Jiragen yakin sojin Isra’ila sun kai hari a Gabar Tekun Al Zawaida da Deir al Balah, da Al Nusairat yayin da yankunan arewacin Gaza suka fuskanci hare-haren wuce gona da iri, wanda ya yi sanadiyar hallaka da jikkata wasu fararen-hula, tare da lalata gidaje da kadarori, kamar yadda kafar yada labaran Falasɗinu ta ce.
KU KUMA KARANTA: Sojin ruwan Isra’ila sun yi ruwan bama-bamai a Gaɓar Tekun Gaza da kai hare-hare ta sama a arewacin ƙasar
Wakilan kamfanin dillancin labarai na WAFA sun ruwaito cewa, bayan shafe kwanaki 200 na hare-haren Isra’ila, jiragen yakin sojojin Isra’ila sun yi luguden wuta a Gabar Tekun Al Zawaida da Deir al Balah da ke tsakiyar Gaza a safiyar yau Talata. Hakazalika jiragen yakin sojin Isra’ila sun yi luguden wuta kan Gabar Tekun Al Nusairat.
Sojojin Isra’ila sun kai hari a arewacin sansanin Al Nusairat da ke tsakiyar Gaza, yayin da jiragen yakin suka kai farmaki kan titin Thirty Streer da ke tsakiyar birnin.
