An gwabza ƙazamin faɗa tsakanin Sojoji da ‘yan bindiga
Dakarun Sojojin Najeriya sun yi wani ƙazamin artabu da ‘yan bindiga, ƙarƙashin jagorancin Bello Turji a Jihar Sakkwato da safiyar ranar Talata.
Rikicin dai ya faru ne a kusa da Bakin Gulbi, kusa da Tungar Yakuba, inda sojojin garin Gatawa suka haɗa kai da sojoji a yakin.
A cewar wani rahoton yaƙi da ta’addanci da Zagazola Makama ya wallafa, an fara arangamar ne da misalin karfe 6:00 na safe, kuma ta yi muni yayin da ɓangarorin biyu ke fafutukar ganin sun mamaye ƙasar.
KU KUMA KARANTA: Jamian tsaro sun kama ;yan bindiga 3 da mai yin safarar makamai
Rahotanni sun nuna cewa kafin arangamar, Bello Turji ya ƙira wani taro a asirce a ƙauyen Dan Tasakko da ke kusa da Gatawa, inda ya nuna fargaba kan hadarin tsaro a yankin. Ana sa ran samun ƙarin bayani daga hukumomi yayin da ake ci gaba da rikici.
