Ba za a manta da Pele ba, in ji hukumar kwallon kafa ta FIFA

Hukumar ƙwallon ƙafa ta FIFA ta ce Pele dawwama kuma ba za a manta da shi ba a tarihin ƙwallon ƙafa, wannan hasashe ba FIFA na zuwa ne lokacin da fitaccen ɗan wasan Brazil, wanda hukumar kwallon ƙafa ta duniya ta bayyana a matsayin gwarzon ɗan wasan ƙarni na 20, ya mutu ranar Alhamis yana da shekara 82 a duniya.

“Ga duk wanda ke son wasan mai kyau, wannan ita ce ranar da ba mu taɓa son ta zo ba. Ranar da muka rasa Pele,” in ji shugaban FIFA Gianni Infantino a wata sanarwa.

“A yau, dukkanmu muna baƙin cikin rashin kasancewar ƙaunataccenmu Pele, amma ya sami dawwama tuntuni kuma saboda haka zai kasance tare da mu har abada.”

Pele ne kawai ɗan wasan ƙwallon kafa da ya lashe gasar cin kofin duniya na FIFA sau uku.

Yana da shekaru 17 kacal lokacin da ya yi nasara tare da Brazil a Sweden a shekarar 1958. Pele ya sake lashe gasar cin kofin duniya a Chile a shekarar 1962, duk da cewa an tilasta masa fita daga yawancin gasar saboda raunin da yaji.

Ya lashe kamabar yabo ta Jules Rimet Trophy a karo na uku kuma na ƙarshe a Mexico a shekarar 1970.

“Pele; ba zai gushe ba – har abada yana tare da mu,” in ji FIFA a shafinta na yanar gizo.

Infantino ya ce, Pele ya kasance na musamman, yayin da ya aika da ta’aziyyarsa ga iyalansa, da ƙasar Brazil da dukkan masu sha’awar ƙwallon kafa.

“Ƙwarewarsa da tunaninsa ba su misaltuwa, Pele ya yi abubuwan da babu wani ɗan wasa da zai yi mafarkin yin kusa da shi,” Infantino ya ce.

“Abu maafi mahimmanci, ‘Sarki’ ya tashi kan karagar mulki da murmushi a fuskarsa.

“Amma, yayin da ya san yadda zai tsaya wa kansa, ko da yaushe ya kasance ƙwararren ɗan wasa abin koyi, tare da mutunta abokan hamayyarsa.” In ji Infantino wanda ya ƙara da cewa: “Pele yana da karfin maganaɗisu.

“Rayuwarsa ta wuce kwallon kafa, ya canza ra’ayi mafi kyau a Brazil, a Kudancin Amurka da kuma ko’ina cikin duniya”

FIFA ta shaida cewa shi ne zakaran ƙwallon ƙafa mafi ƙarancin shekaru a duniya, ba tare da ambaton matashin ɗan wasan da ya zura kwallo ba, matashin ɗan wasan da ya zura ƙwallo ‘hat-trick’, matashin ɗan wasan karshe da matashin ɗan wasa da ya zura kwallo a wasan karshe a tarihin gasar cin kofin duniya.

Tsohon shugaban FIFA Sepp Blatter, wanda ya jagoranci hukumar ƙwallon kafa ta duniya daga shekarar 1998 zuwa 2015, ya ƙira Pele a matsayin ɗan wasa mafi girma da aka taɓa samu.

“Duniya na jimamin ɗan wasan ƙwallon ƙafa mafi girma a tarihi da kuma mutuntaka mai ban mamaki, ya yi murnar wasan ba kamar sauran ba,” in ji Blatter a shafin Twitter.

KU KUMA KARANTA:Allah Ya yima Dr. Goni Abba Kaka rasuwa

“Pele, Ina matukar bakin ciki kuma ina girmama ku da aikin rayuwar ku, ina miƙa ta’aziyyata ga ‘yan uwa da abokan arziki.”

A halin da ake ciki hukumar kwallon ƙafa ta Turai UEFA ta yabawa Pele kan rawar da ya taka a harkar ƙwallon ƙafa.

“Shi ne fitaccen ɗan wasan duniya na farko, Ka huta lafiya, Pele.”