Fatima Isah Bala da aka fi sani da Yasmin a cikin shirin film ɗin “kwana Casa’in” da tashar Arewa 24 ke haskawa ta koka sosai akan yadda wasu mutane ke aibata ƴan film.
Yasmin jaruma ce kuma mawaƙiyar gambara wacce ta fito a matsayin ƴar gidan AVM Adnan a cikin shirin “kwana Casa’in”.
Jarumar ta bayyana hakan ne a wata hira da ta yi da gidan “Radio Freedom Kano” inda tace a yanzu ba ta da wani buri da ya wuce ya yi aure.
Yasmin, ta kuma bayyana cewa abinda mutane suke yiwa ƴan film yake jawo wasu daga cikin jarumai basa auruwa domin ana yi musu wani kallo na daban.
