Mai suna Ibrahim Mukhtar Bicci.
Ya ƙara da cewa jami’an su sun Isa inda lamarin ya faru suka kuma iske matashin ɗan shekaru talatin da biyar acikin Tankin Diesel, sai dai jami’an tsaron inda Abun ya faru suma sun tabbatar da cewa basu San matashin ba.
Koda yake bayan ceto matashin cikin mawuyacin hali daga bisani aka samu tabbacin rasuwar sa. Bayan da aka miƙa shi zuwa ga hannun jami’an hukumar ‘Yan sanda mai suna insufeto Elisha bulish dake aiki a ofishin ‘Yan sanda dake fanshekara Kawo yanzu dai PFS Saminu Yusuf yace basu tabbatar da musabbabin faruwar iftila’in ba.
Wata motar fasinja da ta taso daga Bauchi ta yi hatsari a Inugu kuma mutum 16 daga cikin fasinjoji 18 dake motar maza 14 mata 2 sun mųțtu, wasun su ma ba a iya gane su don sun ƙone ƙurmus.
‘Yan sanda sun ce lamarin ya faru da yammacin jiya Talata, 30 ga watan Afrilu a babban titin garin Ekwegbe.
KU KUMA KARANTA: Fasinjoji sun ƙone ƙurmus a hatsarin mota a Kogi
Motar ƙirar Toyota Hummer Bus ce 18 seater dauke da lambar Bauchi, DAS 215 XA, kuma an rubuta “Masha Allah” a jikin motar.
Don haka Kwamishinan yan sanda na Enugu ke roƙon jama’a duk wanda Allah yasa ya san wani daga cikin fasinjojin to a tuntubi rundunar a 08098880172 ko 08086671202
Ana fargabar mutane da dama sun rasa rayukansu bayan da wata tankar mai ta kama da wuta a hanyar East-West Road a birnin Fatakwal da ke jihar Rivers a kudancin Najeriya.
Jaridun Punch da na Vanguard sun ruwaito cewa lamarin ya faru ne da misalin ƙarfe 9:45 na daren Juma’a.
Bayanai sun yi nuni da cewa bayan da tankar ta mai ta kama da wuta, ta shafi motoci aƙalla goma da ke jerin cunkoson ababen hawa a birnin na Fatakwal.
KU KUMA KARANTA:Matatar man Fatakwal za ta koma bakin aiki cikin watan Afrilu – Kyari
Wani da ya shaida lamarin ya faɗawa jaridar Vanguard cewa ya ji ƙara har sau biyu masu firgitarwa daga baya kuma hayaƙi ya turnuƙe sararin samaniya.
“Idan kuna da ‘yan’uwa a Fatakwal ku ƙira su don ku ji lafiyarsu” Wani mazaunin birnin na Fatakwal mai suna Bassey Esang Don, ya wallafa a shafinsa na Facebook.
Ya zuwa lokacin haɗa wannan rahoto ba a san musabbabin fashewar da ta auku ba ko iya sanin adadin mutanen da suka mutu.
Faɗuwar tankar mai ta kama da wuta ba baƙon abu ba ne a Najeriya, inda a wasu lokuta mutane kan yi rububin zuwa kwasar man idan yana Malala.
Daga nan ne kuma akan samu akasi har wuta ta kama ta laƙume rayukan mutane.
Wannan al’amari na faruwa ne yayin da farashin mai ya ƙara tsada a Najeriya inda litar mai ta kusa kai wa Naira 1,000 a sassan ƙasar.
Wasu fasinjoji sun ƙone ƙurmus a safiyar wannan Lahadin a dalilin wani mummunan haɗari da ya afku a garin Aloma da ke Ƙaramar Hukumar Ofu a Jihar Kogi.
Wani shaidan gani da ido ya bayyana cewa haɗarin wanda ya afku a gaban Kwalejin Koyarwa ta Aloma, inda ya rutsa da motocin bas guda biyu da wata motar tirela.
Majiyar ta ce, wata motar bas ƙirar Siena ce cike da fasinjoji ta yi karo da wata motar Toyota da ketahowa a ƙoƙarin kaucewa ramuka da ke kan titin kuma nan take ta kama wuta, lamarin da ya sa dukkan fasinjojin da ke cikin motar suka ƙone.
“Dukkan fasinjojin da ke cikin motar Toyota, ciki har da direban sun ƙone ƙurmus.
KU KUMA KARANTA: Mutane 7 sun ɓace bayan hatsarin jiragen helikwaftan sojin Japan
“Waɗanda ke cikin motar sienna su ma sun ƙone, babu wanda ya tsira.
“Wata mota da aka ajiye a kusa da wurin da lamarin ya faru ita ma ta kama wuta a yayin da lamarin ya faru kuma ta ƙone ƙurmus.
“Gobarar da ta kama motocin ta kuma lalata wani gida da ke kusa da wurin da wutar ta tashi.
“Har yanzu ba mu tabbatar da wani wanda ya tsira da ransa ba a duk cikin waɗanda lamarin ya rutsa da su,” in ji Adejo Usman, wani mazaunin Aloma.
Ya ce mutanen ƙauyen ba su iya yin komai don ceto wasu fasinjojin da suka maƙale saboda babu kayan ceton gaggawa da za a iya kuɓutar da su.
Kwamandan sashin hukumar kiyaye haɗɗura ta ƙasa (FRSC), Samuel Ayedeji, ya ce yana cikin wani taro lokacin da aka tuntuɓe shi kan lamarin.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano
Pingback: Matashi ya rasa ransa sakamakon faɗawa cikin tankin diesel a Kano – LEGEND FM DAURA