Ina godiya ga jaridar Neptune Prime – Husaina Mai Awara
Daga Idris Umar, Zariya
Idan ba a mantaba masu bibiyar shafukarmu ta yanar gizo a kwanakin baya ta kawo muku rahoton wani matashi da ya zuba wa wata budurwa tafasasshen man suyar Awara a garin Samarun Zariya a jihar Kaduna.
Matashi mai suna Ɗan Sule mai kimamin shekaru 30 a duniya ya kwara wa wata budurwa man suyan awara tafasashen a fuska.
Lamarin ya faru ne lokacin da ya zo yana tsaka da ɗaukar awara ɗaya bayan ɗaya yana dangwalar yaji inda Hussaina Ibrahim ta yi masa magana da ya daina, sai cacar baki ta kaure.
KU KUMA KARANTA:Mawallafin jaridar Neptune Prime ya gina makaranta da asibiti a Yobe (Hotuna)
Bayan mutane sun shiga tsakani, suka raba su ya tafi ashe laɓewa ya yi ya shammaci mutanen, bayan mutanen sun tafi ne sai ya dawo gaban kaskon suyar Awaran nan take ya sa ƙafa ya buge kaskon suyar Awarar dake kan wutar da ƙafarsa man ya fantsama a fuskan Husaina wanda hakan ya kai ga Husaina ta samu mummunar ƙuna a fuskanta.
Jin hakan ne ya sa Neptune Prime Hausa ta garzaya ta ɗauko rahoton yadda lamarin ya faru.
Bayan wallafa rahoton da wannan gidan jaridar ta yi ne jama’a suka nuna tausayawa kuma suka bayar da taimako sosai don ceton rayuwar ita Husaina wanda daga ƙarshe Husaina ta warke gasar.
Bisa haka ne Husaina take miƙa saƙon godiya ga jaridar Neptune Prime game da ƙoƙarin su akan jarabawar da ta samu na ƙunar kuma ta yi fatan alheri ga ma’aikantan gidan jaridan ta Neptune Prime da ke Abuja da sauran al’ummar da suka bayar da taimakonsu gare ta ta ce ” Ina godiya da jinjina ga kafar jaridar Neptune Prime, Allah ya saka maku da Alheri mai yawa na gode sosai na warke har na fara gudanar da harkokina na yau da kullum.”
