Ɗalibai
Jami’ar ATBU ta hana shigar nuna tsaraici ga ɗalibai
Jami’ar Abubakar Tafawa Ɓalewa dake Bauchi, (ATBU), ta ce daga yanzu za ta ɗauki mataki a kan duk ɗaliban da suka saɓa wa ƙa’idojinta na shigar rashin ɗa’a da tufafi a jami’ar kamar yadda yake ƙunshe a kundin dokokin ɗaliban da aka yi wa kwaskwarima.
Dokokin da aka yi wa kwaskwarima na ƙunshe ne a cikin wata takarda ta cikin gida mai ɗauke da sa hannun shugaban kula da harkokin ɗalibai na jami’ar, Farfesa U.S. Abdullahi, mai kwanan wata 27 ga watan Afrilu kuma aka miƙa wa shugaban ƙungiyar ɗaliban jami’ar da dukkan ɗaliban jami’ar.
Shugaban jami’ar ya gargaɗi ɗaliban da al’ummar jami’ar kan karya ƙa’idojin da aka amince da su a yayin taron majalisar dattawa karo na 161 na cibiyar da aka gudanar a ranar 13 ga Afrilu, 2023.
KU KUMA KARANTA: Jami’ar Najeriya ta yi tayin karɓar dalibai daga Sudan da yaƙi ya hana ci gaba da karatu
Takardar ta ci gaba da cewa: “Na rubuto ne domin sanar da ku cewa Majalisar Dattawa ta Jami’ar ta amince da sabunta littafin Jagoran ɗalibai a taronta na yau da kullum na Majalisar Dattawa karo na 161 da aka gudanar a ranar Alhamis, 13 ga Afrilu, 2023.
Kamar yadda bayanin da REF:ATBU/SAD/SUG/VOL 11/0113 ya wallafa a shafin Facebook na jami’ar, ya nuna cewa duk ɗalibin da aka samu da laifi zai iya fuskantar horon tsawon zango ɗaya ko biyu, gwargwadon laifin da ya aikata.
Takardar ta kuma ce taɓawa, sumbata, runguma, yin tausa, ko zama a kan cinyoyin juna suna jawo rugujewar zangonnin karatu biyu.
Bayanin ya ci gaba da cewa gashin mata masu launuka iri-iri, ƙulle-ƙulle, yin tuƙi na ganganci, zane-zane a jiki, da huda hanci, ido da baki suna jawo dakatarwar zangon karatu ɗaya.
Sauran laifuffukan sun haɗa da sanya wando ɗamamme, tufafi shara-shara ga mata, kitson gashi ga ɗalibai maza, da gajeren wando, da sauran laifuka kuma suna jawo dakatarwar zangon karatu ɗaya.
A lokacin da aka tuntuɓi babban sakataren ƙungiyar ɗaliban, SUG, reshen ATBU, AbdulRauf Al-Amin, ya tabbatar da sahihancin bayanin. Ya ce, duk da haka, sabbin dokokin ba baƙo ba ne ga ɗaliban.
“Mun samu wannan bayanin daga jami’ar a makon da ya gabata, wanda ni da kaina na raba wa ɗaliban a ɓangarori daban-daban; yawancin abubuwan da ke ƙunshe ba sababbi ba ne, an yi nazari ne kawai,” inji shi.
Rahotanni daga jihar Kogin Najeriya na cewa an kashe duka na’urorin ɗaukan hoto a jami’ar kimiyya da fasaha ta Confluence University da ke jihar kafin a sace wasu ɗaliban makarantar a cewar Gwamna Usman Ododo.
A ranar Alhamis wasu ‘yan bindiga suka kutsa jami’ar wacce ke Osara suka sace ɗalibai tara cikin dare.
Ya zuwa lokacin haɗa wannan rahoto ba a ji ɗuriyar ɗaliban ko waɗanda suka sace su ba.
Ododo ya bayyana hakan ne yayin da ya kai ziyarar ganewa idonsa jami’ar a ranar Asabar.
“Binciken da muka gudanar ya zuwa yanzu, ya nuna cewa, duka na’urorin da muka saka an kashe su, kuma wannan ba wani abu ba ne illa zagon ƙasa daga mutanen cikin gida.” Ododo ya ce.
Gwamna Ododo ya yi ƙira ga iyayen ɗaliban da su kwantar da hankulansu saboda jami’an tsaro suna bin diddigin al’amarin yana mai cewa buƙatar gwamnati a yanzu shi ne a ceto ɗaliban.
KU KUMA KARANTA:Muna ƙoƙarin kuɓutar da ɗaliban jami’ar da ‘yan bindiga suka sace – Gwamnatin Kogi
Batun satar ɗalibai a makarantun firaimare da sakandare da ma jami’o’i a Najeriya ba baƙon abu ba ne musamman a arewaci.
‘Yan bindiga kan sace ɗalibai da dama su kutsa da su cikin daji har sai an biya kuɗin fansa kafin a sako su.
Satar mutane domin neman kuɗin fansa, babbar matsala ce a mafi akasarin jihohin arewa maso yammacin Najeriya.
Hukumomin ƙasar sun ce suna iya bakin ƙoƙarin su wajen ganin sun kawo ƙarshen wannan al’amari.
Daga Maryam Umar Abdullahi
Gwamnatin Bayelsa ta ce za ta ba da fifiko kan koyo da koyar da harsunan Ijaw, da Faransanci, da kuma Sinanci a makarantun gwamnati a jihar.
Mataimakin gwamnan jihar, Mr. Lawrence Ewhrudjakpo ya bayyana a cikin wata sanarwa da babban mai taimaka masa na musamman kan harkokin yaɗa labarai, Doubara Atasi, ya fitar a jiya Alhamis cewa, ƙaruwar tasirin tattalin arziƙin ƙasar China a harkokin duniya a matsayinta na babbar jigo a harkokin cinikayya da cinikayyar duniya, ya nuna kamatar tabbatar da shigar da ƙarshen ƙasar China a cikin manhajar karatu.
KU KUMA KARANTA: Firaiministan Nijar, Lamine Zeine, ya caccaki ECOWAS kan yin zagon ƙasa
Ewhrudjakpo ya bayyana cewa, gwamnati za ta fi maida hankali kan harsunan ne domin, baya ga muhimman darussa na kimiyya, harsunan za su taimaka wajen samar da yaran da za su ci gajiyar damar sana’ar da waɗannan darussa ke bayarwa a nan gaba.
Ana magana da harshen Ijaw ne a yankin Niger-Delta da ya ƙunshi jihohin Delta, Bayelsa da kuma Cross Rivers. Akwai kuma waɗannan suke harshen da ake ƙira “Arogbo-Ijaw” a jihar Ondo.
A shekarun nan, masana na jadada buƙatar ganin gwamnatoci sun ɗauki matakan raya al’adu da harsuna da ake gani aka kara watsi da su sabili da ci gaba na zamani.
Ƙungiyar malaman jami’o’i ta Najeriya (ASUU) ta buƙaci Shugaba Bola Tinubu ya sauya dokar ba da bashin karatu ga ɗalibai da ya amince da ita, zuwa tallafin karatu domin bai wa ɗalibai masu ƙaramin ƙarfi damar samun ilimi mai zurfi.
A wata hira da gidan Talbijin na Channels ranar Lahadi, shugaban ASUU ya ce bashin karatun ba abu ne mai yiwu ba. A cewarsa, bayar da bashi don yin karatu “ba zai ɗore ba”.
Farfesa Emmanuel Osodeke ya ce, “tunanin bayar da bashin karatu ga ɗalibai ya zo ne a 1972 kuma yana cikin harkokin bankuna da aka kafa”.
KU KUMA KARANTA: NURTW ta goyi bayan shugaba Tinubu kan cire tallafin man fetur
Ya yi iƙirarin cewa mutanen da suka karɓi bashin, ba su taɓa biya ba, kuna iya zuwa ku bincika. A shekarar 1994 ko 1993, sojoji sun kafa dokar soja mai lamba inda suka kafa hukumar bayar da bashi ga ɗalibai. Sai Majalisar dokoki ta daidaita ta a shekara ta 2004 kuma a cikin shekara ɗaya, ta wargaje. Kuɗaɗen suka ɓace. Muna so mu ga yadda wannan zai bambanta”.
A cewarsa, akwai ɗalibai sama da miliyan ɗaya a jami’o’in gwamnatin Najeriya kuma rancen ba zai iya biyan kuɗin karatun ɗalibai ba.
A ranar Litinin ne Shugaba Tinubu ya sa hannu a kan dokar ba da bashi ga ɗalibai domin cika alƙawarin da ya ɗauka a lokacin yaƙin neman zaɓensa.
Shugaban majalisar wakilai ta 9, Femi Gbajabiamila, wanda yanzu shi ne shugaban ma’aikatan fadar shugaban ƙasa ne ya ɗauki nauyin gabatar da ƙudurin dokar a majalisa.
Dokar ta tanadi ba da bashi maras ruwa ga ɗalibai masu ƙaramin ƙarfi a Najeriya.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano
Pingback: Gwamnatin Jigawa ta hana saran bishiya don yin gawayi | Neptune Prime Hausa
Pingback: Gwamnatin Borno ta gabatar da ƙa’idojin sanya tufafi ga ‘yan matan sakandare | Neptune Prime Hausa
Pingback: Muna da ɗalibai 350, amma malamai uku kacal muke dasu – al’ummar Gabchyari ta jihar Bauchi | Neptune Prime Hausa