Daga Ibraheem El-Tafseer
Kwamitin duban wata a Najeriya ya umarci ‘yan ƙasar da su fara duban jaririn watan azumin Ramadan daga yau Lahadi.
Wata sanarwa da kwamtin ya fitar, ta ce Lahadi ce 29 ga watan Sha’aban, rana kuma ta farko da za a duban watan na azumi.
KU KUMA KARANTA:Ya kamata Falasɗinawa su yi fito na fito da Isra’ila a lokacin azumin Ramadan — Hamas
Don haka ne, Kwamitin duban watan (NMSC), ya umarci duk wanda ya ga jaririn watan na azumi da ya yi ƙoƙarin sanar da ita ta hanyoyi da aka saba.
A ranar Litinin ne, ake sa ran al’ummar Musulmi a faɗin duniya za su tashi da azumi idan har aka ga wata a yau Lahadi.
