Yadda wani mutum ya kashe matar sa saboda burodi

Wani magidanci mai suna Ndubisi Uwadiegwu ɗan jihar Enugu ya lakaɗawa matarsa ​​Ogochukwu Enene dukan tsiya har tamutu akan biredi.

Rahotanni sun nuna cewa marigayiyar ta fito daga ƙauyen Umuokpu, Awka, jihar Anambra, amma ta auri mijinta wanda ɗan asalin jihar Enugu ne.

Rahotanni sun nuna cewa ɗa na farko ga marigayiyar, mai shekaru 14, ya ce mahaifinsu ya lakaɗawa wa mahaifiyarsu duka ne lamarin da yayi sanadiyar mutuwarta, saboda ta nemi ya saya musu biredi amma ya ce ba shi da kuɗi.

Ɗan nata ya ƙara da cewa mahaifiyarsa ta yanke shawarar yin amfani da kuɗinta ta siyo wa yaran biredi ɗaya, amma mahaifin ya shiga kicin ya cinye biredin, da mahaifiyarsu ta tambaye shi dalilin da ya sa ya cinye wannan biredi, sai ya fara dukanta har abin ya kai ga mutuwarta.

Ko da yake har yanzu iyalan mamacin ba su bayar da wata sanarwa a hukumance kan lamarin ba, amma wata majiya ta kusa da dangin ta tabbatarda aukuwar lamarin wanda ya faru a Legas.