Labarai
Iyayen ‘yan matan Chiɓok sun roƙi Tinubu da ya taimaka a sako musu sauran ‘ya‘yansu 92
Iyayen ‘yan matan Chibok da ke cikin damuwa sun roƙi shugaban ƙasa Bola Tinubu da ya taimaka wajen ganin an sako ‘yan matan 92 da har yanzu suke hannun Boko Haram.
Iyayen sun yi wannan roƙo ne a wata takarda da Yana Galang (mahaifiyar Rifkatu Galang da har yanzu take tsare) da Zanna Lawan (mahaifin Aisha Lawan) suka fitar ranar Litinin.
Sun kuma taya Tinubu da Kashim Shettima murnar samun muƙamin shugaban ƙasa da mataimakin shugaban ƙasa.
Sun roƙi shugaban ƙasar da ya yi amfani da ofishinsa mai daraja wajen taimakawa a sako sauran ‘yan matan da ake tsare da su.
KU KUMA KARANTA: An sake ceto ƴan matan Chibok biyu a Jihar Borno
“Shugaban ƙasa, kamar yadda ka sani, matsalarmu ta faro ne tun a shekarar 2014 lokacin da aka sace ‘ya’yanmu mata 276 daga makarantar sakandaren gwamnati ta Chiɓok.
“Shekaru ne na zafi da raɗaɗi a gare mu, kuma mun ji takaicin cewa bayan shekaru tara da ‘yan watanni kafin ƙarshen gwamnatin da ta shuɗe, 92 daga cikin waɗannan ‘yan matan sun ci gaba a riƙe a hannun ‘yan Boko Haram, inda suka fuskanci wahala da cin zarafi da ba za a iya misaltuwa ba hannun waɗanda suka yi garkuwa da su,” in ji iyayen.
Iyayen, a cikin wasiƙar sun amince da cewa, Tinubu a jawabinsa na ƙaddamarwa, duk da cewa bai yi alƙawari kai tsaye ba musamman kan halin da suke ciki a Chiɓok, ya yi alƙawarin ba da fifiko kan tsaro.
Daga bisani sun nemi kulawar shugaba Tinubu don ba da haske don gano sauran 92 na ‘yan matan da aka sace.
A cewar iyayen, tsohon shugaban ƙasa, Muhammadu Buhari, a jawabinsa na ƙaddamarwa a ranar 29 ga watan Mayu, 2015, ya ce gwamnatinsa ba za ta iya iƙirarin murƙushe Boko Haram ba, ba tare da ceto ‘yan matan Chiɓok ba.
Sun ƙara da cewa a ranar 14 ga Afrilu, 2021, an fitar da wata sanarwa mai taken “Yan matan Chiɓok har yanzu suna kan hankalinmu” tare da ƙara tunatar da su alƙawarin da tsohon shugaban ƙasar ya yi tare da tabbatar musu da cewa za a kuɓutar da dukkan ‘yan matan nasu tare da mayar da su cikin yankunansu.
“Yayin da sanda ta canza a karkashin jam’iyyar siyasa ɗaya a yanzu a 2023, babu shakka tarihi zai yi kyau a gare ku, dangin ku, gwamnatin ku da jam’iyyar ku idan an cimma waɗannan kalamai na magabata a ƙarƙashin ku, fiye da haka, tare da ɗanmu, mataimakin shugaban ƙasa, Shettima.
“Mai girma shugaban ƙasa muna neman ka ne ka zame mana hasken da zai haskaka duhun mu, ya kawo ƙarshen raɗaɗin da muke ciki, ya share mana hawaye, ya ‘yantar da mu daga ƙangin baƙin ciki, da ƙuncin rayuwa da wannan yanayin ya kawo mu.
“Lokacin da muka cika shekara tara da tunawa da sace ‘ya’yanmu a bana, ba ma fatan mu sake yin bikin ba tare da ‘ya’yanmu ba. Ku cece mu, ku taimake mu waɗannan yara su fito a mulkinku.
“Muna jira, muna ƙara haƙuri don wannan taimakon a matsayin madadin mu,” in ji iyayen.
Tinubu ya naɗa sabbin sakatarorin dindindin
Shugaban ƙasa Bola Tinubu ya amince da naɗin sabbin sakatarorin dindindin na gwamnatin tarayya guda takwas da za su cike guraben da ake da su a wasu jihohi da shiyyoyin ƙasar a ma’aikatan gwamnati.
Ajuri Ngelale, mai ba shugaban ƙasa shawara na musamman kan harkokin yaɗa labarai da bayanai ne ya bayyana hakan a wata sanarwa a jiya Juma’a, inda ya ce an naɗa sabbin sakatarorin dindindin ɗin ne bayan da ofishin shugaban ma’aikatan gwamnatin tarayya ya gudanar da aikin zaɓo su.
KU KUMA KARANTA:Tinubu ya amince da raba Naira dubu 50 ga iyalai miliyan 3.6 na tsawon watanni 3
Sakatarorin su ne: Dr Emanso Umobong Okop – Akwa-Ibom, Obi Emeka Vitalis – Anambra, Mahmood Fatima Sugra Tabi’a – Bauchi, Danjuma Mohammed Sanusi – Jigawa, Olusanya Olubunmi – Ondo, Dr Keshinro Maryam Ismaila – Zamfara, Akujobi Chinyere Ijeoma (Kudu-maso-Gabas)) da kuma Isokpunwu Christopher Osaruwamwen (Kudu-maso-Kudu).
“Shugaban ya yi hasashen cewa sabbin sakatarorin dindindin na gwamnatin tarayya za su yi aiki da ƙwazo, himma da riƙon amana ga ƙasa wajen gudanar da ayyukansu tare da tabbatar da ingantacciyar hidima ga al’ummar Najeriya,” in ji sanarwar.
Tinubu ya amince da raba Naira dubu 50 ga iyalai miliyan 3.6 na tsawon watanni 3
Shugaban ƙasa Bola Ahmed Tinubu ya amince da ba da Naira dubu hamsin-hamsin ga iyalai miliyan 3.6 har tsawon wata uku a faɗin Nijeriya.
Wannan na ɗaya daga cikin yarjejeniyoyi da aka cimma a ganawar da Tinubu ya yi da gwamnonin jihohi 36 na ƙasar nan a yau Alhamis a Abuja.
Shugaban ya ba da umarnin raba kuɗin ga iyalai dubu 100 a kowace jiha har na tsawon watanni uku.
Sauran batutuwa da aka cimma a ganawar sun haɗa da:
* Bawa iyalai 100,000 a kowace jiha tallafin N50,000 na tsahon wata uku.
* Ware Naira biliyan 155 domin siyen kayan abinci da za a tallafawa masu ƙaramin ƙarfi kan farashi mai rahusa.
* Baiwa kowace jiha Naira biliyan 10 domin sayen motocin sufuri masu aiki da iska gas domin sauko da farashin kuɗin zirga-zirga.
KU KUMA KARANTA:Tinubu ya jajantawa mutanen da gobarar kasuwar Karu ta shafa
* Gaggauta fara aikin hanyar da ta tashi daga Sakkwato zuwa Badagary a Lagos. Hanyar zata ratsa ƙauyuka kimanin 216, madatsun ruwa (dams) guda 58, ƙananan hukumomi 156 da manyan garuruwa 39 da kuma gonaki da suka kai kimanin hectare miliyan ɗaya. Titin zai ratsa jihohin Sokoto da Kebbi da Niger da Kwara da Oyo da Ogun da kuma Lagos.
* Shugaba Tinubu ya kuma amince da biyan kuɗin aikin hanyar jirgin ƙasa daga Fatakwal zuwa Maiduguri wadda za ta ratsa jihohin Rivers da Abia da Enugu da Benue da Nasarawa da Plateau da Bauchi da Gombe da Yobe da kuma Borno.
* Haka nan an amince da biyan kuɗin da ake buƙatar domin yin aikin hanyar jirgin ƙasa da ta taso daga Ibadan zuwa Abuja a wani ɓangare na aikin dogo da ya tashi daga Lagos zuwa Kano. Aikin zai haɗa jihohin Lagos da Ogun da Oyo da Osun da Kwara da Niger da Abuja da Kaduna da kuma Kano.
* Shugaban ƙasa ya kuma bada umarnin cigaba da aikin hanyar Lagos zuwa Calabar wadda kuma zata yi rassa a jihohin Benue da Kogi da Abuja da Nasarawa da Enugu da Ebonyi.
Gwamnatin Kano ta mayar da martani kan ɗaga tuta a fadar Nasarawa
Gwamnatin jihar Kano ta yi watsi da batun ɗaga tutar masarauta da aka yi a gidan sarki na Nassarawa wurin da Sarkin Kano na 15, Aminu Ado Bayero, ke zaune, inda ta bayyana hakan da ƙoƙarin jan hankalin jama’a kawai.
Tutar, wata alama ce ta iko dake nuni da cewar Sarki na nan, a kullum ana ɗaga ta da misalin ƙarfe 6 na safe a kuma sauƙe ta da misalin ƙarfe 6 na yamma. Duk lokacin da sarki ba ya cikin fada ko ya yi balaguro za ta kasance a sauƙe.
Da safiyar ranar Alhamis, aka lura cewar an ɗaga tutar da misalin ƙarfe 6 na safiya a fadar Nassarawa, abin da ya haifar da kace-nace dama raɗe-raɗi.
Kowane daga cikin Aminu Ado Bayero da Muhammadu Sanusi II na iƙirarin shi ne Sarkin Kano kuma suna ci gaba da aiwatar da ayyukan sarauta.
KU KUMA KARANTA:An sauya Kwamishinan ’yan sandan Kano
Gwamnatin jihar ce ta sauƙe Aminu Ado Bayero tare da sake naɗa Muhammadu Sanusi biyo bayan yiwa dokar masarautu ta Kano kwaskwarima.
An ɗaga irin wannan tuta a fadar gidan Rumfa, inda Sarkin Kano na 16, Muhammadu Sanusi II, ke zaune.
Mai magana da yawun gwamnan Kano, Sanusi Bature Dawakin Tofa, ne ya yi fatali da batun ɗaga tuta a fadar Nassarawar, inda yace hakan wani yunƙuri ne na jan hankalin al’umma.
Ya shaidawa manema labarai cewar, “hakan wani yunƙuri ne na jan hankalin al’umma. Amma babu shakku ko tantamar cewar Sanusi ne Sarkin Kano.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano