Daga Saleh Inuwa, Kano
Bukin Sallar Idi ya kasance ɗaya daga cikin bukukuwan da aka fi yin bikin a duk faɗin duniya, musamman ƙasashen musulmi.
Shahararrun ‘yan wasan Najeriya sun saba yin amfani da shafukansu na sada zumunta don yaɗa wasu kyawawan hotunansu domin murnar zagayowar ranar.
Shahararriyar Jarumar Najeriya, Hajiya Meena, wacce aka fi sani da suna Mercy Aigbe ta saka wani bidiyo da wasu hotuna na soyayya tare da mijinta a yayin da suke murnar sallar Idi ƙarama (Eid-El-Fitr).
KU KUMA KARANTA: Jarumar Kannywood Dawayya ta buɗe katafaren kantin sayar da kayayyaki a Kano
Mercy Aigbe ta raba hotunan tare da rubutu mai cewa: “Barka da Sallah mai albarka ga ‘yan uwa da abokan arziƙi”.
Haƙiƙa, Mercy Aigbe (Hajiya Meena) ‘yar wasan Najeriya ce, darakta, ‘yar ƙwalisa kuma ‘yar kasuwa. An fi saninta da fina-finanta na Yarbawa.
Mercy Aigbe na ɗaya daga cikin jaruman da suka yi suna sosai kuma tana da kyakkyawar alaƙa da masoyanta a shafukan sada zumunta.
