Arsenal ba ta taba rashin nasara a hannun Fulham a gida ba. Kungiyoyin biyu sun je hutu ba tare da an ci kwallo ba – daga baya Fulham ta zura ɗaya a raga ta hannun Aleksandar Mitrovic, na huɗu da ya ci kenan a bana.
Daga baya ne kyaftin din Arsenal, Martin Odegaard ya farke, sannan Gabriel Magalhaes ya ƙara na biyu.
Wasa na huɗu da Arsenal ta yi nasara a jere a kakar bana kenan, tana nan a mataki na ɗaya a kan teburi da maki 12.
Karo na 31 da Arsenal ta fuskanci Fulham a gida ba tare da rashin nasara ba a dukkan fafatawa da ta yi da kungiyar.
Wannan shi ne wasa na 100 da Mikel Arteta ya ja ragamar Arsenal a Premier League – ya yi nasara 53 da canjaras 16 da shan kashi a wasa 31.
Karo na 34 da Gunners ta fuskanci sabuwar kungiyar da ta hau Premier League tun bayan da ta yi rashin nasara a hannun Newcastle da ci 1-0 a Nuwambar 2010.
Cikin wasa 34 da Arsemal ta yi da sabbin kungiyoyin da suka hau babbar gasar tamaula ta Ingila, Gunners ta ci 29 da canjaras biyar.
