Al-Sallabi ya jinjina wa Erdogan kan kifar da gwamnatin Assad

Al-Sallabi ya jinjina wa Erdogan kan kifar da gwamnatin Assad

Sakatare-janar na ƙungiyar malaman musulmi ta duniya (IUMS) ya jinjina wa shugaban ƙasar Turkiyya Recep Tayyip Erdogan kan ƙoƙarin da ya yi bayan kifar da gwamnatin Assad na Syria.

Ali Mohammad Al-Sallabi ya yi wa Shugaba Erdogan addu’a, inda ya yaba masa a ranar Lahadi a shafinsa na sada zumunta.

“Shugaban ƙasar Turkiyya Recep Tayyip Erdogan wata ni’ima ce daga Allah (Allah) ga al’ummar Turkiyya da kuma al’ummar da ba su da kariya.,” in ji shi.

Ya Allah ka daukaka sunansa cikin masu kawo gyara,” in ji shi. “Ranar ‘yanci na haskakawa a Siriya, kuma muna rokon Allah ya ba su tsaro, kwanciyar hankali, adalci da zaman lafiya,” ya kara da cewa al’ummar Siriya sun ‘yantar da kasar ta hanyar haɗin kai.

KU KUMA KARANTA: Turkiyya ta ƙuduri aniyar kawar da taaddanci a Iraki da Syria

“Mai laifi ya tsere sannan mulkin ya rushe. ‘Yan Syria masu ‘yanci na shiga Damascus suna sanar da nasara,” kamar yadda ya ƙara da cewa.

Bayan samun kwanciyar hankali, an sake gwabza fada tsakanin dakarun gwamnatin Assad da masu adawa da gwamnatin a ranar 27 ga watan Nuwamba a yankunan karkara da ke yammacin Aleppo, wani babban birni a arewacin Syria.

Fiye da kwanaki 10, dakarun adawa sun ƙaddamar da farmaki, inda suka kwace muhimman garuruwa sannan a ranar Lahadi babban birnin kasar, Damascus.

Ci gaban da aka samu cikin sauri, wanda ke samun goyon bayan rundunonin soji da suka sauya sheka, ya kai ga rugujewar gwamnatin Assad bayan shekaru 13 na yakin basasa.