Shugabar ƙungiyar cinikayya ta duniya ta yi gargaɗi kan ƙara yawan haraji
Okonjo-Iweala ta yi wannan ƙira ne yayin wata tattaunawa a kan haraji a taron ƙolin tattalin arzikin duniya da ke gudana a birnin Davos, na kasar Switzerland, a makon da aka jiyo shugaban Amurka Donald Trump yana barazanar kakaba haraji akan China da tarayyar Turai da kasashen Mexico da Kanada.
KU KUMA KARANTA:An kuɓutar da mata 9 masu ciki daga wata maƙyanƙyasar jarirai a Abuja
“Son Allah kada mu rura wannan wuta. Na san cewar mun taru anan ne domin tattaunawa akan harajin kasuwanci, na sha yin kira ga kowa akan mu bi al’amura a hankali, haka kuma yanzu na fahimci cewar ana matukar rura wutar,” a cewarta.
Ta yi waiwaye akan abin da da dokar harajin Smoot-Hawley ta haifar a Amurka lokacin durkushewar tattalin arziki ta 1930, abin da ya sabbaba daukar fansa da kara tabarbara rikicin tattalin arzikin wancan lokaci.
“Muna shaidawa mambobinmu a wto cewar, akwai wasu hanyoyin da za’a iya bi. koda an kakaba maka haraji, don Allah kada ka tada hankali, kada ka wayi gari ba tare da bin tsare-tsaren da suka dace ba kaima ka kakaba naka,” a cewarta.
