Labarai
‘Yan bindiga sun ƙona wani tsoho ɗan shekara 90 har lahira, sun kuma raunata mutum 3 a Gombe
Wasu ‘yan bindiga sun kashe wani tsoho mai shekaru 90 a duniya, a wani hari da suka kai a kauyukan Pobawure da Amtawalam da ke karamar hukumar Biliri a jihar Gombe.
Da yake tabbatar da faruwar lamarin, kwamishinan ‘yan sandan jihar Gombe, Mista Oqua Etim, ya ce an kashe wasu mutane biyu a harin cikin dare, yayin da wasu uku suka samu raunuka daban-daban.
Ya ce dattijon mai shekaru 90 na kwance a gidansa lokacin da ‘yan bindigar suka cinna wa gidansa wuta.
“Muna da mutum uku da suka mutu, wani mutum dan shekara 90 da aka kona a cikin bukkarsa yayin da wasu matasa biyu kuma aka kashe.
Muna kuma da mutane uku da suka jikkata,” in ji Etim.
CP Etim ya raba siyasa a harin yana mai cewa, “ya kamata mu raba da siyasa daga aikata laifuka. Ayyukan siyasa suna gudana cikin kwanciyar hankali amma aikata laifuka a kowace al’umma wani tsari ne mai gudana kuma muna kange shi.
Gwamnan jihar Gombe, Muhammadu Inuwa Yahaya, ya bayyana lamarin a matsayin abin takaici.
Ya ce hare-haren da aka kai a Gombe na baya-bayan nan, wani tasiri ne na ayyukan ‘yan bindiga a jihohin Bauchi da Filato.
KU KUMA KARANTA:Harin ‘yan bindiga a Masallaci ya jikkata mutane da dama a Delta
Ya ba da umarnin kafa ofishin ‘yan sanda a yankin domin maido da doka da oda.
“Mun zo ne don ganin irin ɓarnar da aka yi, da kuma adadin rayukan da aka rasa sakamakon hare-haren ‘yan bindiga da ‘yan fashi a wadannan al’ummomi biyu na Pobawure da Amtawalam.
“Abin takaici ne matuka, saboda akwai zaman lafiya a wurin, amma ga dukkan alamu illar ayyukan ‘yan bindiga a jihohin Bauchi da Plateau ne ke zuwa mana a jihar Gombe.
“Na ba da umarnin kafa ofishin ‘yan sanda tare da ƙara adadin jami’an ‘yan sanda da sauran jami’an tsaro, da su zo su tabbatar da tsaro, da doka da oda a wannan wuri.
Zan tabbatar da daukar matakan da suka dace don kare rayuka da dukiyoyin jama’a,” inji shi.
Gwamnan ya bada tabbacin cewa gwamnatin sa, za ta haɗa hannu da duk wani jami’in tsaro a jihar domin ganin cewa ‘yan bindiga basu taɓa zaman lafiyar jihar ba.
Wani sabon gini mai hawa 2 ya rushe a Legas
Wani sabon bene mai hawa biyu a Jihar Legas, ya rushe yayin da ake tsaka da mamakon ruwan sama wanda ya haddasa ambaliya a wasu sassan jihar.
Ginin ya rushe ne a lamba 12 da ke yankin Cameroun kusa da Ewenla a Mushin.
Hukumar Bayar da Agajin Gaggawa ta jihar (LASEMA), ta bayyana cewar bayan isar jami’anta wajen da lamarin ya faru, ta gano wani sabon gini mai hawa biyu ya rushe.
An ceto mutum bakwai; mata uku da maza huɗu, tuni aka kai su asibiti domin duba lafiyarsu.
KU KUMA KARANTA: Wani bene mai hawa 4 ya rufta da mutane a Abuja
Ya zuwa yanzu dai hukumar, ta ce babu wanda ya mutu a dalilin rushewar ginin.
Babban sakataren LASEMA, Dokta Olufemi Damilola Oke-Osanyintolu, ya ce ana ci gaba da gudanar aikin ceto don tabbatar da babu wanda ya maƙale a baraguzai.
Wani jami’in EFCC ya hallaka kansa a Abuja
Rahotanni sun bayyana cewar wani jami’in Hukumar Yaƙi da Masu Yi Wa Tattalin Arziƙin Ƙasa Zagon Ƙasa (EFCC), ya hallaka kansa har lahira a Abuja.
An tsinci gawar marigayin ne a gidansa da ke babban birnin tarayya.
Marigayin, wanda ba a bayyana sunansa ba, an ce ya kasance ɗaya daga cikin waɗanda suka yi kwas na 5 a makarantar horas da masu yi wa ƙasa hidima ta hukumar yaƙi da cin hanci da rashawa.
An ruwaito cewar yana da ƙwazo da himma a wajen gudanar da ayyukansa.
Wata majiya ta ce jami’in ya jima yana fama da baƙin ciki da matsalolin rayuwa kafin mutuwarsa.
Kakakin EFCC, Dele Oyewale, ya shaida wa manema labarai cewa hukumar za ta binciki musababbin da ya sanya ya kashe kansa, kuma hukumar za ta taimaka wa iyalansa.
Oyewale, ya ƙara da cewa hukumar za ta binciki wasu abubuwa da suka haɗa da matsalar taɓin hankali da kuma matsalolin iyali waɗanda ka iya sanya ma’aikacin kashe kansa.
KU KUMA KARANTA: Ana zargin wani jami’in kwastam ya kashe kansa a Abuja
Sai dai ya ce hukumar ba za ta fitar da wata sanarwa ko kuma bayyana sunan jami’in ba, har sai an kammala bincike.
NAFDAC ta rufe shaguna 100 A Enugu
Hukumar Kula da Ingancin Abinci da Magunguna ta Ƙasa (NAFDAC), ta rufe shaguna kusan 100 a babbar kasuwar Ogbete ta Jihar Enugu, bisa zargin sayar da wasu abubuwan sha na jabu.
Daraktan NAFDAC, Martins Iluyomade a yankin Kudu maso Gabas, ya ce hukumar ta ɗauki matakin ne bayan wani samame da ta kai a ranar Litinin.
A yayin samamen jami’an hukumar NAFDAC, sun cafke wata babbar mota ɗauke da kayayyakin maye tare da cafke wasu ‘yan kasuwa huɗu da ake zargi da hannu wajen sayar da jabun abubuwan sha.
Iluyomade, wanda masanin haɗa magunguna ne, ya nanata cewa matakin ya zama dole domin kare masu amfani da ire-iren kayayyakin .
Ya ce waɗanda ake zargin a halin yanzu ana kan bincikensu kuma za su fuskanci tuhuma a gaban kotu bayan kammala binciken.
KU KUMA KARANTA: NAFDAC ta haramta amfani da maganin tari na yara na kamfanin J&J
Har wa yau, ya nanata ƙudurin NAFDAC na kawar da kayayyaki marasa inganci, da jabun abubuwan ci da sha, da gurɓatattun kayayyaki a kasuwa.
Ya ƙara da cewa, an gudanar da binciken ne tare da haɗin gwiwar hukumomin tsaro.
A gefe guda kuma, ya bayyana muhimmancin aikin hukumar na tabbatar da lafiyar al’umma.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano
Pingback: Mutane 28 sun hallaka a wani harin kudancin Kaduna | Neptune Prime Hausa