Kampanin Apopo na ƙasar Belgium ya horar da wasu haziƙan ɓeraye domin yin aikin ceto ga waɗanda ɓaraguzan girgizar ƙasa suka danne har yau ba a gano su ba.

“Anyi amfani da ɓeraye ne saboda a yanayin tsarin halittar su, suna da sha’awar sanin abu, da kuma son kutsa kai da bincike, wannan dalili yasa aka gane tsaf zasu iya taimakawa wajen ceto,” in ji Donna Kean, ƙwararren masanin kimiyyar ɗabi’a kuma shugaba mai jagorarantar aikin.

“Banda ɗabi’ar ɓera na binkice da shige shige, ƙanƙantar halittar su, da baiwar jin ƙamshin da wari koda daga nesa, ya beraye suka zama mafi chanchanta don yiwa duniya wannan aiki”, in ji Kean.

KU KUMA KARANTA: Allah ɗaya gari bam bam! Gizo-Gizo, abincin yau da kullum a Kambodiya

An sanyawa ɓerayen wata babbar jaka da take ɗauke da na’urar GPS ta zamani da kyamarar ɗaukar hoto mai inganci, da kuma makirufon.

Haka kuma akwai wata na’urar wayar salula da za a iya magana da mutanen da suka maƙale amma ba su kai ga rasa rayukansu ba.

Sannan za a iya ganin mutumin da abin ya rutsa da shi, gami da gane irin yanayin da yake ciki, sannan a gano hanya mafi sauƙi da za a iya ceto shi a fito da shi.

Wannan ya zama izina garemu mutane, idan har ɓera yana kishin ƙasarsa, yana bada gudunmawa mai mahimmanci wajen cigaban ƙasa, ya kamata mu tambayi kanmu, mu wane gudunmawa muke bawa ƙasar mu domin cigaban ta, a matsayin mu na yan Adam.

A ranar Litinin ɗin da ta gabata ne aka tsinci gawar wani magidanci mai suna Sulaiman Idris mai shekaru 28 tare da gawar matarsa ​​Maimuna Halliru mai shekaru 20 a kan gadon aurensu.

A wata sanarwar da jami’in hulda da jama’a na rundunar ‘yan sandan jihar Kano, SP Haruna Kiyawa ya fitar, ya ce ma’auratan ba su fito daga gidansu ba, tun ranar Laraba 02/01/2023, inda suka shafe kimanin awa 23 a ɗaki.

Ya ce “A ranar Litinin, 03/01/2023 da misalin ƙarfe tara na safe, an samu rahoto daga ƙauyen Kwa, na ƙaramar hukumar Dawakin Tofa, a jihar Kano cewa wasu ma’aurata, Sulaiman Idris, da matarsa Maimuna Halliru, ba su fito daga gidansu ba tun ranar 02/01/2023 da misalin ƙarfe 11:00 na dare.

Binciken farko, an gano cewa ma’auratan da suka mutu sun kunna wuta don dumama ɗakinsu saboda sanyin da su ke ji, kuma ko’ina a kulle, dalilin haka hayaƙi ya balbale su a lokacin da suke barci.

“Lokacin da kakar mijin buɗe ƙofar ɗakinsu da ƙarfi, sai ta tarar da ma’auratan basa motsi a kan gadon su, ta kuma iske da ragowar hayaƙi a ɗakin.

“Bayan samun rahoton, kwamishinan ‘yan sandan jihar Kano, CP Mamman Dauda, ​ya umurci tawagar ‘yan sanda ƙarƙashin jagorancin CSP Ahmed Hamza,DPO na ‘yan sandan reshen Dawakin Tofa da suje suga wurin, inda suka ka kai ma’auratan asibitin ƙwararru na Murtala Mohammed da ke Kano kuma a nan wani likita ya tabbatar da mutuwarsu.

Kwamishinan ‘yan sandan ya shawarci al’ummar jihar Kano da su yi taka-tsan-tsan wajen amfani da wuta, da kuma lantarki, sannan a kula da ɗaukar matakan kariya saboda lokacin sanyi yana da alaƙa da haɗarin gobara.

Wata ɗalibar jami’ar Modibbo Adama da ke Yola a jihar Adamawa, Raudah Sheik-Jimeta, ta bayyana cewa tana samun naira 80,000 a duk wata daga sayar da kayan ƙamshin da take yi.

Kamar yadda Kamfanin Dillancin Labarai na Najeriya ya ruwaito, ɗalibar da ta kammala shekarar ƙarshe na karatun digiri a jami’a na samun kayan kamshin daga manoma na gida.

Raudah Sheik Jimeta, wadda ɗalibar fasahar sadarwa ce ta ce, “Na fara hada-hadar kayan ƙamshi irin su garin chili da citta da man tafarnuwa da ‘Daddawa’ da ake sarrafa su da wake da kamu da kuma garin ɗanwake.

“Na fara kasuwancin ne a shekarar 2020 a lokacin kulle na cutar korona (COVID-19) da jarin iri na N30,000 saboda ina matuƙar son dogaro da kai, domin in taimaki kaina da dangina.”

Ta kuma bayyana cewa mijinta, da ‘yar uwarta ne suka sa ta fara wannan sana’ar. “Ina jin daɗin babban goyon bayan da mata masu bin tallata a dandalin sada zumunta da abokai na gida da ‘yan uwa suke bani.

Burina shi ne na zama sananniya a kowane gida akwai kayan na, na samar da ayyukan yi ga matasa da mata a faɗin ƙasar nan,” inji ta.